චක් නොරිස් කිව්වම පරණ චිත්‍රපට බලන අයට නම් අලුත් නමක් නෙමෙයි. හොලිවුඩ් සිනමාව හොල්ලපු දැවැන්තයෙක්. ඔහුගේ සුපිරිම සිනමා නිර්මාණයක් තමයි අද අරගෙන ආවෙ. ඒ තමයි 1985 සැප්තැම්බර් 27 දින මුලින්ම ඇමෙරිකාවේදී ප්‍රදර්ශනය ආරම්භ කල Invasion U.S.A. චිත්‍රපටය. Action, Thriller ගණයට වැටෙන ෆිලුමක්. ධාවන කාලය විනාඩි 107 වන අතර IMDb අගය 5.5/10 ක්ද, ගූගල් පරිශීලකයන්ගේ කැමැත්ත 87% ක්ද ලබාගෙන තියෙනවා. කතාව සහ තිර නාටකයටත් දායක වෙලා තියෙන්නෙ චක් නොරිස් සහ ඔහුගේ සහෝදරයා වන Aaron Norris. Cannon Group සමාගම චක් නොරිස් සමග අත්සන් කල චිත්‍රපට හයක පළමුවැන්න තමයි මේක. එක්සත් ජනපදය හා කැනඩාව තුල ප්‍රදර්ශනයෙන් ආරම්භක සති අන්තයේදීම ඇ.ඩො. 6,891,609 ක වාර්තාගත බොක්ස් ඔෆීස් ආදායමක් උපයාගත්තේ බොක්ස් ඔෆීස් ලිස්ට් එකේ හිනි පෙත්තටම නගිමින්. "ඉන්වේෂන් යූඑස්ඒ" තම ගමන අවසන් කලේ සමස්ත බොක්ස් ඔෆීස් ආදායම ලෙස ඇ.ඩො. 17,536,256 ක් තම ගිණුමට බැර කර ගනිමින්. Chuck Norris (මැට් හන්ටර්) සමග Richard Lynch (මිකායිල් රොස්ටොව්), Melissa Prophet (ඩේලියා මැක්ගුවර්) සහ Alexander Zale (නිකෝ) රංගනයෙන් දායක වෙනවා.

රොස්ටොව් විසින් මෙහෙයවන රුසියන්/කියුබා ගරිල්ලා හමුදාවක් රහසේම ඇමෙරිකාවට ඇතුල් වෙලා, රටේ තැන් තැන් වල ප්‍රහාර එල්ල කරන්න පටන් ගන්නවා. මේ ත්‍රස්තවාදීන් දේපල විනාශ කරමින්, බෝම්බ තබමින්, ජනතාව ඝාතනය කරමින් මහ විනාශයක් කරනවා. අසරණ වෙන බලධාරීන් විශ්‍රාම ගිය FBI නිලධාරියෙක් වන මැට් හන්ටර්ගෙ සහාය පතනවා. රොස්ටොව්ව මීට පෙර වතාවකත් අත් අඩංගුවට ගන්නෙ මේ හන්ටර්. හන්ටර් ඒ ඉල්ලීම ප්‍රතිකේෂ්ප කරනවා. නමුත් ඔහු ගැන වෛරයෙන් ඉන්න රොස්ටොව්, හන්ටර්ව හොයාගෙන ඇවිත් බර ප්‍රහාරයක් එල්ල කරලා ඔහුගේ ගේත් සුණුවිසුණු කරනවා. නමුත් රොස්ටොව් නොසිතූ ලෙස එයින් දිවි ගලවාගන්නා හන්ටර් නගරයට පැමිණෙනවා. ඊට පස්සෙ රොස්ටොව්ගෙ ප්ලෑන් අංජබජල් වෙන්න ගන්නවා. මොකද ඔහු සහ ඔහුගේ අරමුණ අතර තනි මිනිහෙක් හිටගන්න නිසා. ඒ තමයි මැට් හන්ටර්.

ජයවේවා.

SUB FORMAT - SRT & IDX

♣♣  BRRip / 480p / 720p / 1080p  ♣♣