Al final del túnel AKA At the End of the Tunnel (2016)

වෙනදා වගේම ආයුබෝවන් කියල ප්‍රාර්ථනා කරනවා  Subz LK හැමදෙනෙක්ටම.අදත් මම ඔයගොල්ලන්ට අරගෙන එන්නෙ පසුගිය වසරේ  තිරගත වුණ තවත් ස්පාඤ්ඤ චිත්‍රපටයක්.අපේ මිතුන් ඇතුළු ස්පාඤ්ඤ චිත්‍රපට රසික හැමදෙනෙක් වෙනුවෙන්මයි මේ චිත්‍රපටය.චිත්‍රපටය ගැන කිව්වොත් මේකේ නම තමයි Al final del túnel (At the End of the Tunnel ).ක්‍රයිම් ත්‍රිලර් ඝනයට අයත් පැය දෙකක ධාවන කාලයකින් සමන්විත ස්පාඤ්ඤ ආජන්ටිනා සම නිෂ්පාදනයක් ලෙස එළිදැක්වුණ මේ චිත්‍රපටය IMDB වෙතින් 7.1ක  අගයකුත්  Rotten tomatos වෙතින් 73%ක අගයකුත් ගූගල් පරිශීලකයන් 90%කගේ ප්‍රසාදයත් ලබා ගන්නට සමත්කම් දක්වනවා ඒ විතරක් නෙමෙයි, සම්මාන 4ක් දිනාගන්නත් සමත්වෙලා තියනවා.අධ්‍යක්ෂණය සහ රචනය  Rodrigo Grande ගෙන් වන අතර රංගනයෙන් දායක වෙන්නේ Leonardo Sbaraglia (හොකින්), Pablo Echarri (ගැලරිතෝ), Clara Lago (බර්තා), Federico Luppi (ගුට්මන්), Uma Salduende (බෙටී) ඇතුළු නළු නිළි පිරිසක්.දැන් අපි යමු කතාව පැත්තට…

හොකින් කියන්නේ පරිගණක ඉංජිනේරුවෙක් අපේ වචනයෙන් කියනවනං ඒ අංශයේ වැඩකරුවෙක්.කලක සුන්දර ජීවිතයක් ගෙවූ කෙනෙක් බවට ලකුණු  ඔහු  වෙසෙන නිවෙස තුලින් පෙනුනත් අද රෝදපුටුවකට සීමාවී  තමන්ගේ කැසිමීරෝ නම් බලු සුරතලාත් එක්ක ඔහු ගෙවන්නේ අඳුරු ජීවිතයක්.ගතින් ආබාධිත වුණත් සිතින් ශක්තිමත් ඔහු පරිගණක අලුත්වැඩියා කරගෙන තමන්ගේ පාඩුවේ ජීවත්වෙනවා.දවසක ඔහුට තමන්ගේ අසල්වැසි නිවස තුල පිරිසක් කරන කතාබහක් ඇහෙනවා ඔහුගේ බිම්මහල තුලට.මේ සැකකටයුතු කතාබහට සවන්දෙන ඔහුට දැනගන්න ලැබෙනවා ඔවුන් අසල පිහිටි බැංකුවක් මංකොල්ල කෑමට සූදානම් වෙන බව.මේ සියල්ල සාවධානව අසාගෙන ඉන්න හොකින් තීරණය කරනවා මේ කොල්ල කල්ලියට අමුතුම ආකාරයේ වැඩක් දෙන්න.මම සේරම කිව්වොත් වැඩක් නෑ මෙතන ඉඳන් ඕගොල්ලන්ට  බාරයි බලන්නකො හොකින් මොකද්ද කරන්නෙ කියල.(ෆිල්ම් එකේ ට්‍රේලර් එක නොබල ඉන්න පුළුවන්නං වඩා හොඳයි)අවසානය වෙනකම්ම කුතුහලයෙන් බලන්න පුළුවන් එකක් කියල මම සහතික වෙනවා.එහෙම නැත්නම් ඒ බව කමෙන්ට් එකකින් කියන්නත් දෙපාරක් හිතන්න එපා.එහෙනම් මම ගිහින් එන්නම්…තවත් දවසක තවත් උපසිරැසියකින් හමුවෙමු!!!

Spoiler Warning : A paraplegic computer engineer starts to hear noises and the voices of bank robbers in his basement…