Jab Harry Met Sejal (2017) Sinhala Subtitle

ආයුබෝවන් Subz LK වාසී සියලු දෙනාට.අද ඔන්න කාලෙකට පස්සෙ හින්දි ෆිල්ම් එකක් අරගෙනයි එන්නෙ.ඒ තමයි ෂාරුක් ඛාන්ගෙ Jab Harry Met Sejal (හැරීට සේජල්ව හමුවී විට).මේක අපේ කවීෂ සහෝදරයගෙ ඉල්ලීමක් ඉතින් ඔහුට ස්තූති කරල ඉන්නම් මුලින්ම.ඇත්තටම මේකට හරියාකාර ඉංග්‍රීසි උපසිරැසියක් තවමත් නිකුත් වෙලා නැති නිසා යම් යම් වෙනස්කම් කරමින් හා ලයින්ස් සකසමින් තමයි වැඩේ කරන්න වුණේ...

ගීත පරිවර්තනයෙදි තමයි ලොකුම අමාරුවක වැටුණෙ.කොහොමින්හරි Bollynook සහ bollymeaning අඩවිවලට ස්තූතිවෙන්න ඒකත් ගොඩදාගන්න පුළුවන් වුණා.උපසිරැසිය කරන්න දවස් කීපයක් ගතවෙන්න ලොකුම හේතුව ඒක.වීඩියෝ පිටපත ගැන කියනවනම් මේක HDRip එකක් වුණත් BluRay එකක්ද කියල හිතෙන තරමට උසස් තත්වයේ පිටපතක්.ඒ නිසා කිසිම බයක් නැතුව බාගන්න.ඒ කතා ඇතිනේ දැන් යමු චිත්‍රපටය…

ඉමිතියාස් අලීගේ රචනයෙන් සහ අධ්‍යක්ෂණයෙන් හැඩවී ෂාරුක්ගේම රෙඩ් චිලීස් ආයතනය හරහා එලිදැක්වෙන Jab Harry Met Sejal චිත්‍රපටය (මේ වනවිට) IMDB අඩවියෙන් 5.8ක අගයක් ලබාගන්නත් සමත් වෙලා තියනව.ප්‍රධාන චරිත තිරූපණය කරන්නෙ ෂාරුක් (හරින්දර් සිං නෙහ්රා) සහ අනුෂ්කා ශර්මා  සේජල්).ඉමිතියාස් අලී මේ චිත්‍රපටය නම් කරන්න ඉඳල තියෙන්නෙ The Ring කියලයි.නමුත් පසුව අදහස වෙනස් වෙලා.ඉන්පසුව ෂාරුක් විසින් චිත්‍රපටයට ගැලපෙන නමක් සොයාගැනීම සඳහා තරඟයක් පවත්වන අතර ඉදිරිපත් වන නම් අතරින් ගැලපෙනම නම සඳහා ඉන්දීය රුපියල් 5000ක ත්‍යාගයකුත් පිරිනමන බව ප්‍රකාශ කලා.කොහොමින්හරි මේ අභියෝගය ජයගෙන අදාල ත්‍යාගය දිනාගන්නෙ අපූරු කෙනෙක්.ඒ තමයි බොලිවුඩ් නළු රන්බීර් කපූර්.ඒකෙ රසවත්ම කතාව තමයි ෂාරුක්ගෙ චරිතයට කලින් තෝරාගෙන ඉඳල තියෙන්නෙත් රන්බීර්වමයි.නමුත් ඔහු චරිතය ප්‍රතික්ෂේප කරල.ඒ වගේමයි අනුෂ්කා සහ ෂාරුක් සිනමාවේදී එකට එක්වන්නේ වසර පහකට පසුව.ඒ 2012දී  තිරගතවූ Jab Thak Hey Jaan චිත්‍රපටයෙන් පසුවයි.දැන් යමු අපි මේකෙ කතාව පැත්තට…

හරින්දර් සිං නෙහ්රා එහෙමත් නැත්නම් හැරී කියන්නෙ සංචාරක මගපෙන්වන්නෙක්.අපේ භාෂාවෙන් කියනවනම් ඉතිං ටුවරිස්ට් ගයිඩ් කෙනෙක්.ඔහු වැඩකරන්නෙ යුවර්යුරෝ සංචාරක ආයතනයට.ඔහුගේ ජීවිතයම ටුවරිස්ම්.රාජකාරියෙන් හොඳටම හෙම්බත් වෙලා ඉන්න නමුත් ජිවිතයේ වෙනත් කිසි අරමුණක් නැති නැති හින්දම ඔහේ රාජකාරිය කරගෙන තනියම ඉන්න කෙනෙක් හැරී.දවසක් සුපුරුදු විදියටම සංචාරකයින් කණ්ඩායමකට තම සේවය ලබාදී ඒගොල්ලන්ව ගුවන්තොටුපොලෙන් ආපහු හැරලවල ආපසු එමින් ඉන්න හැරීට ලඟට එනවා තරුණියක්.ඇය එන්නෙ යමක් හොයමින්.තනිකඩය වුනාට හැරී මෙයාවනං දන්න අඳුනන පාටයි.හැබැයි හැරීගෙ වැඩි කැමැත්තක් නෑ මේ තරුණියට උදවු කරන්න…ඇති නේද කියෙව්වා?...මේ තරුණිය කවුද?හැරී එයාව අඳුනන්නෙ කොහොමද?ඇය හොයන්නෙ මොකද්ද?හැරී එයාට උදවු කරයිද කියල බලන්නනං ඔයාලට චිත්‍රපටය බලන්නම වෙනවා.ලස්සණ ගීත කීපයකුත් රස විඳින ගමන්ම හැරීට සේජල්ව හම්බවෙලා වෙන කලබගෑනිය බලන්න කියල ආරාධනාකරමින්ම මං නවතින්නම්…ආයිත් දවසක හමුවෙමු!!!

Spoiler Warning : A search for Sejal's engagement ring makes Harry understand love and relationships better, while Sejal experiences newfound freedom, security and solace in Harry's company...