[ BLURAY පිටපත් සඳහා උපසිරැසිය යාවත්කාලීන කර ඇති අතර, WEB පිටපත් සතු අයගේ පහසුව තකා එම පිටපත්වලට සැකසූ උපසිරැසියක්ද උපසිරැසි ගොණුව තුල ඇතුලත්ය. මෙහි ස්පාඤ්ඤ සහ ඉංග්රීසි යන භාෂා ද්විත්වයම සහිත හා ස්පාඤ්ඤ භාෂාව පමණක් ඇතුලත් පිටපත්ද නිකුත්ව ඇති බැවින් වෙනත් ලින්ක්වලින් ලබාගැනීමේදී සැලකිලිමත් වන්න. ]
ආයුබෝවන් අදත් සබ්ස් එල් කේ හිතවතුන් හැමදෙනෙක්ටම. මේ එන්නෙ පසුගිය වසරේ නිකුත්වූ රහස් පරීක්ෂක කතන්දරවලට ප්රිය කරන්නන්ට අපූරුවට ගැලපෙන, අතීත හොලිවුඩය සිහිගන්වන, වර්තමාන හොලිවුඩයේ ඉතාම දුර්ලභ ඝනයේ නිර්මාණයකට උපසිරැසි අරගෙනයි. මේ තමයි Brick (2005), Looper (2012) වැනි චිත්රපට අධ්යක්ෂණය කල රියාන් ජොන්සන් අධ්යක්ෂවරයාගේ නවතම නිර්මාණය.. Knives Out (2019) . මෙය රියාන් ජොන්සන්ගේම රචණයෙන් සහ නිෂ්පාදනයෙන් තමයි නිර්මාණය වෙන්නෙ. මේ වනවිට IMDB අගය 8.0කුත් , Rotten Tomatoes වෙතින් 97%ක අගයකුත්, මෙටාක්රිටික් වෙතින් 82%ක ලෙස ඉතා ඉහල අගයක් දිනා ඇති මේ චිත්රපටය පෙබරවාරි 10 වන දින නිමාව දුටු 92 වන ඔස්කා සම්මාන උළෙලේ සම්මානයකට නිර්දේශ වුණා, ඒ හොඳම සැබෑ මුල් තිර පිටපත ( එනම් පෙර ලියවුණු යමක් ඇසුරින් නොලියූ) සඳහා වූ සම්මානය සඳහා, කෙසේ වෙතත් එම සම්මානය හිමිවන්නේ මෙවර සම්මාන වැඩි ප්රමාණයක අයිතිය තමන් සතු කරගත් Parasite (2019) චිත්රපටයේ තිර පිටපත රචනය (මෙන්ම අධ්යක්ෂණය) කල බොන් ජූන් හෝ සහ හැන් ජින්-වොන් හටයි. ඊට අමතරව මේ Knives Out (2019) චිත්රපටය සම්මාන 42ක් ලබා තිබෙනවා ඒ සම්පූර්ණ ගණන සම්මාන 128ක නිර්දේශවීමෙන් අනතුරුවයි. පැය දෙකකුත් මිනිත්තු එකොලහක ධාවන කාලයකින් යුත්, හාස්යමය, අපරාධමය, නාට්යමය යන තුන් ඝනයට අයත් මේ චිත්රපටය ඒ මුළු කාලය පුරාවට නරඹන්නා අසුන්වල හිඳවා තබන්නට තරම් ශක්තිමත් කතාවකින් යුත් බවත් සඳහන් කරන්නටම ඕනෙ. එසේම මෙහි බෙනෝ බ්ලාන්ක් චරිතයට පණ පොවන ප්රවීණ රංගන ශිල්පී ඩැනියෙල් ක්රේග්ගේ වෙනස්ම ආකාරයක රංගනයකුත් අපිට දැකබලාගන්න පුළුවන්. ඔහුට අමතරව ඇනා ඩි අර්මස් ( මාර්තා), ක්රිස් එවන්ස් ( රැන්සම්), ජේමි ලී කර්ටිස් (ලින්ඩා), මයිකල් ෂැනොන් ( වෝල්ට්), ඩොන් ජොන්සන් (රිචඩ්), ටෝනි කොලට් (ජෝනි ත්රොම්බි), ලකීත් ස්ටැන්ෆීල්ඩ් (ලුතිනන් එලියට්), ක්රිස්ටෝෆර් ප්ලමර් ( හාලන් ත්රොම්බි), ජේඩන් මාටෙල් (ජේකොබ්),රිකී ලින්ඩ්හෝම් (ඩොනා), එඩී පැටර්සන් (ෆ්රැන්), කේ කැලන් ( ලොකු ආච්චි වනෙටා) වැනි රංගන තරු රැසක් මෙයට රංගන දායකත්වය දක්වනවා. හරි දැන් අපි යමු කතාව පැත්තට…
හාලන් ත්රොම්බි… ඈත නිස්කලංක ගම්මානයක මැදුරක වෙසෙන අභිරහස් නවකතා ලිවීමට ප්රසිද්ධියක් උසුලන, ඒ නිසාම උපයාගත් විශාල ධනයකටද හිමිකම් කියන 85වන වියේ පසුවන මහළු ලේඛකයෙක්. ඔහුගේ ලේඛන කලාවට සම්බන්ධ රැකියාවලින් හා ඔහුගේ මූල්යමය සහයෝගයෙන් තමයි ඔහුගේ දරු මුණුබුරන් බොහෝ දෙනෙක් ජීවත්වෙන්නේ. එහෙත් එක් දිනක ඔහු තම කාර්යාල කාමරය තුල අභිරහස් ලෙස මියගොස් සිටිනු නිවසේ ගෘහපාලිකාවගේ ඇස ගැටෙන අතර, මේ පිලිබඳ විමර්ශනයට අති දක්ෂ රහස් පරීක්ෂකයෙකුද අද්භූත ආකාරයට එකතු වෙනවා… එතනින් එහාට කුතුහලය සියල්ලම ඔබට ඉතිරි කරමින් මම නවතින්නම්. මෙය හොඳ අවධානයෙන් නැරඹුවොත් මෙහි තැනින් තැන අපිට දකින්නට ලැබෙන හෝඩුවාවලින් මේ අභිරහස අතරමගදීම විසඳන්නට පුළුවන් වෙන්නටත් ඉඩ තිබෙනවා. එහෙනම් මම ගිහින් එන්නම්, හමුවෙමු තවත් චිත්රපටයකින් ලඟදීම..
විශේෂ : –
මෙහි එක් තැනක බෙනෝ බ්ලාන්ක් Gravity’s Rainbow නොහොත් ගුරුත්වාකර්ෂණ දේදුන්න නම් කෘතියක් පිලිබඳව සඳහන් කරනවා. එය 1973 වසරේදී තෝමස් පින්චන් විසින් රචිත කෘතියක් වන අතර එය ජාතික කෘති සම්මානය දිනා පුලිට්සර් සම්මානයටද නිර්දේශ වුවත් පුලිට්සර් සම්මාන උපදේශක මණ්ඩලයේ දෝෂ දර්ශනයට ලක්වෙනවා, එහි සාමාජිකයන් කීපදෙනෙක් එය ‘කියවීමට අපහසු’ හා ‘අවශ්ය තරමට වඩා ලියන ලද’ කෘතියක් ලෙස දකින නිසා. චිත්රපටය තුලදී බෙනෝ පවසනවා ඔහුද කෘතිය කියවා නැතත් එහි නමට තමන් කැමති බව. කෘතියේ නමේ අර්ථය වන්නේ දෙවන ලෝක යුධ සමයේ ජර්මානු V-2 රොකට්ටුවල ගමන් මග වන අතර බෙනෝ එය ඝාතන අභිරහසක චාපාකාර ගමන්මගට සමාන කර දක්වන එකයි එතන කරන්නේ.
Gravity’s Rainbow
මේ රූපය බැලූවිට වඩාත් පැහැදිලි වේවි එය
• ගෝ පුවරු ක්රීඩාව
ඔබට එය ක්රීඩා කරන ආකාරය මේ වීඩියෝවෙන් නරඹන්නට හැකියි අවශ්යනම්
• හැමිල්ටන් සංගීතමය ප්රසංගය
මෙය ඇමරිකාවේ බ්රෝඩ්වේ රඟහල් ජාලය තුල ඉදිරිපත්කෙරුණු සංගීතමය ඉදිරිපත් කිරීමක්.
එය ඉතිහාසඥ රොන් චෙමෝ විසින් 2004 වසරේදී රචිත ඇලෙක්සැන්ඩර් හැමිල්ටන් චරිතාපදානය ඇසුරු කරගෙන ඇමරිකානු සංගීතඥ Lin-Manuel Miranda විසින් කල නිර්මාණයක්.
ඇලෙක්සැන්ඩර් හැමිල්ටන් චරිතාපදානය
ඔහු ඇමරිකා එක්සත් ජනපදය පිහිටවන්නට මුල්වූවන්ගෙන් අයෙක් වන අතර එහි මූල්ය පද්ධතියේ නිර්මාතෘද, මුල්ම එක්සත් ජනපද භාණ්ඩාගාරික ලේකම්වරයාද වනවා. හැමිල්ටන් ප්රසංගයේ එක් ගීතයක පදයක් චිත්රපටය තුල කියවෙනවා. එය සංක්රමණිකයන් ගැන කියවෙන්නක්. එය හැමිල්ටන් ජීවිතයටද අදාලයි, ඒ ඔහුද එක්තරා ආකාරයක සංකමණිකයෙකු නිසා..
බ්රිතාන්යයට හිමි බටහිර ඉන්දීය කොදෙව්දූපත්වලදී ඇලෙක්සැන්ඩර් හැමිල්ටන් උපත ලබන්නේ අවිවාහක දෙමාපිය යුවලකට දාව. දෙමාපියන් අවිවාහක නිසා එංගලන්ත කතෝලික පල්ලිය හැමිල්ටන්ට ඔවුන්ගේ පාසලේ අධ්යාපනය ලැබීමට ඉඩ ලබාදෙන්නේ නෑ. නිවසට පැමිණ ගුරුහරුකම් ලබාදෙන්නෙක් සහ පොත් 34කින් සමන්විතවූ පවුලේ පුස්තකාලයයි ඔහුගේ පාසල වන්නේ. හැමිල්ටන්ගේ පියා පවුල හැරදමා යන අතර ඊට සුළු කලකට පසු ඔහුගේ මවද මියයනවා. ඔහුගේ තනි නොතනියට ඉතිරි වන්නේ පවුලේ පුස්තකාලය පමණයි. වර්ෂ 1772 අගෝස්තු 30 වන දින, ඔහු සිටි දූපත කුණාටුවකින් විනාශයට පත්වෙනවා. එය වචනයට නගන ඔහුගේ හැකියාව දකින ව්යාපාරිකයන් ඔහුට ඇමරිකාවට ගොස් අධ්යාපනය ලැබීමට අරමුදල් සපයනවා. ඔහු ‘ සංක්රමණිකයෙක් ‘ ලෙස හැඳින්වෙන්නේ ඒ නිසයි. ඉහතකී හැමිල්ටන් ප්රසංගයේ එන Immigrants (We Get The Job Done) ගීතය ගැන චිත්රපටය තුල කියවෙනවා. එහි හැමිල්ටන් මික්ස්ටේප් ඇල්බම් වර්ෂන් එක නරඹන්න පුළුවන් මෙතනින්. එම ඇල්බමයේ 11 වැනි ගීතය වන්නේ මෙයයි.
Download Links:
Download Direct 720P පිටපත Download Direct 1080P පිටපත Download Torrent 720P පිටපත Download Torrent 1080P පිටපතHasitha Prasad
Comments: 19
Leave a Reply to Kantha_DLA Cancel reply
Search
Login
Hashan M. Priyadarshana
බොහොම ස්තුතියි මචං සබ් එකට 😊👍…
ජය වේවා.! 👊👊👊
Rajitha
Thanks jayawewa……!
Hashan M. Priyadarshana
The Skin I Live In (2011) film එකට සබ් දෙන්න පුළුවන්ද Hasitha 😊😊
Hasitha Prasad
මාත් බලලනං නෑ ඒක. බලල සබ් දෙන්නම්, හෂාන්.
Hashan M. Priyadarshana
Antonio Banderas ඉන්නෙ දන්නව ඇතිනෙ පොර ගැන අමුතුවෙන් කියන්න දෙයක් නෑනෙ Original Sin එකේ එහෙම ඉන්නෙ 😊😊.. IMDb එකත් 7.6ක් තියනව පොඩ්ඩක් බලල පුළුවන් නම් සබ් දෙන්න 👊
Hasitha Prasad
සබ් එක දෙන්නම්, හෂාන්. Doctor Sleep ඩිරෙක්ටර්ස් කට් එකේ සබ් එක කරනවා මේ වෙලාවෙ. ඒකට පස්සෙ දෙන්නම්.
Hashan M. Priyadarshana
බොහොම ස්තුතියි Hasitha 😊👊.. Doctor Sleep එකට සබ් එක දෙන එක නම් ගොඩක් වටිනව බ්රෝ Bluray Director’s Cut එකට සිංහල සබ් එක අන්ත්ජාලයේ නෑ
Hasitha Prasad
Doctor Sleep(2019) – Director’s cut හා Theatrical Cut යන පිටපත් සියල්ලම සඳහා ගැලපෙන පරිදි පලකර ඇත.
Madusha
බොහොම ස්තූතියි සබ් එකට
Mithun
උපසිරසියට ස්තුතියි සහෝ!!
අද තමා බලන්න ඔනේ මුවී එක ඩව්න්ලොර්ඩ් කරල තියෙන්නේ 😍.
Dilan
Docter Sleep Director Cut එකට සබ් එක දෙන්න ❤️
Hasitha Prasad
තව දවස් කීපෙකින් දෙන්නම්, සබ් එක කරමින් ඉන්නෙ මේ දවස්වල,Jumanji ෆිල්ම් එක කරන්න නැවැත්තුවා පොඩ්ඩකට. Directors Cut එකටමයි සබ් එක දෙන්නෙ.
Dilan
තෑන්ක්ස් ❤️❤️❤️🔥
Hasitha Prasad
Doctor Sleep(2019) – Director’s cut හා Theatrical Cut යන පිටපත් සියල්ලම සඳහා ගැලපෙන පරිදි පලකර ඇත.
Kantha_DLA
… ගොඩක්ම ස්තූතියි. …
ඔබගේ සියලු කටයුතු සාර්ථක වේවා..!
…… බුදු සරණයි – දෙවි පිහිටයි ……
mithun
Jarhead: Law of Return
2019
War
Hasitha Prasad
ඒක හොඳ එකක් වගේ, නේද, මිතුන්.
තව ෆිල්ම් දෙකක් තියනව බාරගත්ත, ඊට පස්සෙ දෙන්නම්.
dileepa godage
ෆිල්ම් එක ගොඩක් කල් තිබ්බත් බලන්න උවමනාවක් තිබ්බේ නෑ.හැබැයි බලපු වෙලේ ඉදල අතාරින්න හිතුනේ නෑ.
ඔකොටම වඩා සබ් එක ගැන දාපු ලිපිය නැත්නම් මේක බලන්න හිතන්නෙ වත් නෑ.
බොහොම ඊස්තූත්යි සහෝ
ජය !
Kavindu Chamikara
මේ විදිහට permenent සබ් ඇඩ් කරේ කොහොමද කියන්නඩකො plz