ඉතින් subz.lk සමඟ නිබඳවම අත් වැල් බැඳගෙන සිටින රසිකයන් කීප දෙනෙකුගේ ඉල්ලීමක් ඉටු කරන්නයි අද සූදානම් වෙන්නෙ. සුපිරි සටන් නලු Jean Claude Van Damme ගේ තවත් පරණ සිනමා සිත්තමක්. ඒ තමයි 1995 දෙසැම්බර් 22 ඇමෙරිකාවේදී මුලින්ම තිරගත කිරීම ආරම්භ කල Sudden Death. විනාඩි 110 ක ධාවන කාලයක් සහිතයි. Action, Crime, Thriler  යන කාණ්ඩ වලට අයිති වෙනවා. මේකෙ රීමේක් එකක් තමයි Michael Jai White රඟපෑ 2020 වසරේ නිකුත්වූ Welcome to Sudden Death චිත්‍රපටය. IMDb අගය 5.8/10 ක්ද, Rotten Tomatoes අගය 50% ක්ද, Google සැරිසරන්නන්ගේ කැමැත්ත 85% ක්ද ලබාගෙන තියෙනවා. අධ්‍යක්ෂනය Peter Hyams. 1994 වසරේ Timecop චිත්‍රපටයෙන් පසු Van Damme - Hyams දෙන්නා නැවතත් එකට එකතුවෙන්නෙ මේ චිත්‍රපටයෙන්. මෙහි එන Pittsburgh Penguins අයිස් හොකී කණ්ඩායමේ එකල අයිතිකරු වූ Howard Baldwin තමයි මේ චිත්‍රපටය පිටුපස සිටින දැවැන්තයා. මෙහි සම නිෂ්පාදනයත් ඔහු වන අතර, චිත්‍රපටයේ කතාවත් ඔහුගේ බිරිඳ වන Karen Elise Baldwin විසින්.  Jean-Claude Van Damme (ඩැරන් මැකෝඩ්) සමග Powers Boothe (ආක්‍රමණික නායකයා), Raymond J. Barry (උප ජනාධිපති), Whittni Wright (එමිලි), Ross Malinger (ටයිලර්) සහ Dorian Harewood (හෝල්මාක්) රංගනයෙන් දායක වෙනවා. ආරම්භක සති අන්තයේදී ඇමෙරිකාවේ පමණක් ඩොලර් 4,782,445 ක බොක්ස් ඔෆීස් ආදායමක් උපයාගත් අතර ඇමරිකා සමස්ත ආදායම ඩොලර් 20,350,171 ක් විය. ඇ.ඩො.මිලියන 35 ක වියදමකින් නිමකල Sudden Death, විදේශයන්හි වඩාත් සාර්ථක වෙමින් තම ගමන් අවසන් කලේ සමස්ත ආදායම ඇ.ඩො.මිලියන 64.4 ක් තම ගිණුමට බැර කර ගනිමිනි. එහි වීඩියෝ පටය ලොව පුරා අලෙවියෙන්ද මිලියන 50 කට ආසන්න ලාබයක් ලබාගන්නට සමත්වෙලා තියෙනවා. මේ චිත්‍රපටයේ කතා පසුබිම වන්නේ 1995 වසරේ "Stanley Cup" අයිස් හොකී තරගාවලියේ අවසන් මහා තරගය වන, Pittsburgh Penguins සහ Chicago Blackhawks අතර පෙනිසිල්වේනියාවේ Pittsburgh Civic Arena හී පැවැත්වූ අයිස් හොකී තරගයයි. ( මෙය 1992 වසරේ පැවති සැබෑ Stanley Cup Finals තරගය යලි නිර්මාණය කිරීමක් ). හිටපු ගිනි නිවන භටයෙක් වන ඩැරන් මැකෝඩ් ( වෑන් ඩෑම් ) තමයි, සිවික් ක්‍රීඩාංගණයට යොදවා ඇති ගිනි නිවන ඒකකය බාරව වැඩ කරන්නෙ. අවුරුදු 2 කට පෙර ගිනි නිවීම් සිද්ධියකදී කුඩා ගැහැණු ළමයෙකු බේරාගැනීමට නොහැකි වීම නිසා, යම් මානසික ආබාධයක් නිසා ඉදිරි පෙළ කටයුතු වලින් ඉවත් කරනවා. අවසන් තරගය නැරඹීම සඳහා තම දරුවන් වන එමිලි සහ ටයිලර් දෙන්නවත් ඔහු එක්ක එනවා. මේ අවස්ථාවට සහභාගි වන ඇමරිකා උප ජනාධිපති ඇතුලු පිරිසක් යම් සංවිධානාත්මක කල්ලියක් විසින් රහසේම ප්‍රාණ ඇපයට ගන්නවා. ඔවුන් මුලු ක්‍රීඩාංගණයම බිමට සමතලා වෙන පරිදි බෝම්බත් අටවල තියෙන්නෙ. ඔවුන්ගෙ ඉල්ලීම විදේශ බැංකුවල තැන්පත් කර ඇති ඇමරිකන් රජයේ අති විශාල මුදලක්. ආරක්ෂක අංශ ගන්නා සෑම පියවරක්ම ජීවිත හානි වලින් අවසන් වෙනවා. තම කුඩා දියනිය එමිලි, ප්‍රාණ ඇපකාරියක් බවට පත්වීමත් සමඟ මේ ගැටුමට මැකෝඩුත් සම්බන්ධ වෙනවා. මේ කිසිත් නොදැන දහස් සංඛ්‍යාත නරඹන්නන් පිරිසක් මැද තරගය ක්‍රියාත්මක වෙනවා. ආරක්ෂක අංශ කර කියාගන්න දෙයක් නැතිව සිටින තත්ත්වයක් තුල, තම දියනිය ඇතුලු සියලු දෙනාම වෙනුවෙන් යමක් කරන්නට වෙන්නේ තමාටම බව මැකෝඩ්ට වැටහෙනවා. මෙහි අවසන් දර්ශනයේ එන හෙලිකොප්ටරය සිවික් ක්‍රීඩාංගණය තුලට කඩා වැටෙන දර්ශනය රූගත කිරීමේදී කැමරා නමයක් භාවිතා කර ඇති අතර හෙලිකොප්ටරය උස් පහත් කිරීම සඳහා අඩි 400 ක ක්‍රේන් එකක් යොදාගෙන ඇත. කීප වාරයක් රූගත කිරීමට සිදුවී ඇති අතර හදිසි තත්ත්වයකට මුහුණ දීම සඳහා "ඉමර්ජන්සි වෙහිකල්ස්" සිය ගනනක් ස්ටෑන්ඩ්බයි තබා තිබූ බවයි කියවෙන්නෙ.

හොකී ක්‍රීඩාව පැවැත්වෙන්නේ නිශ්චිත කාල සීමාවන් තුනක් යටතේ. ඒ කාලසීමා තුන අවසානයේ දෙපිලම සම ලකුනු ලබාගත්තොත් අමතර කාල සීමාවක් ලබාදෙනවා. ඒ අමතර කාලය හඳුන්වන නම තමයි "sudden death overtime". ඒ වගේම කියන්න ඕනෙ පහසුව තකා, 'කාල සීමාව' නැත්නම් 'කාල පරිච්ඡේදය' කියන එකට "වටය" කියල තමයි භාවිතා කරල තියෙන්නෙ. මේ චිත්‍රපටයේ කිසිම අසභ්‍ය දර්ශනයක් හෝ අසභ්‍ය වචනයක් ඇතුලත් නැති බවත් විශේෂයෙන් මතක් කරනවා.

ජය වේවා.

QUALITY - 480p-400MB / 720p-945MB / 1080p-1.7GB

♣♣  BRRip 480p / 720p / 1080p  ♣♣