ආයුබෝවන් අදත් Subzlk හිතවතුන් හැමදෙනෙක්ටම. අදත් මේ රසික ඉල්ලීමක් ඉෂ්ට කරන්නයි හදන්නෙ, මේ අපේ මිතුන් සහෝදරයා ඉල්ලා සිටි Burning (2018) කොරියානු චිත්‍රපටයේ සිංහල උපසිරැසිය. මුලින්ම ස්තූතිය ඔහුට. ඇත්තටම මේ චිත්‍රපටය එසේ මෙසේ චිත්‍රපටයකුත් නෙමෙයි, මේ තමයි 2019 ඇකඩමි සම්මාන උළෙලේ කොරියානු නියෝජනය. එසේම මේ වනවිට සම්මාන 123කට නිර්දේශව එයින් 27ක් තමන් සතු කරගන්නටත් මෙය සමත්වී තිබෙනවා. අයත් වෙන්නෙ නාට්‍යමය අභිරහස් වර්ගයට. ධාවන කාලයනම් ටිකක් වැඩියි, පැය දෙකයි මිනිත්තු 28ක්.

ජපන් ජාතික ලේඛක හරුකි මුරාකමිගේ “The Elephant Vanishes” කෙටි කතා සංග්‍රහයේ ඇතුලත්වූ “Barn burning” නම් කෙටිකතාව ඇසුරින් නිර්මාණය කර ඇති මේ චිත්‍රපටය ඇමරිකානු ජාතික ලේඛක විලියම් ෆෝල්ක්නර්ගේ එම නමින්ම යුත් කෘතියකද ආභාෂය ලබා ඇති බවයි සඳහන් වෙන්නෙ. Imdb අගය 7.7කුත්, Rotten tomatos වෙතින් 94% කුත්, මෙටාක්‍රිටික් වෙතින් 90ක අගයකුත් ගූගල් පරිශීලකයන් 84%කගේ ප්‍රසාදයත් වශයෙන් ඉතාම ඉහල පැසසුම් ලබා ඇති මෙහි අධ්‍යක්ෂණය ලී ඩොන්-චුන්ගෙන්. රංගනයෙන් දායක වෙන්නෙ ආ-ඉන් යූ ( ලී ජොන්-සූ ), ස්ටීවන් යුන් (බෙන්),ජොන්-සියෝ ජුන් ( ෂින් හයුමි) ඇතුළු පිරිසක්. හරි දැන් අපි යමු චිත්‍රපටයෙ කතාව පැත්තට….

ජොන්-සූ කියන්නෙ බඩුභාණ්ඩ බෙදාහරින්නෙකු ලෙස අර්ධකාලීන රැකියාවක් කරන තරුණයෙක්. දිනක් රැකියාව සඳහා පිටතට ගොස් සිටින අවස්ථාවක ඔහුට ඊට කාලයකට පෙර තම ගමේ අසල්වාසියකු වූ තරුණියක් මුණ ගැහෙනවා අහම්බයෙන්, ඇය හයුමි. හයුමි ඇයගෙන් පොඩි උදව්වක් ඉල්ලනවා, ඒ තමයි තමන් විනෝද චාරිකාවකට අප්‍රිකාවට යන බවත්, ඒ කාලය තුල තමන් සිටින කාමරයට පැමිණ තම සුරතල් බළලාට ආහාර පාන ආදිය සපයාදෙන්න කියල. ජොන්-සූ මේ ඉල්ලීම පිළිගන්නවා, හැබැයි එතනින් එහාට ජොන්-සූගේ ජීවිතය උඩු යටිකුරු වෙනවා.මම එතනින් එහාට කියන්න යන්නෙ නෑ, ඉතිරිය නරඹන ඔබට බාර කරමින් මම ගිහින් එන්නම්. හමුවෙමු ලඟදීම තවත් උපසිරැසියකින්.

වැඩිහිටි පාර්ශවය පමණක් නරඹන්න