The Mule (2018) Sinhala Subtitle
ආයුබෝවන් Subzlk හිතවතුන් හැමදෙනෙක්ටම. අද මේ අරගෙන එන්නෙ අතිදක්ෂ හොලිවුඩ් නළු සහ අධ්යක්ෂකවරයෙකු වන ක්ලින්ට් ඊස්ට්වුඩ්ගේ නවතම සිනමා නිර්මාණය වන The Mule (2018) චිත්රපටයේ සිංහල උපසිරැසිය. කොහොමවුණත් මම හිතුවට වඩා කාලයක් මේ උපසිරැසියට ගත කරන්න වුණා, මේ දිනවල නිරන්තරයෙන් සිදුවන විදුලි කප්පාදුව නිසා. හරියටම කිව්වොත් සති දෙකකට ආසන්න කාලයක් ගතවෙලා තියනව උපසිරැසිය හමාර කරන්න. කෙසේ හෝ උපසිරැසිය අවසන් කරගන්න පුළුවන් වුණා ඔන්න අද දවසෙ. ඒ වගේම කියන්න ඕනෙ මෙහි එන හාඩ්කෝඩඩ් ස්පාඤ්ඤ භාෂා දෙබසුත් පරිවර්තනය කරලයි තියෙන්නෙ නරඹන ඔබගේ පහසුව තකා. ආ..අමතක වුණානෙ, මෙම උපසිරැසිය අපේ Kantha සහෝදරයගෙ ඉල්ලීමක් අනුව කල උපසිරැසියක්. ඒ නිසා ඔහුටත් ස්තූතියි. හරි අපි දැන් යමු චිත්රපටය පැත්තට..
තමන්ගේ දිවියේ අවසාන සමයේ එනම් වයස අවුරුදු 90ක මහළු පුද්ගලයෙක් මෙක්සිකානු මත්ද්රව්ය කාටෙලයක ඩ්රග් මියුලයෙක් ( Drug Mule) එනම් මත්ද්රව්ය ප්රවාහකයෙක් වෙන ආකාරය සහ ඔහුගේ අවසන් ඉරණම තමයි මේ චිත්රපටයට අන්තර්ගත වෙලා තියෙන්නෙ. මේ Mule වචනය සාමාන්ය ව්යවහාරයෙදි භාවිතා වෙන්නෙ කොටළුවන් හැඳින්වෙන්නට. නමුත් මම පෙර සඳහන් කලා වගේ අසම්මත භාවිතයෙදි මේ වචනය පොදුවේ භාවිතාවෙනවා නීතිවිරෝධී භාණ්ඩ ප්රවාහකයන්ට. මම එහි වෙනසක් නොකර උපසිරැසිය තුලදීත් mule යන්න "කොටළුවා" ලෙස භාවිතා කලා, කොහොමත් මත්ද්රව්ය ප්රවාහකයෙකුට අවසානයේ සිදුවෙන්නාක් මෙන්ම කොටළුවා කියන සතාද නිශ්ශබ්දවම තම ස්වාමියා තමන්ගෙ කරට පටවන තරම් බර ගෙනගොස්, දවසක එම බරම දරාගත නොහැකිව විනාශයට පත්වන නිසා ඒ වචනය යෙදුවට වරදක් නෑ කියන එකයි මගේ අදහස.
සාමාන්යයෙන් තමන්ගේ අතිදක්ෂ රංගනයෙන් සහ ඊටත් එහා ගිය අධ්යක්ෂණ හැකියාවෙන් හැමදාමත් ප්රේක්ෂකයාව මංමුලා කරන ක්ලින්ට් ඊස්ට්වුඩ්, අදවනවිට වයස අවුරුදු 88ක මහළු පුද්ගලයෙක් වුණත්, ඔහු තුල සිටින අති දක්ෂයා තවමත් තරුණ බව මේ චිත්රපටයෙනුත් පෙන්වලා තියනවා. ඔහුගේම Gran Torino (2008), Unforgiven (1992), Million Dollar Baby (2004), Letters from Iwo Jima (2006), Changeling(2008), Mystic river (2003), Flags of our Fathers(2006) වගේ නිර්මාණ තරම්ම තැනක තියන්නට බැරිවුණත්, ඔහුගේ නූතන චිත්රපටවල ඇති පුදුමාකාර හැඟීම්බර අවසානය යම් තරමකින් මේ චිත්රපටයටත් කාවද්දන්නට ඔහු සමත්වී තිබෙනවා. විශේෂයෙන්ම Gran Torino (2008) බලල තියන අය බොහෝදෙනෙක් මේ කතාවත් එක්ක එකඟ වෙයි. අපි ආයිමත් මේ The Mule චිත්රපටය පැත්තට ආවොත්, අපිට මුලින්ම හිතෙන දේ තමයි ඔහුට කොහෙන්ද මේ අදහස එන්නෙ කියල. ඇත්තටම බැලුවොත් ඔහු මේ චිත්රපටය නිර්මාණය කරන්නෙ සැබෑ සිදුවීමක් යම් තරමකින් පදනම් කරගෙන. මේ සැබෑ කුඩු ප්රවාහකයා නමින් ලියෝ ෂාප්.
![](https://allthatsinteresting.com/wordpress/wp-content/uploads/2018/11/leo-sharp-military-portrait.jpg)
ලියෝ ෂාප් දෙවන ලෝක යුධ සමයේ හමුදා සෙබළකුව සිටියදී ගත් ඡායාරූපයක්
![](https://allthatsinteresting.com/wordpress/wp-content/uploads/2018/11/leo-sharp-mugshot.jpg)
ලියෝ ෂාප් අත්අඩංගුවට පත්වීමෙන් පසුව
1924 වසරේදී ඉන්දියානාහි උපත ලද ඔහු දෙවන ලෝක යුධ සමයේ සටන් කල සම්මානලත් යුධ සෙබලෙක්. කෙසේ හෝ යුද්ධයෙන් අනතුරුව ලිලී මල් වැවීම තම විනෝදාංශය සේම ආදායම් මගද ඊටත් වඩා තම ජීවිතයද කරගත් අතිදක්ෂ ගෙවතුවගාකරුවෙක් බවට පත්වෙන ඔහුගේ මේ මල් ව්යාපාරයට කණකොකා හඬන්නේ නව තාක්ෂණයේ ආගමනයත් සමගයි.
![](https://static01.nyt.com/images/2014/06/15/magazine/15sharp3/mag-15Sharp-t_CA2-jumbo.jpg?quality=90&auto=webp)
ලියෝ ෂාප් 1995 වසරේදී ඉදිරිපත් කල ලිලී මල් එකතුවක්
එතනින් ඔහුගේ ජීවිතය වෙනස්ම ගමන් මගකට හැරෙනවා.. එම කතාව චිත්රපටය තුලින් ඔබට දැකගත හැකි නිසා මම මීට එහා යමක් කියන්නේ නෑ. මේ චිත්රපටයේ තිර රචනය Gran Torino චිත්රපටයටත් තිර පිටපත් රචනයෙක් දායක වූ Nick Schenk. ඒ Sam Dolnick විසින් 2014 වසරේදී නිව්යෝක් ටයිම්ස් සඟරාවට ලියූ "The Sinaloa Cartel's 90-Year Old Drug Mule " නම් ලිපිය ඇසුරිනුයි. මේ තියෙන්නෙ එම ලිපිය, හැබැයි චිත්රපටය නරඹල අවසන් වෙලාම බලන්න කියලත් මතක් කරන්න ඕනෙ ඊට හේතුව එම සැබෑ සිදුවීමේ ඡායාරූප සහ වීඩියෝවක් මෙම ලිපිය තුල අන්තර්ගත වීම. දැන්ම බැලුවොත් රසවින්දයට බාධාවක් වීමට ඉඩ තිබෙනවා.
අධ්යක්ෂණයෙන් සේම ප්රධාන චරිත රංගනයෙන් දායක වෙන්නෙ ක්ලින්ට් ඊස්ට්වුඩ් (අර්ල් ස්ටෝන්). ඊට අමතරව ඔහුගේ දියණිය ඇලිසන් ඊස්ට්වුඩ් (අයිරිස්) සමග කින්ස්ලි ඩිලන් (කුඩා ජිනී), ටයිසා ෆාමිගා (තරුණ ජිනී),ඩයෑන් වයිට් (මේරි), බ්රැඩ්ලි කූපර් ( කොලින් බේට්ස්), මයිකල් පෙන්යා (ට්රෙවීනෝ), ලෝරන්ස් ෆිෂ්බෝන් ( ප්රධාන විශේෂ නියෝජිත), ඉග්නේෂියෝ සෙරිෂියෝ (ජූලියෝ),පෝල් ලින්කන් අලාහෝ( සැල්) ඇතුළු පිරිසක්. ඔවුන් සියලු දෙනාම ( විශේෂයෙන්ම බ්රැඩ්ලි කූපර් සහ මයිකල් පෙන්යා) පාහේ තමන්ගේ උපරිම දායකත්වය චිත්රපටයට දක්වා තිබෙන ඔබත් ඔබට පෙනේවි. මෙහි Imdb අගය 7.1ක් වන අතර Rotten tomatoes වෙතින් ලබා ඇති අගය70%ක්. එහෙනම් ඒ ඇතිනේ, අපි හමුවෙමු තවත් චිත්රපටයකින් ලඟදීම.
සියලු තොරතුරු සහ ඡායාරූප අන්තර්ජාලය ඇසුරිනිලබාදී ඇති ඩවුන්ලෝඩ් ලින්ක් BLURAY පිටපත් සඳහා වන අතර උපසිරැසි ගොණුව තුල ඇති BLURAY ලෙස නම් කල උපසිරැසිය ඒ සඳහා භාවිතා කරන්න. WEB-DL පිටපත් සතු අයගේ පහසුව තකා WEB-DL ලෙස නම්කල උපසිරැසියක්ද උපසිරැසි ගොණුව තුල ඇතුලත්ය. කරුණාකර තමන් සතු පිටපතට ගැලපෙන උපසිරැසිය යොදාගෙන නරඹන්න.
IMDB
Year : 2018
Actors : Clint Eastwood, Patrick L. Reyes, Cesar De León, Gustavo Muñoz
A 90-year-old horticulturist and Korean War veteran turns drug mule for a Mexican cartel.
![](https://subz.lk/wp-content/uploads/profile_image/288_SubzLK_4.jpg)
- Download : 1813
- File Size : 93.744KB
- Sub Update :2021-01-08
Windows 10Chrome 73
මේ උතුම් සත් කාර්යය වෙනුවෙන්
මාගේ ගෞරවණීය ප්රණාමය ඔබට පුද කරමි.
ඔබගේ සියලු කටයුතු සාර්ථක වේවා..!
………බුදු සරණයි – දෙවි පිහිටයි……..
Windows 10Chrome 73
Request :
Dogman (2018)
303 (2018)
What Will People Say (2017)
Border (2018)
Steel Rain (2017)
Kinder des Kalifats (2017)
Shadow (2018)
Jupiter Holdja (2017)
Android 8Chrome 73
ෆිල්ම් එක බැලුව මොනව කරන්නද. මට කාලෙකට අමතක නොවෙන මුවි එකක් උනා. නියම කතාව
සබ්ටයිල් එකට කොහොම උනත් තැන්ක්ස් සහෝ………
( අංකල්ගෙ නොන නැතිවෙන වෙලේ කොහොම හරි එයා ,එ මොහොතේ ලග ඉන්නවනෙ. එ වෙලාවෙ අන්තිම හුස්ම ටික යන්න කලින් එ ගැනු කෙනා කියන වචන ටිකට නම් දුක හිතුන. එතන මිනිහගෙ මුන තියෙන ගැගිම්බර තවය ගොඩක් දෙවල් තහහුරු කරනව .සහ උසාවියේ කියන්නෙ අන්තිමට මට හැමදෙම ලබාගන්න පුලුවන් උනා කාලය ගන්න බැරි උන කියල. කොහොම උනත් මට දැනුන හොද පොයින්ට් දෙකක් කිව්වෙ .එ වගේම අංකල් හොද අතල් එකක් ගත්ත මනුස්සයෙක් , හොද ෆන් එකකුත් දෙනව බලම් ඉන්න අපිටත්…
Android 8Chrome 73
Escape room 2019 sub eka denn puluwnd
Android 4.2Chrome 66
Eka maru bro.. Thanx
Windows 7Chrome 77
Thanka you much.