Limit (2022) Sinhala Subtitle
අම්මා කෙනෙක් තම දරුවන්ට කොච්චර ආදරේද? ඒක වචන වලින් කියන්න බැරි තරම්. අනන්තයි. අපිරිමිතයි. ඒ සෙනෙහස නිසා මවකට තම දරුවා වෙනුවෙන් කොච්චර දුරක් යන්න පුලුවන්ද? ඒ වගේ මවකගේ ආදරය, සෙනෙහස, ශක්තිය, ධෛර්යය ගැන කියවෙන ලස්සනම ලස්සන, කොරියන් නිර්මාණයකට උපසිරැසියක් තමයි අද ඔයාලට ගෙනාවෙ. මුල ඉඳන් අග වෙනකල්ම එක හුස්මට බලන්න පුලුවන් ෆිලුමක් කියල අවිවාදයෙන් කියන්න පුලුවන්. Crime, Thriller, Drama වර්ග වලට තමයි අයත්වෙන්නෙ. ඒ තමයි Limit. කොරියන් භාෂාවෙන් 리미트. 2022 අගෝස්තු 31 දකුණු කොරියාවේ සිනමාශාලා 684 ක තිරගත වෙමින් තම ගමන ආරම්භ කල ‘ලිමිට්’ 2022 දෙසැම්බර් 04 වෙනිදා වෙනකොට ඇමරිකන් ඩොලර් 489,554 ක බොක්ස් ඔෆීස් ආදායමක් උපයා ගනිමින් එම වසරේ වැඩිම ආදායම් ලැබූ චිත්රපට අතරේ 28 වෙනි ස්ථානයට එන්න සමත් වුනා. 1998 ජුනි මස එලි දැක්වුනු Hisashi Nozawa ගේ “Kiroi Jou” නම් නවකතාව තමයි අධ්යක්ෂක Lee Seung-Jun විසින් සිනමාවට නගල තියෙන්නෙ. Lee Jung-hyun (යූන් සො-යුන්), Moon Jeong-hee (සී යෝ-ජින්), Jin Seo-yeon (හොන් යුන්-ජූ), Choi Deok-moon(ටීම් ලීඩර්), Park Myung-hoon (ජූන් යොන්ග්) සහ Park Kyung-hye (මියුං-සන්) යන අය රංගනයෙන් එකතු වෙලා තියෙනවා. ධාවන කාලය මිනිත්තු 87 යි.
කුඩා පාසල් ළමුන් පැහැරගැනීමක් දිගින් දිගටම සිදුවෙනවා. මේ අතරේ ධනවත් පවුලක කුඩා ගැහැණු ළමයෙක්වත් පැහැර ගන්නවා. ඒ සිද්ධියේදී දරුවාගේ මව ලෙස කොල්ලකරු සමග කතා කරන්න, පොලීසියෙන් යොදවන්නේ කාන්තා පොලිස් නිලධාරිනියක් වන යූන් සෝ-යුන්ව. ඇයටත් අවුරුදු 9 ක පුතෙක් ඉන්නවා. දරුවාගේ මව විදිහට ඇය රඟපාපු බව දැනගන්නා කොල්ලකරු , ඇයගේ පුතාව පැහැරගෙන ඇයට කියනවා දරුවා පණපිටින් අවශ්ය නම්, පොලීසිය මග ඇරලා කප්පම් සල්ලි ඔහුට කෙලින්ම ගෙනත් දෙන්න කියලා. පොලීසියට විරුද්ධ වෙන යූන් සෝ-යුන්ගේ ඉරණම කෙසේ වේවිද? කොල්ලකරුවන් එයාලගෙ වචනය ඒ විදිහටම ඉටු කරයිද? Limit බලමු.
මේකෙ කිසිම අසභ්ය දර්ශනයක් නෑ කියල නම් විශේෂයෙන්ම කියන්න ඕනෙ. අඩු තරමේ සිපගැනීමේ දර්ශනයක්වත් නෑ.
ජය වේවා.
QUALITY // 480p – 350MB // 720p – 805MB // 1080p – 1.4GB
SUB FORMAT // SRT // IDXTV
