Minamata (2020) Sinhala Subtitle

ආයුබෝවන් සබ්ස් එල් කේ හිතවතුන් හැමදෙනෙක්ටම. මගේ 450 වන උපසිරැසිය ලෙස අද ඔබවෙත ගෙන එන්නේ හොලිවුඩ් රංගන ශිල්පී ජොනී ඩෙප් රංගනයෙන් දායක වන, සත්‍ය හා අනුවේදනීය කතාපුවතක් ඇසුරින් නිර්මාණය වූ Minamata (2020) චිත්‍රපටයේ සිංහල උපසිරැසියයි. චිත්‍රපටය දෙසට ප්‍රවිෂ්ට වන්නට පෙර අප අඩවියේ බර සියල්ලම පාගේ දරාගෙන සිටින දමිත් ප්‍රියංකර සහෝදරයාවත්, අපගේ උපසිරැසිකරණයේ නියුතු සහෝදර සහෝදරියන් සියලු දෙනාවත්, මෙතෙක් කාලයක් අප රැඳී සිටි අපගේ රසික රසිකාවියන් සියලු දෙනාටත් හදපිරි ස්තූතිය පළ කරන්නට කැමතියි. ඔබ සියලු දෙනා මතයි අපගේ සාර්ථකත්වය රැඳී පවතින්නේ. දැන් අපි යමු චිත්‍රපටය දෙසට.

මේ වනවිට IMDb වෙතින් 8.3ක අගයක්ද, Rotten Tomatoes වෙතින් 71%ක්ද මෙටාක්‍රිටික් වෙතින් 51% ක අගයක්ද ලබා ඇති මේ චිත්‍රපටය ඇන්ඩෲ ලෙවිටස්ගේ අධ්‍යක්ෂණයක්. රංගනයෙන් දායක වන්නේ ජොනී ඩෙප් (ඉයුජීන් ස්මිත්), මිනාමි ( අයිලීන්), බිල් නhයි (රොබට් හේයස්), අකීකෝ ඉවසෙ( මසාකෝ මත්සුමුරා),තදනොබු අසානෝ( තත්සුඕ මත්සුමුරා), රියො කාසෙ ( කියොෂි), හිරොයුකි සනාඩා (මිත්සුඕ යමසාකි),යුන් කුනිමුරා (යුනිචි නොජිමා) ඇතුළු පිරිසක්. මෙහි කතාව ගැන කියනවනම් ජපාන කර්මාන්තශාලාවක් මගින් මුහුදට මුදාහැරුණු විෂ රසදිය නිසා මිනමාටෝ නම් ධීවර ගම්මානයක ජනතාව රෝගීවී මියායමේ අවාසනාවන්ත ඛේදජනක සිදුවීමකුත් එයට විරුද්ධව ගම්වාසීන් ගෙනගිය සටනේ මූලිකත්වය ගත් ඩබ්. ඉයුජීන් 'ජීන්' ස්මිත් නම් ඇමරිකානු ඡායාරූප ශිල්පියාගේත් ඔහුට සහයවන ජපාන ජාතික අයිලීන් මියෝකෝ නම් තරුණියගේත් කතාව තමයි මෙහි දිගහැරෙන්නේ.

සැබෑ ඉයුජීන් ස්මිත්

සැබෑ අයිලීන්

මිනමාටා කලපුව සහ චිසෝ නම් අදාල කර්මාන්තශාලාවේ පිහිටීම

ඉයුජීන් ස්මිත් හා අයිලීන් විසින් මිනමාටාහීදී ගනු ලැබූ ඡායාරූප හා තොරතුරු ඇතුලත් කර ඔවුන් විසින් මිනමාටා නමින් පොතක්ද පලකරනු ලැබුවා 1975 වසරේදී.

Credit : www.historyvshollywood.com

අන්තර්ජාලයේ ඇති ආකාරයට සත්‍ය සිදුවීම බොහෝදුරට චිත්‍රපටයට ඇතුලත් කර ඇතත් යම් යම් ප්‍රබන්ධමය සිදුවීම්ද ඊට ඇතුලත් බවයි කියවෙන්නේ. චිත්‍රපටය පිලිබඳව මීට වඩා කරුණු විස්තර කිරීම අනවශ්‍යයැයි මා සිතනවා මෙකී මිනමාටා සිදුවීම හා රෝගය පිලිබඳ ඔබට චිත්‍රපටය තුලින්ම දැකගත හැකි නිසා. ඉහල තැන්වල සිටින්නවුන්ගේ නොසැලකිල්ල හා හුදෙක් මුදල් ආශාව නිසා අසරණ සාමාන්‍ය ජනතාව විපතට පත්වන ආකාරය පිලිබඳ අපට මතක්කරදෙන කදිම නිදසුනක් මෙන්වන මේ චිත්‍රපටය ඔබ නැරඹිය යුතුම එකක් ලෙසයි මා දකින්නෙ. එහෙනම් ගිහින් එන්නම්, හමුවෙමු තවත් උපසිරැසියකින්.

Blu-ray පිටපත් සඳහා යාවත්කාලීන කර ඇති අතර Web පිටපත් සතු අයගේ පහසුව තකා එම පිටපත්වලට සැකසූ උපසිරැසියක්ද උපසිරැසි ගොණුව තුල ඇතුලත්ය. කරුණාකර ඔබ සතු පිටපතට ගැලපෙන උපසිරැසිය යොදාගෙන නරඹන්න.