Aap Mujhe Achche Lagne Lage (2002) Sinhala Subtitle

              ගොඩ දවසකට පස්සෙ හින්දි සිනමා සලරුවකට සබ් එකක් අරගෙන තමයි subz.lk එකට ගොඩ වැදුනේ. බොලිවුඩ් තිරය ඒකාලෝක කල, මනමෝහනීය ගීත ගොන්නක් අඩංගු සංගීතමය සිනමා සිත්තමක්. ඒ 2002 වසරේ අප්‍රියෙල් 19 දින ඉන්දියාව දෙවනත් කරමින් තිරගත කිරීම ආරම්භ කල “Aap Mujeh Achche Lagne lage” චිත්‍රපටයයි. ඉන්දියානු රුපියල් මිලියන 110 ක මුදලක් වැය කර නිපැයූ මෙය ඉන්දියානු රුපියල් මිලියන 879.27 ක බොක්ස් ඔෆීස් ආදායමක් උපයාගන්නට සමත්වුනා. Action, Romance, Drama, Musical යන වර්ග වලට අයත්වෙනවා. ප්‍රධාන රංගනයෙන් දායක වුනේ සුරූපි Ameesha Patel සමඟ අදටත් බොලිවුඩයේ හිනි පෙත්තෙහිම වැජඹෙන Hrithik Roshan. “Kaho Naa Pyar Hai” චිත්‍රපටයෙන් පසුව මෙතෙක් එම යුවල එකට රඟපෑ එකම චිත්‍රපටය මෙයයි. ඊට අමතරව Kiran Kumar, Mukesh Tiwari, Alok Nath සහ Madhuri Sanjeev රංගනයෙන් දායක වුනා. Jaanam (1992), Ghulam (1998), Raaz (2002) වැනි සුපිරි සිනමා සිත්තම් ගනනාවක් බොලිවුඩයට දායාද කල Vikram Bhatt ගේ අධ්‍යක්ෂනයක්. සාර්ථකත්වයේ හිනිපෙත්තටම යාමට හේතුවූ ප්‍රධානම සාධකය වූයේ මෙහිවූ Rajesh Roshan ගේ මන නන්දනීය සංගීතයයි. මෙහි සංගීත නිර්මාණය සඳහා Anu Malik යොදාගැනීමට මුලින් යෝජනා වුවද පසුව එය Rajesh Roshan ට භාරවුනා. ඔහු තමාගෙ කාර්යය කොපමණ හොඳට ඉටුකලාද යන්න මෙම චිත්‍රපටයේ ගීත ඇසීමෙන් ඔබට අවබෝධවනු ඇත. මෙම චිත්‍රපටයේ සුපර් හිට් ගීත කීපයක් මෙසේය.
    01. ආප් මුජේ අච්චේ ලග්නේ ලගේ   –   අල්කා යාග්නික්, අභිජීත් බට්ටාචාර්ය  SEE
    02. කුච් හම් මේන් ඒසි බාතේ    –    සෝනු නිගම්  SEE
    03. ඕ රෙ ගෝරි     –     උදිත් නාරායන්, පැමෙලා චොප්රා  SEE
    04. මෙරි ජාන්    –     අල්කා යාග්නික්  SEE
    05. තුම් තො සාගර් ජෙසි    –    අල්කා යාග්නික්, අභිජීත් බට්ටාචාර්ය
    06. හවාහෝන් නේ යේ කහා    –     උදිත් නාරායන්  SEE

                        චිත්‍රපටය නම් මේ වෙනකොට ගොඩක් දෙනෙක් බලලා ඇති. නොබලපු අය වෙනුවෙන් කතාව කෙටියෙන් කියන්නම්. සප්නා කියන්නෙ නගරයේ ඉතාම ධනවත්, බලවත්, පාතාල නායකයෙක් වන ඩෝලකියාගෙ එකම දුව. තමාගෙ තාත්තාගෙ සහ එකම අයියාගේ දරදඩු පාලනය යටතේ හිරකාරියක් වගේ තමයි එයා ජීවත්වෙන්නෙ. දවසක් ඩෝලකියාගෙ සතුරු කල්ලියක් සප්නාව මරන්න උත්සාහ කරනවා. එතනදී එයාව බේරගන්නෙ රෝහිත්. රෝහිත් කියන්නෙ උසස් පාසලේ ඉගෙනුම ලබන මධ්‍යම පාන්තික තරුණයෙක්. ඊටපසු රෝහිත්ට සප්නාව අමතක කිරීමට බැරිවෙනවා. ඔහු ඇයව මුනගැසීමට නවරාත්‍රී උත්සව දවසේ ඩෝලකියාගෙ ගෙදරට යනවා, සංගීත ශීල්පියෙක් විදිහට. එහිදී හමුවන මේ දෙදෙනාගෙ ආදරය නවරාත්‍රී උත්සව දවස් අතරතුරදී වේගයෙන් ඉදිරියට යනවා. තමාගෙ හොඳම යාලුවාගෙ පුතාට සප්නාව වීවාහ කරදීමට ඩෝලකියා උත්සාහ කිරීමේදී රෝහිත් සප්නාව අරගෙන පැනලා යනවා. තමාගෙ එකම දුව පැහැරගෙන ගියාම බලසම්පන්න ඩෝලකියා නිකම් හිදීවිද? මෙතෙක් ගලාගිය ළයාන්විත ආදර කතාව දරුණු වෙන්නෙ ඊට පස්සෙ තමයි. ඉතින් Rajesh Roshanගේ මනමෝහනීය සංගීතයයි Hrithik Roshan ගේ මනස්කාන්ත නර්තනයනුයි රස විදිමින් විනාඩි 166 ක් ගතකිරීමට ආරාධනා කරමින් නවතින්නම්.

                       අන්තර්ජාලයේ ඇති පැය 02.46.45 දිගින් යුතු “Aap Mujhe Achche Lagne Lage (HD) – Full Movie – Hrithik Roshan – Amisha Patel- Bollywood Hit Movies” නමින් ඇති YouTube HD කොපියට ගැලපෙන සබ් ෆයිල් එකකුත් ඔයාලගෙ පහසුවට දාලා තියෙනවා. ජය වේවා.

♣♣ WEBRip / 480p / 720p / 1080p ♣♣