Sanam Teri Kasam (2016) Sinhala Subtitle

මේ අතරේ ඉන්දර් කියන්නේ තනියම ජීවත් වෙන, තරහ යන, ගොඩක් වෙනස් ජාතියේ කොල්ලෙක්. එයාගේ අතීතයේ වුණු සිදුවීම් නිසා එයා ඉන්නේ හුඟක් තනි වෙලා. දවසක් සාරුට ඕන වෙනවා තමන්ගේ පෙනුම වෙනස් කරගෙන ලස්සන වෙන්න. ඒකට එයාට ඉන්දර්ගේ යාළුවෙක් වෙන සැලූන් එකක වැඩ කරන කෙල්ලෙක්ගේ උදව් ඕන වෙනවා. මේ නිසා සාරු රෑ ජාමේ ඉන්දර්ගේ ඇපාට්මන්ට් එකට යනවා.

එදා රෑ ඉන්දර් හිටියේ හොඳටම බීලා. හදිස්සියේම එතනට ඉන්දර්ගේ පෙම්වතිය ඇවිත් ප්‍රශ්නයක් ඇති කරගන්නවා. ඒ වෙලාවේ ඉන්දර් සාරුව බේරගන්න හදද්දී සාරුට තුවාල වෙනවා. ඉන්දර් එයාව පරිස්සමෙන් බලාගන්නවා. ඒත් සාරුගේ තාත්තා මේක දැකලා, සාරු ඉන්දර් එක්ක වැරදි සම්බන්ධයක් පවත්වනවා කියලා හිතලා එයාව ගෙදරින් එලවනවා. තාත්තා සාරු වෙනුවෙන් මළගෙදරක කරන සියලුම චාරිත්‍ර පවා කරනවා.

සාරු අසරණ වුණාම ඉන්දර් එයාට පිහිට වෙනවා. ඉන්දර් සාරුව ලස්සන කරලා, එයාට අලුත් රූපයක් අරන් දෙනවා. ඊටපස්සේ සාරු ආසා කරපු එයාගේ ඔෆිස් එකේ හිටපු අභිමන්‍යු එක්ක සාරුගේ කසාදය ලෑස්ති වෙනවා. ඒත් මංගල්‍යය දවසේ අභිමන්‍යුගේ පවුලේ අය සාරුගේ අතීතය ගැනයි, ගෙදරින් එලවපු එක ගැනයි දැනගෙන මේ කසාදයට විරුද්ධ වෙනවා. අභිමන්‍යුත් සාරුව දාලා යනවා.

සාරු හුඟක් කඩන් වැටෙනවා. ඉන්දර් එයාව සැනසෙන්න එක එක තැන්වලට එක්කන් යනවා. මේ අතරේ ඉන්දර් සාරුට ගොඩක් ආදරේ කරන්න පටන් ගන්නවා. සාරුත් ඉන්දර්ට ආදරේ කරනවා කියලා තේරෙනවා. ඒත් හදිස්සියේම සාරුට ගොඩක් අමාරු වෙලා හොස්පිට්ල් එකට ඇතුළත් කරනවා. එතකොට තමයි දැනගන්න ලැබෙන්නේ සාරුට සුව කරන්න බැරි මාරාන්තික මොළයේ අසනීපයක් තියෙනවා කියලා.

ඉන්දර් සාරුගේ අන්තිම කාලයේදී එයාව බලාගන්නවා. සාරුගේ අන්තිම ආශාව විදිහට ඉන්දර් එයාව බඳිනවා. සාරුගේ තාත්තාටත් තමන් කරපු වැරැද්ද තේරිලා එයාලට සමාව දෙනවා. සාරු ඉන්දර්ගේ අත් දෙක මැදදී අවසාන හුස්ම හෙළනවා. ඉන්දර් සාරුගේ මතකයන් එක්ක එයාගේ ආදරය හදවතේ තියාගෙන ජීවත් වෙනවා.