The Magicians [S01 : E05] Sinhala Subtitle

අද කොටස දෙන්න කලින් මුලින්ම The Magicians රසිකයින්ගෙන් සමාව ඉල්ලල සිටිනවා 5වෙනි කොටස දෙන්න ටිකක් ප්‍රමාද වීම ගැන. ගොඩ දෙනෙක් කමෙන්ට් කරල 5වෙනි කොටස ඉක්මනට ඉල්ලලත් තිබුණ. මේ දවස් ටිකේ ටිකක් වැඩ වැඩිවුණ නිසයි මේ කොටස ගේන්න ප්‍රමාද වුණේ.  ඉතිරි කොටස්ටික ඉක්මනට ගේන්නත් බලාපොරොත්තු වෙනවා.  මේ කොටස විකාශය වුණේ 2016 පෙබරවාරි 15 . ඉතිං වැඩි විස්තර නැතුව මම ගිය සතියෙ කොටස පොඩ්ඩක් මතක් කරල ඉන්නම්.

කලින් දවසෙ නේවාසිකාගාරෙ නින්දට ගිය ක්වින්ටන් ඇහැරුණේ මානසික රෝහලකින්. එයත් එක්ක එලියට්, ඇලිස් වගේ එයාගෙ යාළුවො කට්ටියත් මානසික රෝහලේ හිටිය.ක්වින්ටන්ව මානසික රෝහලට ගේන්න හේතුව  තමන්ගෙම තාත්තව මරන්න උත්සාහ කිරීම කියලයි රෝහලෙන් කිව්වෙ. ඒ විතරක් නෙමෙයි ජූලියත් ආව ක්වින්ටන්ව බලන්න.  හැබැයි ජූලියගෙ එක කතාවකින් ක්වින්ටන්ට තේරුණා මේක මායාවක් බව. කොහොමහරි    ෆිලොරි පොතේ ඉන්න ජේන් චැට්වින් ක්වින්ටන්ට කියනවා මෙතනින් බේරෙන විදිය තියෙන්නෙ ෆිලොරි පොතේමයි කියල , හැබැයි ඒ රෝහලේම ඉන්න තවත් රෝගියෙක් ෆිලොරි පොත කෑලි කෑලිවලට ඉරල දානවනෙ.  අන්තිමේ බලද්දි මේ  රෝහල් මායාව සේරම මරීනගෙයි ජූලියාගෙයි වැඩක්. කොහොමහරි පෙනීගෙයි , කුලපති ෆොග් සහ තමන් කල දේ ගැන පසුතැවිලි වෙන ජූලියාගෙත් උදවුවෙන් සහ මාතරීස් නම් කෘමි ආත්මයක මාර්ගයෙන් ක්වින්ටන් ඒකෙන් බේරුණත්, ඔහුට ඉතිරි දුර එන්න වෙන්නෙ තනියමනෙ. එතෙන්දි ඔහු දැනගන්නවා තමන් එලිස්වර්ත් ඩෝන්ස් නොහොත් උමතු මැවුම්කරු නම් මැජික්රුවකුගෙ ක්‍රීඩාවක ගොදුරක් වෙලා කියල කොහොමහරි ඔහු  ඒකෙනුත් එලියට එන මගක් හොයාගෙන ඒ මායා ලෝකෙන් ගැලවිලා ආයිත් පියවි ලෝකෙට එනවා. ක්වින්ටන් බේරුණේ ජූලියගෙ උදවුවෙන් බව දැනගන්න මරීනා ජූලියාව තමන්ගෙ මායාකාර කණ්ඩායමෙන් එලවල දානව.එතනින් තමයි 4 කොටස ඉවරවුණේ.

එතැන් සිට අද කොටස.... අද තියෙන්නෙ කුලපති ෆොග් ඇලිස්ට ආපහු සරසවියට එන්න කියල ආරාධනාවක් කරනව.  උපදේශකවරු  වගයක් ඇවිත් උපදේශන ලබාදීම සඳහා ශිෂ්‍යයින්ව තෝරගන්නව . ඇලිස්ගෙ නැන්දත් මේ බ්‍රේක්බිල්ස්වල හිටපු උපාධිධාරිනියක් වන ගෙන්ජි කියල එලියට් සහ මාර්ගෝට  දැනගන්න  ලැබෙනව. ඒ දෙන්න ඇලිස්ගෙන් පොඩි උදවුවකුත් ඉල්ලනව.  ඔය අතර වෙල්ටර්ස් කියල ලොකු තරඟයකුත් පැවැත්වෙනව. තව පෙනීට කාලයක් තිස්සෙ ගැටලුවක් වුණ දේකට උත්තරෙත් හම්බවෙනව.  එහෙනම් මම ගියා ඊලඟ කොටසින් හම්බවෙමු.

Spoiler Warning : The students each deal with a personal matter that keeps them from focusing on the upcoming Welter's Tournament...