ආයුබෝවන් අදත් සබ්ස් එල් කේ හිතවතුන් හැමදෙනෙක්ටම. අද මේ අරගෙන එන්නෙ මේ වසරේ නිකුත්වූ ක්‍රියාදාම, නාට්‍යමය, ත්‍රාසජනක යන තුන වර්ගයට අයත් හොලිවුඩ් චිත්‍රපටයක සිංහල උපසිරැසියත් චිත්‍රපටය Those Who Wish Me Dead (2021). මයිකල් කොරිටාගේ පොතක් ඇසුරින් ඔහුත්, ටේලර් ෂෙරිඩන් සහ චාල්ස් ලෙවිට් දෙදෙනාගේ රචනයෙන් ටේලර් ෂෙරිඩන්ගේම අධ්‍යක්ෂණයෙන් නිර්මාණය වන මේ චිත්‍රපටය මේ වනවිට 6.1 IMDb අගයක්ද, 63%ක Rotten Tomatoes අගයක්ද 58%ක මෙටාක්‍රිටික් අගයක්ද ලබා තිබෙනවා. රංගනයෙන් දායක වන්නේ ඇන්ජලීනා ජොලී ( ඇනා), ෆින් ලිට්ල් ( කොනර්), ජොන් බර්න්තල් (ඊතන්), ඒඩන් ගිලන් ( ජැක්), නොකලස් හෝල්ට් (පැට්‍රික්), ජැක් වෙබර් (ඔවන්), මෙදීනා සෙන්ගර් (ඇලිසන්), ටයිලර් පෙරී (ආතර්), බූට්ස් සදර්ලන්ඩ් (ෂෙරිෆ්) ඇතුළු පිරිසක්.

දීර්ඝ ලිපියක් ලිවීමට තරම් විශේෂත්වයක් චිත්‍රපටය තුලින් මා නොදැක්කත්, මෙය ත්‍රාසය සොයන ඔබට රසවිඳිය හැකි චිත්‍රපටයක් බවත් කියන්නම ඕනෙ. නමුත් මෙහි දෙබස් භාවිතාව පිලිබඳ පැහැදීමක් නෑ මට, විශේෂයෙන්ම ඇන්ජලීනා ජොලීගේ චරිතය හා කොනර් අතර ඇතිවන දෙබස්.

කතාව කෙටියෙන් මෙහෙමයි. මිනීමැරුමක් සියැසින් දකින නව යොවුන් වියේ දරුවෙක් පසුපස හඹායනවා ඝාතකයන් දෙදෙනෙක්, ඔවුන් අවසානයේ වැටෙන්නේ මොන්ටානා වනාන්තරයට . එහි සේවය කරනවා රාජකාරියේදි අත්විඳි ඛේදජනක සිදුවීමකින් මානසිකව පීඩාවිඳින කාන්තා ගිනි නිවන භටයෙක්. එසේම පෙරකී දරුවාට ඥාතීත්වයක් තිබෙන ෂෙරීෆ් නිලධාරියෙකුත් පදිංචිව සිටිනවා මෙම වනාන්තරය ආසන්නයේ. ඔවුන් තිදෙනාත් ඝාතකයන් දෙදෙනාත් අතර සිදුවන ගැටුමයි මේ චිත්‍රපටය තුල තිබෙන්නේ. නමුත් ඒ අතරේ ස්වභාවික සතුරෙකුත් සිටිනවා මේ සියල්ලන්ටම විරුද්ධව යන. එතනින් එහාට කතාව ඔබට බාරයි. හමුවෙමු තවත් උපසිරැසියකින්.

ලබාදී ඇති උපසිරැසිය Blu-ray පිටපත් සඳහා වේ. WEB  පිටපත් සතු අයගේ පහසුව තකා එම පිටපත් සඳහා සැකසූ උපසිරැසියක්ද උපසිරැසි ගොණුව තුල අන්තර්ගතය.