ඒශියා සහ මාරියා කියන්නේ අනාථ වුණ සහෝදරියෝ දෙන්නෙක්. පොඩි කාලේ සිද්ධ වුණ දරුණු සිදුවීමකින් පස්සේ ඒශියාට මාරියාව නැතිවෙනවා. ඒශියාගේ එකම අරමුණ වෙන්නේ කෙසේ හෝ තමන්ගේ නංගිව හොයාගන්න එක. දහ වසරක වෙහෙස මහන්සි වීමකින් පස්සේ, ඒශියා දැනගන්නවා මාරියා “වර්ජිල්” නම් අභිරහස් සහ සුඛෝපභෝගී ගොඩනැගිල්ලක ඉන්නවා කියලා.
ඒශියා වෙස් වළාගෙන ඒ ගොඩනැගිල්ලට රිංගන්නේ මාරියාව බේරගන්න හිතාගෙන. ඇතුළට ගියාට පස්සේ තමයි ඒශියාට තේරෙන්නේ මේක නිකන්ම ගොඩනැගිල්ලක් නෙවෙයි කියලා. මේක පරම්පරා ගාණක් තිස්සේ සාතන් ඇදහූ, අමරණීයභාවය වෙනුවෙන් මිනිස් බිලි පූජා කරන සාහසික කල්ලියක ග්‍රහණයේ පවතින තැනක්.
ලිලී නම් කාන්තාවක් මූලිකත්වය අරගෙන මේ ගොඩනැගිල්ලේ ඉන්න පොහොසත් සමාජයේ අය එක්ක එකතු වෙලා අසරණ මිනිස්සුන්ව බිලි දෙනවා. බිලි දෙන අයව මරන්න බැහැ, මොකද ඒ පවුලේ අයට අමරණීය වරප්‍රසාදය ලැබිලා තියෙනවා. ඒශියාට තේරෙනවා තමන් මේ අහුවෙලා ඉන්නේ හිතන්නවත් බැරි තරම් භයානක මර උගුලකට කියලා.
කතාව පුරාවටම ඒශියා මේ අමරණීය මැරයන් එක්ක සටන් කරනවා. එයා කීප වතාවක්ම මැරුණත්, ඒ ගොඩනැගිල්ලේ තියෙන අද්භූත බලය නිසා එයා ආයෙත් පණ ලබනවා. නමුත් ඒශියාගේ එකම බලාපොරොත්තුව වෙන්නේ නංගිව බේරගෙන මේ සාපලත් ගොඩනැගිල්ල විනාශ කරලා දාන එකයි. අවසානයේදී, ලේ වැගිරෙන සටනකින් පස්සේ ඒශියා මේ අමරණීය පවුලේ රහස් එළි කරලා, බිලි වෙන්න හිටපු අහිංසක මිනිස්සුන්ව බේරගෙන මේ නපුරු සිහිනය අවසන් කරනවා.
