Amal (2008) Sinhala Subtitle

ආයුබෝවන් Subzlk හිතවතුන් හැමදෙනෙක්ටම අදත්. මුලින්ම කියන්න ඕනෙ ලබන්නාවූ නව වසර වසංගත තත්වෙයෙන් අත්මිදුනු පැහැබර නව වසරක්ම වේවා කියල. මාස ගණනාවක නිහැඬියාවකින් පසු ගෙනෙන දෙවෙනි උපසිරැසියයි මේ. මෙවර තෝරාගත්තෙ 2008 වසරේ තිරගතවූ අපූරු හා සිත නිවන පන්නයේ හින්දි චිත්‍රපටයක්. මෙය තිරගත වූවේ 2008 වසරේ වුවත්, මෙය ඇමසෝන් ප්‍රයිම් හරහා මෑතකදී ඔන් ඩිමාන්ඩ් ලෙස නිකුත්වූ නිසා මෙය webrip ලෙසින් අන්තර්ජාලයට එකතුවුනා. මේ චිත්‍රපටයේ නම තමයි Amal (2008). මෙය කැනේඩියානු-ඉන්දියානු ජාතික සිනමා අධ්‍යක්ෂ රිචී මෙහ්තාගේ අධ්‍යක්ෂණයක් වන අතර ෂෝන් මෙහ්තාගේ "Amal: The Autorickshaw Wallah" නම් කෙටි කතාව ඇසුරින් නිර්මාණය කල චිත්‍රපටයක්. රංගනයෙන් දායක වන්නේ රූපින්දර් නාග්‍රා, නසීරුද්දීන් ෂා, සීමා බිස්වාස්, කෝයල් පූරි,වික් සහේ, ඕෂන් සේත්, තනීෂා චැටර්ජි ඇතුළු නළු නිළි කැලක්. නසීරුද්දීන් ෂා සහ සීමා බිස්වාස් ඔබ හොඳින් අඳුනන දක්ෂ නළු නිලි දෙපලක් වුවද, මෙහි අපිට නුපුරුදු නළු නිළි රංගනයන්ද ඔවුන්ගේ රඟපෑම්වලට දෙවෙනි නැති බවත් කිව යුතුමයි. IMDB වෙතින් 7.5ක අගයක්ද Rotten Tomatoes වෙතින් 100%ක අගයක්ද ගූගල් පරිශීලක ප්‍රසාදය 89%ක්ද ලබා තිබීම චිත්‍රපටයේ ගුණාත්මක භාවය මොනවට ඔප්පු කරන්නක්. එසේම සම්මාන දහයකට නිර්දේශව එයින් පහක්ම තමන් සතු කරගන්නත් චිත්‍රපටය සමත්ව තිබෙනවා. චිත්‍රපටයෙ කතාව පැත්තට යමු අපි දැන්:

අමල් කියන්නෙ නවදිල්ලියේ කුලී ත්‍රීරෝද රථ රියදුරෙක්, ඉතාම සන්සුන් අවංක පුද්ගලයෙක් වන ඔහු රැකියාවේදීද තම ගතිගුණ එලෙසම තබාගන්නට නිරතුරුවම උත්සාහ ගන්නවා. දිනෙක ඔහුගේ රථයේ ගමන්ගන්නා ධනවත් පුද්ගලයෙක් ඔහුගේ අවංකභාවය දැක අමල්ගේ ජීවිතය සහමුලින්ම වෙනස්වන ආකාරයේ ත්‍යාගයක් ඔහුට උරුමකර තබමින් මියයනවා. එහෙත් එය ලබාදීමට අමල්ව සොයාගැනීම දැඩි ගැටලුවක් බවට පත්වෙනවා නවදිල්ලියේ සිටින දස දහස් ගණනක් වූ අමල්ලා අතරින් ඔහුව සොයාගැනීමට ඇති එකම හෝඩුවාව ඔහුගේ නම සහ වාසගම පමණක් වීම, එසේම ඔහුට එරෙහි බලවේග කීපයකුත් මේ අතරේම නැගී එනවා මේ සුවිශේෂ ත්‍යාගය තමන් සතු කරගැනීමේ අරමුනින්. එහෙනම් මම ගිහින් එන්නම්, හමුවෙමු තවත් උපසිරැසියකින්...

ලබාදී ඇති උපසිරැසිය WEBRip පිටපත් සඳහා වේ