Home Movies English Movies Togo (2019) Sinhala Subtitle

Togo (2019) Sinhala Subtitle

ආයුබෝවන් සබ්ස් එල් කේ හිතවතුන් හැමෝටම. Last Christmas(2019) එක්කම තවත් චිත්‍රපටයක උපසිරැසි අරගෙන එන්නයි මේ සූදානම්. මේ තමයි ඩිස්නි + වෙතින් නිකුත්වූ Togo (2019) චිත්‍රපටයේ සිංහල උපසිරැසිය. ඇත්තටම පෞද්ගලික ඉල්ලීමක් වෙනුවෙන් මෙහි උපසිරැසිය කරලයි තිබුණෙ, ඊයෙ අපේ දමිත් ප්‍රියංකර සහෝදරයාත් ඉල්ලිමක් කර තිබුණා හැකිනම් මෙහි උපසිරැසි කරන ලෙස. උපසිරැසිය කලින් කරල තිබුණ නිසා අඩුපාඩු බලල පළකරන්න විතරයි තිබුණෙ. ස්තූතිය දමිත්ට යන්න ඕනෙ, මොකද මේක සමහරවිට මේතරම් ඉක්මනට පළ නොවෙන්න තිබුණා ඔහුගේ ඉල්ලීම නොවෙන්න.

Togo (2019) චිත්‍රපටයේ තොරතුරු හොයද්දී ඔබ දකින්නට ඇති මෙය නොකියූ සැබෑ කතාව ලෙස නම් කරන තිබෙනවා යම් තැන්වල. ඒකට ඇත්තටම ලොකු හේතුවක් තිබෙනවා. 1925 වසරේ ඇමරිකාවේ දුර ඈත කෙලවර නොහොත් The last frontier ලෙස හැඳින්වෙන ඇලස්කාවේ සිදුවූ සත්‍ය සිදුවීමක් ඇසුරු කරගෙන මේ චිත්‍රපටයේ කියූ අසත්‍ය කතාව මම හිතන්නෙ ඔබ සැම අසා නරඹල ඇති. ඒ තමයි Balto (1995) සජීවීකරණ චිත්‍රපටය.

මතකද එහි කතාව? ඇලස්කාවේ පැතිර යන වසංගත රෝගයකට ඖෂධයක් සොයා තම ස්වාමියාත් සමග දුෂ්කර වීර ගමනක යෙදෙන බොල්ටෝ නම් හිම කරත්ත ලීඩ් (නායක) සයිබීරියන් හස්කි සුනඛයෙක් වඩා තමයි එහි කතාව ගෙතෙන්නේ. එහි නොකියූ සැබෑ කතාව තමයි Togo(2019) ලෙසින් ඔබ හමුවට එන්නෙ. එතකොට සත්‍ය කතාව අපි නොදකින්නට, ප්‍රසිද්ධ නොවන්නට හේතුව මොකක් වෙන්න ඇත්ද? _ _ _ ම තමයි ඉතිං. ධෛර්යවන්ත මිනිසුන් විශාල පිරිසකගේත්, අනාදිමත් කාලයක සිට මිනිසාගේ කොන්දේසි විරහිත සිවුපා හිතවතා වන සුනඛයන් විශාල පිරිසකගේත් දායකත්වයෙන් සිදුවූ ගෞරවනීය ක්‍රියාවක ගෞරවය තනි පුද්ගලයෙකුට, තනි සුනඛයෙකුට හිමි වෙනවා ඔවුන්ගේ පිහිටෙන්, ඒ එතනින් වැඩිම ගෞරවය හිමි වියයුත්තන් දෙපල එනම් රියදුරු ලෙනඩ් සෙප්ලා සහ ටෝගෝ සුනඛයා පසෙකට විසිකරමින්. කෙසේ හෝ නරඹන ඔබේ රසවින්දනයට බාධා නොකර මින් ඉදිරියට කිසිවක් කියන්නට නොහැකි නිසා මම නැරඹීමේදී ඔබට වැදගත් විය හැකි කරුණු කීපයක් පමණක් සඳහන් කරන්නම්.

මුළු දුර ( ගොස් ආපසු ඒමට) සැතපුම් 600කට මදක් වැඩිවූ ගමන සිතියමක් ඇසුරින්. ( චිත්‍රපටය නැරඹූ පසු ඔබට වැටහෙයි ඖෂධය දුම්රිය මගින් ප්‍රවාහනය කෙරෙන්නේ ඉතාම සුළු දුරක් පමණක් බව)

• හිම කරත්ත සහ ලීඩ් සුනඛයා

මුලින්ම ඉහත රූපය බලන්න. හිම කරත්තය තනිකරම පුහුණු සුනඛයන් පිරිසකගේත් හිම කරත්ත රියදුරු (Musher) ගේත් සම-ව්‍යායාමයක එකතුවක් බව පේනවනෙ. හිම කරත්තයකට යොදන සුනඛයන් (බොහෝවිට සයිබීරියන් හස්කි වර්ගය) ඒ ඒ යෙදෙන ස්ථානය අනුව විශේෂ වෙනවා.

ලීඩ් සුනඛයන්

සුනඛ පෙලේ ඉදිරියෙන්ම ගමන් ගන්නෙ මේ අය. ගමන් වේගය තබාගැනීම සහ තමන් පසුපසින් එන සුනඛයන්වද රියදුරුගේ විධානයන්ට අනුව නිවැරදි ගමන් මගේ ගෙනයාමයි ඔවුන්ගේ රාජකාරිය.

ස්වින්ග් සුනඛයන්

මේ අයගේ කාර්යය ලීඩ් සුනඛයන්ගේ ගමන්‍ය වේගයට අදාලව තමන් පසුපසින් සිටින සුනඛයන්ද ගෙනයාම.

ටීම් සුනඛයන්

කරත්තය ඇදීම සහ වේගය පවත්වාගැනීමයි මේ අයගේ රාජකාරිය.

වීල් සුනඛයන්

අවසාන පෙල වුණත්, මේ අයට බාර කාර්යය ඉතාම වැදගත්, මොකද කරත්තය හැරවීම බාර මේ සුනඛයන්ට නිසා. ඉන් පසුවයි කරත්තය මේ එකතුවේ සාමාජිකයෙක් වෙන්නෙ.

• හිම කරත්ත පැදවීමට අදාල විධානයන් කීපයක්

Hike (හයික්) – ගමන් ගන්නා ලෙස දෙන විධානය.

Gee (ගී) – දකුණට හැරවීමට දෙන විධානය.

Haw (හෝ) – වමට හැරවීමට දෙන විධානය.

ඊසි ( ඊසි) – වේගය අඩුකිරීමට දෙන විධානය.

Whoa (හෝව්) – නැවැත්වීමට දෙන විධානය.

On By (ඔන් බයි) – තවත් හිම කරත්ත කණ්ඩායමක් පසුකිරීමට හෝ අවධානය වෙනස්වන යමක් නොසලකා ඉදිරියට ඇදීමට දෙන විධානය.

• ටෝගෝ නම සහ අද්මිරාල් ටෝගෝ

ජපන් යුධ වීරයෙකු ලෙස සැලකෙන ටෝගෝ හෙයචිරෝ අද්මිරාල්වරයා තමයි මේ අද්මිරාල් ටෝගෝ ලෙස හැඳින්වෙන්නේ.

• වෙනස්වූ ශේක්ස්පියර්

මහා කවි විලියම් ශේක්ෂ්පියර්ගේ පස්වන හෙන්රි (Henry V) නාට්‍යයෙන් උපුටාගත් දෙබසක් අපිට දකින්නට පුළුවන් මෙහි. හැබැයි එය ඒ අවස්ථාවට උචිත ලෙස වෙනස්කර තමයි පාවිච්චි වෙන්නෙ. එය එතෙන්ට අවශ්‍යද කියල පොඩි ප්‍රශ්ණයක් තියනව මටනං.

මේ ටිකත් ලිපියට ඇතුලත් නොකලොත් අඩුවක්.

සැබෑ ලෙනඩ් සෙප්ලා (වමේ) , ඔහුට පණ පොවන විලියම් ඩැෆෝ (දකුණේ)

සැබෑ ටෝගෝ

මෙහි සැබෑ කතාව එලිදැක්වුණු ගේ සැලිස්බරි හා ලෙනී සැලිස්බරිගේ The Cruelest Miles: The Heroic Story of Dogs and Men in a Race Against an Epidemic පොත

හරි එහෙනම් ඒ ඇතිනෙ. චිත්‍රපටය ලබා ඇති අගයන් ආදිය ගැන යම් සඳහන් කරල මම නවතින්නම්

• IMDB අගය – 8.2

•Rotten Tomatoes අගය – 96%

• Metacritic අගය – 71%

ඊට අමතරව සම්මාන ද්විත්වයකට නිර්දේශිතයි.

රංගනයෙන් දායක වන පිරිස

විලියම් ඩැෆෝ ( ලෙනඩ් සෙප්ලා)

ජුලියෑන් නිකල්සන් (කන්ස්ටන්ස් සෙප්ලා)

ක්‍රිස්ටෝෆර් හෙයඩල් ( නගරාධිපති ජෝජ්)

රිචඩ් ඩෝමර් (වෛද්‍ය කර්ටිස්)

ෂෝන් බෙන්සන් ( ගනර් කාසන්) ඇතුළු පිරිසක්.

සියලුම DSNP (Disney Plus) වෙබ් පිටපත් සඳහා ගැලපේ

  • Details
  • Trailer
  • Download links

Year : 2019

Rating : 8.2

Genre : Adventure, Biography, Drama, Family, History

Actors : Willem Dafoe, Julianne Nicholson, Christopher Heyerdahl, Richard Dormer

Writer : N/A

Director : Ericson Core

Plot :

The story of the sled dog, Togo, who led the 1925 serum run, but was considered by most to be too small and weak to lead such an intense race.



සිංහල උපසිරැස Download කරගන්න 422 times


Hasitha Prasad

Subz LK වෙබ් අඩවිය වෙනුවෙන් කල උපසිරැසි නිර්මාණයකි

මේවත් බලන්න

Vikings (2013) [S06 : E08] Sinhala Subtitle

අද මම අරන් එන්නේ වයිකින්ග්ස් කතා මාලාවේ 8 වෙනි කොටස, මේ කොටස නම් කරලා තියෙන්නේ …

subzlk stop Comment කිරීමට පෙර මේ ලිපිය කියවන්න: මේ ලිපිය කියවන්න

9 comments
  1. Hashan

    Midway 2019 Film එකට සබ් එක දෙන්න අයියෙ පුලුවන්නම්.. ඔයාගෙ සබ් එකක්නම් නියමයි ඉතින්.. ඉක්මණින්ම දෙන්න බලන්න අනිත් සයිට් වලට කලින්.. ජය…!

  2. Hashan M. Priyadarshana

    බොහොම ස්තුතියි බ්‍රෝ සබ් එකට 😊👍…
    ජය වේවා.! 👊

  3. Nimantha

    බොහෝම ස්තුතියි සහෝ….උඩ සහෝදරය කියනව වගේ midway හොද කොපියක් ඇවිල්ලනම් අනිත් සයිට් වලට කලින් උපසිරසිය දෙන්න පුලුවන්නම් බොහොම අගේ කොට සලකනව..ඔබට ජය..

  4. Kantha_DLA

    … ගොඩක්ම ස්තූතියි. …
    ඔබගේ සියලු කටයුතු සාර්ථක වේවා..!
    …… බුදු සරණයි – දෙවි පිහිටයි ……

  5. Hashan Lakmal

    ඇඩ්මින් දමිත් සහෝ ඔයා ඉල්ලන්නකො මෙයාගෙන් Midway එකේ සබ් එක.. එතකොට ඉක්මණට දෙයිනෙ උඩ කියනව වගේ 😊.. 😂

  6. Mithun

    මමත් මෙක ආපු ගමන් ඉල්ලිමක් කලා ..
    ෆිල්ම් එක නම් බැලුව සුපිරි ෆිල්ම් එකක්.!!
    ❤❤❤❤🌟🌟🌟🌟🌟
    Harriet
    2019 ඔකත් අද ආවේ ඔක පුළුවන් නම් කරමුකො සබ් එක….

  7. LÃhírü SHãshikâ

    සබට ස්තූතියි සහෝ

  8. Madusha

    බොහොම ස්තූතියි සබ් එකට සහෝ

  9. Milinda priyalal

    සිංහල උපසිරැසියට බොහෝම ස්තුතියි

Leave a Reply

Your email address will not be published. Required fields are marked *