කලින් කොටසේ ලිපියේ මිහිර අයියා කිව්වා වගේ මෙතැන් ඉඳන් මේ කතා සමයේ අවසන් කතාංග 5 ගේන්නේ මම. ඉතින් මුලින්ම මාව මේ වගේ ලස්සන කතාවකට උපසිරැසි කරන්න සම්බන්ධ කරගත්තු මිහිර අයියට ස්තූතිවන්ත වෙනවා. මේ කතාව ලොකු පිරිසක් නරඹනවා කියලා දන්නවා. ඉතින් මන් හිතනවා ඒක ඒ විදියටම පවතී කියලා. ඇත්තටම මේක බලන්න වටින ලස්සනම ලස්සන කතාවක්. නිකන් නිකන් දොස්තර කෙනෙකුත් නෙමේනේ ඉන්නේ. සමාජ සම්බන්ධතා නොතේරෙන ඕටිසම් රෝගය තියෙන දොස්තර කෙනෙක් ඉන්නේ. ෂෝන් මර්ෆි. බලන අය නම් දන්නවා දොස්තර හොඳ හිතගේ රඟපෑම් ඛොමොද කියලා.

හරි වැඩි කතා අවශ්‍ය නෑ. කෙලින්ම කතාව දිහාවට හැරෙමු.

තරඟය

අද තියෙන්නේ නේවාසිකව ඉන්න දොස්තරවරුන්ගේ තරඟයක්. රෝගලේ ගුණාත්මභාවය වැඩි කරන්න කියලා ඩොක්ට ලිම් යෝජනා කරනවා ඩොක්ට මෙලෙන්ඩෙස්ට තරඟයක් තියමු කියලා. ඩොක්ට බ්‍රැව්නී, ඩොක්ට රෙස්නික්, ඩොක්ට මෙලෙන්ඩෙස් සමඟ එක කණ්ඩායමකුත්, ඩොක්ට මර්ෆි, ඩොක්ට කලු, ඩොක්ට ලිම් එක්ක තව කණ්ඩායමකුත් විදියට ලෙඩ්ඩුන්ට බෙහෙත් කරනවා. එකම විදියේ අසනීප තත්ත්වයන දෙකක් කියලා හිතලා තමා මුලින් ප්‍රතිකාර කරන්න පටන් ගන්නේ. අන්තිමට කණ්ඩායම දෙකම හිතුවෙවත් නැති කාරණා නිසා සංකීර්ණතා මුහුණ වල දෙනවා. ඒවගේම ඩොක්ට ඇන්ඩෲස්ටත් අද තමන්ගේ ජීවිතයේ ලොකු පෞද්ගලික ගැටලුවකට මුහුණ දෙන්න වෙනවා.

එහෙනම් කතාව බලන්න ඔයාලට බාරයි.

ඒ වගේම කියන්න ඕනා මන් මේකේ සමහර තැන්වල තියෙන වෛද්‍ය වචන ඒ විදියටම පාවිච්චි කරලා ඒකේ තෙරුම මම සඳහන් කරලා තියෙන මම දන්න තරමින්. ඉතින් පොඩ්ඩක් නැවතිලා ඒවත් කියවගෙන යන්න. කතාව බලන ගමන් දැනුමටත් යමක් එකතු වේවී කියලා හිතනවා.