Mowgli: Legend of the Jungle (2018) Sinhala Subtitle

ආයුබෝවන් අදත් Subz LK හිතවතුන් හැමදෙනෙක්ටම. අද මේ අරගෙන එන්නෙ රුඩ්යාඩ් කිප්ලිං (1865-1936) නම් බ්‍රිතාන්‍ය කෙටිකතා ලේඛකයාගේ The Jungle Book (1894) නම් කෙටි කතා එකතුව ඇසුරින් නිර්මාණය වුණ Mowgli: Legend of the Jungle (2018) චිත්‍රපටයේ සිංහල උපසිරැසිය.මෙහි උපසිරැසි කිරීම පටන්ගත්තෙ අද උදේ වුණත් ඒතරම් ලයින් ප්‍රමාණයක් නොතිබුණ නිසා අද දවස ඇතුලත අවසන් කරගන්න පුළුවන් වුණා. ඉල්ලීම මිතුන් සහෝදරයගෙ නිසා ඔහුටත් බොහොම ස්තූතියි. ඔබ දැනටමත් දන්නවා ඇති මෙහි ලේඛක රුඩ්යාඩ් කිප්ලිං මහතා ඉන්දියාවේ උපන් බ්‍රිතාන්‍ය ජාතිකයෙක්.

ඒ නිසාම ඔහුගේ කෙටිකතා නිර්මාණ බොහොමයක් ඉන්දියානු වටපිටාව ඇසුරු කරගත් ඒවා. ඒ අතරින් මේ මෞග්ලීගේ කතාව එහෙමත් නැත්නම් The jungle book විශේෂ තැනක් ගන්නවා. ඉතින් ඒ ඇසුරින් තමයි මේ Mowgli: Legend of the Jungle (2018) චිත්‍රපටය නිර්මාණය වෙන්නෙ. මෙය ඇත්තටම 2016 වසරේ තිරගත වෙන්නට තිබුණ නිර්මාණයක් වුණත් ඒ වසරේදීම තිරගතව අතිශය ජනප්‍රියත්වයට පත් ඩිස්නි සමාගමේ The Jungle Book(2016) චිත්‍රපටය නිසා මෙය තිරගත කිරීම පසුවට කල්තබන්නට වෝනර් බ්‍රදර්ස් ආයතනය තීරණය කරනවා. කෙසේ හෝ අවසානයේ නෙට්ෆ්ලික්ස් සමාගම වෙත විකුණා දැමූ මෙය නෙට්ෆ්ලික්ස් හරහා විකාශය වුණා පසුගිය දෙසැම්බර් 7 වනදා. මේ The Jungle Book ඇසුරින් නිර්මාණය වුණු බොහෝ නිර්මාණ මුල් කෘතියෙන් මදක් බැහැරව කුඩා දරුවන්ම ඉලක්ක කරගෙන සෑදුණු ඒවා වුණත් මෙය එසේ නොවෙයි. ඒ බව අධ්‍යක්ෂ ඇන්ඩි සර්කිස් මහතාම වරක් පවසා තිබුණා සම්මුඛ සාකච්ඡාවකදී.

IMDB අගය 6.8ක්ද, Rotten Tomatos වෙතින් 54%ක අගයක්ද, මෙටාක්‍රිටික්ස් වෙතින් 55% අගයක්ද (මේ වනවිට) ලබා ඇති මෙයට තව හඬ දායකත්වය ලබාදෙන්නේ ක්‍රිස්ටියන් බේල් (භගීරා), කේට් බ්ලැන්චට් (කා), බෙනඩික්ට් කම්බර්බැච් (ෂේර් ඛාන්), නයීමො හැරිස් (නීෂා), ඇන්ඩි සර්කිස් (බාලූ), පීටර් මලන් (අකීලා), ජැක් රෙනෝර් (බ්‍රදර් වුල්ෆ්), එඩී මාසන් (විහාන්), ටොම් හොලන්ඩර් (ටබාකි) ඇතුළු පිරිසක්. ඊට අමතරව මෞග්ලී ලෙස ඉන්දීය ලමා නළු රොහාන් චාන්ද් රංගනයෙන් දායක වෙනවා. චිත්‍රපටයේ කතාව ගැනනම් මම හිතන්නෙ අමුතුවෙන් කියන්න දෙයක් නෑ ගොඩක් අය දන්නවා මේ කතාව. එය ටිකක් වෙනස් කෝණයකින් බලන්න විතරයි තියෙන්නෙ. එහෙනම් මම ගිහින් එන්නම්, හමුවෙමු තවත් උපසිරැසියකින්!

Human child Mowgli is raised by a wolf pack in the jungles of India. As he learns the often harsh rules of the jungle, under the tutelage of a bear named Baloo and a panther named Bagheera, Mowgli becomes accepted by the animals of the jungle as one of their own, but the fearsome tiger Shere Khan doesn’t take a liking to him. But there may be greater dangers lurking in the jungle, as Mowgli comes face to face with his human origins.