The Defender (1994) Sinhala Subtitle

                  Subz.lk රසිකයන් වෙනුවෙන් මේ පාර අරන් ආවෙ ජෙට් ලිගෙ තවත් පැරණි සුපිරි චිත්‍රපටයක්. ඒ තමයි "Bodyguard from Beijing" හෙවත් "Defender". මේක විශේෂයෙන්ම ගෙනාවෙ ජෙට් ලිගෙ ෆිල්ම් ඉල්ලලා නිතරම කමෙන්ට් කරන සහෝදරයින් කීප දෙනෙක්ගෙ ඉල්ලීම ඉටු කරන්න. විශේෂයෙන්ම නිතරම ජෙට්ලිගෙ ෆිල්ම් ඉල්ලන ශාමල් මනෝජන් සහෝගෙ කරදරේ නිසා. ඒවයින් තමයි අපිටත් සබ් කරන්න ගැම්මක් එන්නෙ. ඒ වගේම කමෙන්ට් කරන හැමෝටම ස්තූති කරනවා. මේක හොංකොං ෆිලුමක්. මුලින්ම තිරගත කලේ 1994 ජුලි 28 දිනයි. ඉංග්‍රීසියෙන් හඬ කවා ඇමෙරිකාවේ ප්‍රදර්ශනය කලේ "Defender" යන නමින්. චිත්‍රපටය නිෂ්පාදනය කරල තියෙන්නෙත් ජෙට් ලිමයි. No Retreat No Surrender[1987], Dragons Forever [1988], Hero [1997] සහ Transporter [2002] වැනි සුපිරි ෆිල්ම් ටිකක් සිනමා ලෝකයට දායාද කල Corey Yuen ගේ අධ්‍යක්ෂනයක්. Jet Li සමඟ රංගනයෙන් දායක වන්නේ Christy Cheng, Kent Cheng සහ Collin Chou. ධාවන කාලය විනාඩි 92 යි.

කෝටිපති ව්‍යාපාරිකයෙක් වන ජේම්ස් ෂොන්ග්ගේ පෙම්වතිය තමයි මිෂෙල්. ඉතා රූමත් තරුණියක්. ඇය මිනීමැරුම් නඩුවක එකම ඇසින් දුටු සාක්ෂිකාරියක්. ඒ නඩුවේ සැකකාරයත් පාතාල නායකයෙක්. ඔහු උත්සහ කරනවා සාක්ෂි දෙන්න කලින් මිෂෙල්ව මරන්න. මේ නිසා ජේම්ස් තීරණය කරනවා ඇගේ ආරක්ෂාවට බොඩිගාඩ් කෙනෙක් ගන්න. චීනයේ බීජින් වල ඩිෆෙන්ඩර්ස්ලා ලෙස හඳුන්වන ඉහළම පෙලේ ප්‍රභූ ආරක්ෂක කණ්ඩායමක සාමාජිකයෙක්, ජේම්ස් හොංකොංවලට ගෙන්න ගන්නෙ ඒ අනුව. ඔහු ජෝන් චෑන්. ඔහුගේ දැඩි ආරක්ෂක ක්‍රියාමාර්ග හා නීති රීති නිසා පලමු දවසෙම මිෂෙල්ට ඔහුව එපාවෙනවා. පහු වෙනකොට ඔහුව වහ කඳුරු වගේ වෙනවා. ඇගේ ජීවිතයට තියෙන තර්ජනය තේරුම් අරන් ඉන්න ජෝන් ඇගේ හිතුවක්කාර වැඩ වලට සහනයක් දෙන්නේ නෑ. ඔහුගේ මූලික අරමුණ ඇගේ ආරක්ෂාවයි. දෙන්නා අතර නිතරම වලි. නමුත් දවසක මේ ඔක්කොම වෙනස් වෙලා කතාව වෙනස්ම පැත්තකට හැරෙනවා. හරියට හින්දි ෆිලුමක් වගේ. ඉතින් ජෙට් ලිගේ සුපුරුදු අති ධාවනකාරී සටන් විලාසය අතරින් ලස්සන ආදර කතාවකුත් ගලා යන, ජෙට් ලිගෙ සුපිරිම ෆිලුමක් වන Defender රස විඳින්න ආරාධනා කරනවා. ඒ වගේම විශේෂයෙන්ම කියන්න ඕන මේකේ බ්ලූරේ කොපියක් හෝ වෙන යම් කොපියක් අන්තර්ජාලෙන් නම් මට හොයාගන්න බැරිවුනා. මන්ගාව තිබ්බ පිටපතක් අප්ලෝඩ් කරලා තමයි ඔයාලට මේක ලබාදෙන්නෙ. බ්ලූරේ කොපියක් ලැබුනු සැනින් ඔයාලට අප්ඩේට් එකක් දෙන බවට පොරොන්දු වෙමින් නවතිමි. ජය වේවා.

♣♣ WEB-DL ♣♣

ඔබටත් ඉඩක්... ඔබත් උපසිරැසිකරණයේ යෙදීමට කැමතිනම් අප හා එකතුවන්න. විස්තර මෙතනින් බලාගන්න. එසේ නම් ඔබ Subz.lk වෙබ් අඩවියම තෝරාගත යුත්තේ ඇයි? මෙතනින් බලන්න. ලින්ක් වැඩ නොකරන්නේ නම් කමෙන්ට් කරන්න. වහාම යථාවත් කිරීමට අප සූදානම්.