බොනී සහ ක්ලයිඩ්. අහල තියද මේ නම් දෙක? ඔබ හොලිවුඩ් චිත්රපට නරඹන්නෙක්නම් මේ නම් දෙක කොහෙදිහරි ඔබ අහල දැකල ඇති. මේ දෙදෙනා තමයි අදටත් ඇමරිකානු ඉතිහාසයේ ජනප්රියතම පෙම් යුවල විදියට ගැනෙන්නෙ. එහෙමනම් මේ දෙදෙනා ප්රේම සම්බන්ධයකින් හමුවෙලා විවාහ වෙලා ජීවිත කාලය සතුටින් ගත කල යහපත් දෙන්නෙක් විය යුතුයි, එහෙම නේද? අන්න අතන තියනව පොඩි ප්රශ්ණයක්. මොකද මේ දෙදෙනා නිකම්ම ජනප්රිය ආදර යුවලක් නොව අතිශය දරුණු සාහසික මනුෂ්ය ඝාතක, කොල්ලකාර පෙම් යුවලක්. 20වන ශතවර්ශයේ මුල් කාර්තුවේ ඇමරිකාව භීතියෙන් මුසපත් කර තරුණ වියේදීම නිර්භීත ටෙක්සාස් රේන්ජර්වරුන් දෙදෙනෙක් අතින් මියයන මේ දෙදෙනා පුදුමාකාර සේම නොවියයුතු ලෙසට එකල ජනතාව ( වැඩිපුරම තරුණ තරුණියන්) විසින් වීරයන් ලෙසද සලකා තිබෙනවා. මේ දෙදෙනා මුළු නමින් බොනී පාකර් (1910- 1934) සහ ක්ලයිඩ් චැම්පියන් බැරෝ (1909-1934). මේ දෙදෙනාගේ උපත සහ විපත අතර කාල පරතරය බැලුවම ඔබට පේනවා මේ දෙදෙනා මේ සාහසිකකම් කර අවසානයේ මරු වැලඳගන්නේ කොතරම් අඩුවයසින්ද කියල.
ක්ලයිඩ් බැරෝ (වමේ) සහ බොනී පාකර් (දකුණේ)
තවත් සාමාජිකයන් කීපදෙනෙක් සමග සොරාගත් මෝටර් රථයක නැගී මංකොල්ලකමින්, සිතූ සිතූ අය ඝාතනය කරමින් වියරුවෙන් මෙන් ඇමරිකාවේ ප්රාන්ත ගණනාවක් පුරා සැරි සැරූ මේ දෙදෙනා ගැන ක්ලයිඩ්ගේ සොයුරිය බ්ලැන්ච් කැඩ්වෙල් බැරෝ තම දිනපොත්වල ලියා තිබූ සටහන් ඇසුරින් පොතක්ද ලියා පල කර තිබෙනවා ” My Life with Bonnie and Clyde” නමින්.
My Life with Bonnie and Clyde කෘතිය
ක්ලයිඩ් බැරෝගේ අපරාධ වාර්තාව සහ ඇඟිලි සලකුණු
1934 වසරේදී නිකුත්කල ඔවුන්ගේ හඳුනාගැනීම් විස්තර
ෆෝඩ් (Ford) මෝටර් රථවලට දැඩිලෙස ආදරය කල ක්ලයිඩ් මියයනවිට පැදවූ සහ ඔහු වඩාත්ම ආදර කලායැයි කියවෙන 1932 වසරේ නිමවූ v8 එන්ජිමක් සහිත ford b-400 කන්වර්ටිබල් (වහලය හැකිලිය හැකි) කූප් (දොර දෙක)මෝටර් රථය.
ක්ලයිඩ්ගේ පියාට අයත්ව තිබූ ඉන්ධන පිරවුම්හල
ක්ලයිඩ් ෆෝඩ් මෝටර් රථවලට පෙම් කරද්දී බොනී කවි ලිවීමට ලැදි තැනැත්තියක් බවයි කියවෙන්නේ මේ ඇය ලිවූ “Suicide sal” ඇගේම අත් අකුරින්
බොනීගේ ජනප්රිය ” දුම්වැටි” ඡායාරූපය.
එය පසුව චිත්රපටවලද ජනප්රිය වනවා, මෙන්න මේ විදියට. මේ 1950 වසරේ තිරගතවූ Gun Crazy චිත්රපටයේ පෝස්ටරයක්.
චිත්රපටය නරඹා අවසන් වෙලා අනිවාර්යයෙන්ම බලන්න මෙන්න මේ අඩවියේ තියනවා ඔවුන් දෙදෙනාගේ ජීවිතයට අදාල දුර්ලභ ඡායාරූප රාශියක් සහ විස්තර පිළිවෙලින් ( පසුව වර්ණ ගැන්වූ ඡායාරූපද සහිතව). මෙහි Photo gallery යටතේ ඇති ලින්ක් ක්ලික් එකින් එක ක්ලික් කිරීම මගින් එම ඡායාරූප සියල්ල පහසුවෙන් නැරඹිය හැකියි ( ඔවුන්ගේ සොහොන්වල ඡායාරූප පවා මෙම අඩවියේ තිබෙනවා)
ඔවුන් දෙදෙනාව ඝාතනය කිරීමේ මෙහෙයුමට නායකත්වය දුන් ෆ්රෑන්ක් ඔගස්ටස් හේමර් ටෙක්සාස් රේන්ජර්වරයා
ඔහුට සහයවූ බෙන්ජමින් මේනි ගෝල්ට් රේන්ජර්වරයා තරුණ සමයේ
ඔවුන් දෙදෙනාද ඇතුළුව එම මෙහෙයුමට සම්බන්ධවූ සය දෙනා. පසුපෙල වමේ සිට: ප්රෙන්ටිස් ඕක්ලි,ටෙඩ් හින්ටන්,බොබ් ඇල්කෝන් සහ මේනි ගෝල්ට්. ඉදිරිපෙල වමේ සිට: ෆ්රෑන්ක් හේමර් සහ හෙන්ඩර්සන් ජෝඩන්.
මම හිතනවා මේ විස්තර ප්රමාණවත් වෙයි කියල චිත්රපටයට ආරම්භයක් විදියට. එහෙනම් ජෝන් ෆස්කෝගේ තිර රචනයෙන්, ජෝන් ලී හැන්කොක්ගේ අධ්යක්ෂණයෙන්ද හැඩවී, කෙවින් කෝස්ට්නර්, වූඩි හැරල්සන්, කැතී බේට්ස්, ජෝන් කැරොල් ලින්ච්, තෝමස් මැන්, ඩීන් ඩෙන්ටන් ආදී ශිල්පි ශිල්පිනියන් පිරිසකගේ රංගන දායකත්වයෙන් වර්ණවත් වූ Imdb වෙතින්7.0ක අගයක්ද, Rotten tomatoes වෙතින් 54%ක අගයක්ද ලබා ඇති මේ චිත්රපටය නරඹන ලෙස ඔබට ආරාධනා කරමින් මම මෙතනින් නවතින්නම්. හමුවෙමු තවත් චිත්රපටයකින් ලඟදීම.
WEB-DL පිටපත් සඳහා උපසිරැසිය ගැලපේ
විශේෂ :-
Moonclip (මූන් ක්ලිප්) (වීඩියෝ)
සුභ අලුත් අවුරුද්දක් වේවා !
ඔබගේ සියලු කටයුතු සාර්ථක වේවා..!
…… බුදු සරණයි – දෙවි පිහිටයි ……
ඔබටත් එසේම වේවා, Kantha 🙂
Eka maru bro thanks
Thanks …………good luck …………….
sub එකට ස්තුතියි සහෝ!
නියමයිනේ saho
සියලු දෙනාටම සුභම සුභ සිංහල දමිළ අලුත් අවුරුද්දක් වේවා 🙂
උපසිරැසියට ස්තුතියි සහෝ! මුවි ටිකකුත් එක්ක ඉයේම මෙකත් බෑව..
(සුබ අලුත් අවුරුද්දක් වේවා!!
ඔබටත් එසේම වේවා, මිතුන් 🙂
Badla (2019) 720p NF WEB-DL 950MB ඔකටත් පුලුවන් නම් සබ් එකක් ගහමුකො… ඔක ඇවිත් දැම් පැය ගානයි…Mkacage එකටත් ආවා….
Imdb 8යි…
දෙනව නම් හොදයි ඔක… බොලිවුඩයෙන් ආපු එකක්….
සබ් දෙනව නම් කියපු කෙනාගෙ නම සදහන් කරන්න ඔනේ නැ ඔන්න…. 😍
අමිතාබ් ඉන්න එක නේද? බලමු මාත් දැක්කා ඒක Mkvcage එකේ තියනවා.
හින්දි එකකට සබ් කරන්න හිතේ තිබුණට හිතට හරියන එකක් අහුවුණේ නෑ.
බලමු මම ෆිල්ම් එක බලල තීරණය කරන්නම්, මිතුන් 🙂
ඉල්ලීම කල කෙනාගෙ නම සඳහන් කරන්නෙ ඉතිං ඒ කෙනාට ගෞරවයක් විදියට.
කියනවනං නොදා ඉන්නං 😉
වචනෙටත් ස්තුතියි සහෝ….. ඔයා බලලා හොද නම් දෙන්න මම නම් දැනටමත් බෑව එක….
සාදරනයක් ඉටුවෙලාද කියල මම නම් දන් නැ. ඔයාම උපසිරස ගන්වපු… The Invisible Guest 2016 ස්පාඥ මුවි එකේ ප්රතිනිර්මාණයක් කියල හිතෙනව…. කොහොමද උනත් අලුත් අද්දැකිමක් වෙයි.. සබ් සෙට් උනොත් දෙමු… ස්පාඥ එක ලොකේ ඔච්චර ප්රසිද්ධ උන හින්දනෙ ඔහොම එකක් බොලිවුඩයෙන් නුත් ආවේ….. ලංකාවේත්.. චිත්රපට බලන අය ඔක බලලා FBවලයි… හැමතැනම කියෙව්ව මන් දැක්ක එ දවස් වල පට්ට කියල …. එකටම සබ් එක දුන්නෙත් ඔයාමනෙ එකටත්… මට තාම හම්බුන් නැ එවගෙ දැනුන එකක් නම්… මෙකේ මොනවා කරලද දන් ණැ හැබැයි
.. අමිතාර් බච්චන් ..🤩😃 රේට් එකත් 8ටම නැගල තියෙනවා …
@ මිතුන් about Badla (2019) :- මං පැය භාගයක් විතර බලල අතෑරල දැම්මා, මිතුන්. මං ඔයාට මේල් එකකුත් දැම්මා. ස්පැනිෂ් එකේ අමුම අමු කාබන් කොපියක්. Invisible guest බලල තියන හින්දද මන්දා, මට මේකෙ කිසිම දෙයක් දැනුනෙ නෑ. ක්රෙඩිට් නොදී කොපිකරන්න දක්ෂ බොලිවුඩ් මේකෙනං ලාවට වගේ Invisible guest එකට ක්රෙඩිට් දීල තියනව මෙන්න මෙහෙම. https://imgur.com/uQEGm2B
එක තමා සහෝ…මාත් මේ ආපහු කිව්වෙ ..මට නම් දිරවන් නැ එහෙම … අනිත් ස්පැනිෂ් එක බලලා ඔක බලනව කියන්නෙ හෙන විහිලුවක් … ඉන්දියාවෙ උදවියට හොදයි.. එයාල ස්පැනිෂ් එක බලලා නැතුව ඇති එකනේ රේටි එක 8ට ගිහිම් තියෙන්නේ . .. සබ් දුන් නැති එක අවුල්ක් නැ සහෝ. මාත් රිවන් කරල බලලා තමා ඔයට කිව්වෙ .තනිකරම එමමයි..
චරිත මාරුකරල තියන එක ඇරුනම ඇහපිල්ලමකවත් වෙනසක් නෑ, අමු කොපියක්.
ස්තුතියි සබ් එකට. කාලෙකින් බලපු පට්ටම ෆිල්ම් එකක්. ඒවගේම ලිපියටත් බොහොම ස්තුතියි.
ඊයේ රැ මෙකෙ බාගයක් බලලා ඉතුරු ටික උදේ බැලුවෙ .. මෙක නම් පට්ට ස්ටොරි එක… මේ ටිකේ රටට උන අසතුටුදායක තත්වය හින්ද හරිහමන් ෆිල්ම් එකක් රස විදින්නත් බැරි උනා… ටිවි එක තමා ගොඩක් බැලුවෙ …
සැහෙන දවසකින් මෙවගෙ පට්ට මුවි එකක් බැලුවෙ. ඔලුවත් නිදහස් උනා වගේ කතාව එච්චරම සෙට් උනා.
කතාවට ,එ කාලෙට ඔබින විදියට ගැලපෙන්න භාෂාව දලාතියෙන විදිය නම් පට්ට. මටම හිනා ගිය අවස්තාත් බොහොමයි.. මෙකේ මියුසික් රටාවත් හිතට ලස්සනයි . සුපිරි මුවි එක උපසිරැස හින්ද තමා බැලුවෙ තැන්ක්ස් සහෝ………
අන්තිමට ජෝඩුවට වෙඩිතියෙන දර්ශනය නම් අරම් තියෙනවා තිතටම
මේ ෆිල්ම් එකේ විශේෂම දේ තමයි අපරාධකරුවන්ව උත්කර්ෂයට නංවන්නෙ නැතුව ලස්සනට ෆිල්ම් එක හදල තියන එක. ඔයා අර මම ලිපියේ දීල තියන ලින්ක් එකට ගිහින් බැලුවද? ඒකෙ තියනවා තව සෑහෙන විස්තර ඒ ජෝඩුව ගැන.
කිව්වත් හරි..
(*අපරාධකරුවන්ව උත්කර්ෂයට නංවන්නෙ නැතුව ලස්සනට ෆිල්ම් එක හදල තියන එක. )
එක ඇත්ත.