Mousetrap (2026) [S01 : E07] Sinhala Subtitle

ජෙ මුන්-ජේ කියන්නේ තදබල භීතිකා ආබාධයකින් පෙළෙන, අවුරුදු ගාණකින් ගෙදරින් එළියට නොබැහැපු හුදෙකලා ලේඛකයෙක්. එයා පොඩි කාලේ එයාගේ අම්මා කාර් එක මුහුදට පදවලා අම්මයි තාත්තයි දෙන්නම නැති වුණා. එදා ඉඳන් එයා බෙහෙත් පෙති බොමින් ගෙදරටම වීලා “මීයා” කියන කතාව ලියමින් හිටියේ. එකපාරටම එයාගේ ගෙදර දොරේ කෝඩ් එකයි ෆෝන් එකේ ඇඟිලි සලකුණු පද්ධතියයි වැඩ කරන්නේ නැතුව යනවා. බලද්දි එයාගේ අයිඩෙන්ටිටි එකයි, ගෙදරයි, බැංකු එකවුන්ට් ඔක්කොම වෙන කෙනෙක් හොරකම් කරලා. ඒ විතරක් නෙවෙයි, එයා ලියපු කතාව එයාගේ නමින් වෙන කෙනෙක් ප්‍රකාශනය කරලා, එයා ප්‍රසිද්ධ ලේඛකයෙක් වෙලා ඉන්නවා.
මේ අතරේ පොලිස් පරීක්ෂක පාර්ක් සුන්-යොංට නොදන්න කෙනෙක්ගෙන් පණිවිඩයක් එක්ක ෆෝටෝ එකක් හම්බවෙනවා, හන් ගඟෙන් හම්බුණු අඳුරගන්න බැරි මළ සිරුර සියදිවි නසාගැනීමක් නෙවෙයි කියලා. සුන්-යොං මේ පස්සේ පන්නද්දි එයාට හම්බවෙන්නේ හොර අයිඩෙන්ටිටි සාදන්නන්ගේ සහ නීති විරෝධී සූදු පොළවල් මෙහෙයවන පිරිසක්. එයාලා කරන්නේ අසරණ, පවුලක් නැති මිනිස්සුන්ව මරලා එයාලගේ අනන්‍යතාවයන් සල්ලිවලට වෙන අයට විකුණන එක.
මුන්-ජේට දැනගන්න ලැබෙනවා එයා වෙනුවට එයාගේ ජීවිතේ ජීවත් වෙන්නේ එයාගේම ලොකු අයියා කියලා. පොඩි කාලේ එයාලගේ පවුලේ වුණු යම් යම් දේවල් නිසා අයියා තමන්ගේ මල්ලිගේ ජීවිතේ හොරකම් කරන්න හැදුවේ. ඒත් එක්කම මුන්-ජේ තමන්ගේ පරණ මතකයන් ආයේ එකතු කරද්දි එයාට මාරම ඇත්තක් තේරුම් යනවා. එයාට පොඩි කාලේ නිසි ආදරයක් හම්බුණේ නැති නිසා එයා නම වෙනස් කරගෙන වෙන වෙන චරිතවල ජීවත් වෙන්න හුරු වෙලා හිටියේ. එයාම තමයි අතීතයේදී ගින්නක් පත්තු කරලා නීති කඩන්න පටන්ගත්තේ.
අන්තිමේදී සුන්-යොං පරීක්ෂකයා මේ රහස් ඔක්කොම එළියට ගන්න අතරේ, මුන්-ජේට තේරෙනවා තමන් මෙච්චර කාලයක් හිරවෙලා හිටපු හුදෙකලා මී හිල සහ මේ සිදුවීම් හැමදේම තමන්ගේම ආත්ම වෛරයෙන් හදාගත්ත හීනයක් සහ මායාවක් කියලා. එයා ඒ සත්‍යය පිළිඅරගෙන, තමන්ගේ අතීතයට මූණ දීලා, ආයෙත් අලුත් පටන්ගැනීමකට ලෑස්ති වෙනවා.