Battle Creek Brawl (1980) Sinhala Subtitle

ඉතින් ජැකී චෑන් රසිකයන් වෙනුවෙන්, ඔහුගේ තවත් පැරණි සුපිරි චිත්‍රපටයක් අරගෙන තමයි මෙවර Subz.lk එකට ගොඩ වැදුනේ. ඒ තමයි, නැගෙනහිර ආසියාවේ ජය කෙහෙලි නංවා සිටි ජැකී, ඇමරිකන් සිනමා වෙළඳ පොලට කඩා වැදීමේ ඔහුගේ පළමු උත්සාහය හැටියට සටහන් වෙන Big Brawl ( චීන ) හෙවත් Battle Creek Brawl. මෙය හොංකොං සහ ඇමරිකානු සම නිෂ්පාදනයක්. 1980 සැප්තැම්බර් 10 ඇමෙරිකාවේත්, 1980 ඔක්තෝබර් 16 හොංකොංහීදිත්, මුලින්ම තිරගත වුනා. බෘස්ලීගේ “එන්ටර් ද ඩ්‍රැගන්” අධ්‍යක්ෂනය කල Robert Clouse තමයි මේ ෆිල්ම් එකත් අධ්‍යක්ෂනය කරල තියෙන්නෙ. බෙදාහරින්නන් ලෙස හොංකොං වෙනුවෙන් ගෝල්ඩන් හාවෙස්ට් සමාගමද, ඇමරිකාව වෙනුවෙන් වෝනර් බ්‍රදර්ස් සමාගමද කටයුතු කර ඇත. චිත්‍රපටයට පසුබිම් වෙන්නෙ 1930 වසරේ චිකාගෝව උනත්, රූපගත කිරීම් කරල තියෙන්නෙ ටෙක්සාස් වලයි.
සුපර් හිට් වූ Enter The Dragon වගේ සාර්ථකත්වයක්, අධ්‍යක්ෂ Clouse බලාපොරොත්තු වුවද උතුරු ඇමරිකාවේදී එම බලාපොරොත්තු සුන්වී ඇත. චිත්‍රපටය නිර්මාණයේදී ජැකීගෙ අදහස් වලට Clouse එතරම් සැලකිල්ලක් දක්වා නැත. පසු කලෙක ඔහුගේ I Am Jackie Chan: My Life in Action පොතේ ජැකී සඳහන් කර තිබුනේ තමන්ට අවශ්‍ය ආකාරයට ක්‍රියාදාම නිර්මාණය කිරීමට නිදහස නොලැබීම චිත්‍රපටය අසාර්ථක වීමට හේතුව බවයි. වරක් ඔහු ප්‍රතිචාර දක්වා ඇත්තේ “ජැකී චෑන් ඇවිදිනවා බලන්න කිසි කෙනෙක් මුදල් ගෙවන්නෙ නෑ” යනුවෙන් පවසමිනි. එනමුත් උතුරු ඇමරිකාවේ සිනමා ශාලා 231 ක තිරගත කරමින්, ආරම්භක සතියේම ඇ.ඩො. 1,108,025 ක ආදායමක් වාර්තා කරමින් සති අන්ත බොක්ස් ඔෆීස් ලැයිස්තුවේ අංක එක වීමට සමත් වූ අතර 1980 ඔක්තෝම්බර් වන විට ඇමෙරිකාවේදී ඇ.ඩො.මිලියන 9 ක් උපයාගනිමින්, එම වසරේ උතුරු ඇමරිකාවේ ඉහළම ආදායම් ලැබු 40 වෙනි චිත්‍රපටය බවට පත්විය. කෙසේ වෙතත් හිට් වූ “එන්ටර් ද ඩ්‍රැගන්” ඉදිරිපත් කල වෝනර් බ්‍රදර් සමාගමට එය විශාල බලාපොරොත්තු සුන් වීමක් විය. එහෙත් අනෙක් රටවල අති සාර්ථකවූ බිග් බ්‍රෝල්, ඇ.ඩො. 1,160,878 ක් උපයා ගනිමින් හොංකොං බොක්ස් ඔෆීස් හී වසරේ ඉහළම ආදායම් අතරේ දෙවෙනි තැනට පත්වූ අතර එය හොංකොංවලදී “එන්ටර් ද ඩ්‍රැගන්” ඉපයූ හො.ඩො.මිලියන 3.3 ට වඩා වැඩි ආදායමක් විය. ජාත්‍යන්තර වෙළඳ පොලේ අතිශය සාර්ථකත්වයට පත්වෙමින්, ඇ.ඩො. 212,587 ක් උපයාගෙන 1980 වසරේ තායිවානයේ දෙවන ඉහළම ආදායම් වාර්තාව තමන් සතු කර ගත්තේය. දකුණු කොරියාවේද දෙවෙනි තැනට පත්වෙමින්, ( පළමු තැන ජැකීගේම Young Master විය ) ඇ.ඩො. 769,931 ක් උපයා ගත් අතර ජපානයේද එය ඇ.ඩො.මිලියන 4.3 ක් විය. 1981 වසරේදී තිරගත කරමින් ප්‍රංශයේදී වසරේ 24 වෙනි ස්ථානයද (ඇ.ඩො. 4,688,376), ජර්මනියේදී 43 වෙනි ස්ථානයටද (ඇ.ඩො. 479,574) පත්විය. ඒ අනුව සමස්ථ බොක්ස් ඔෆීස් ආදායම ආසන්න වශයෙන් ඇ.ඩො.මිලියන 20.6 ක් විය. චිත්‍රපටයේ ධාවන කාලය විනාඩි 95 යි.
Cast
Jackie Chan … ජෙරී ක්වාන්
José Ferrer … ඩොමොනීසි
Kristine DeBell … නැන්සි
Mako … හර්බට්
Ron Max … ලෙගෙටි

Jackie, José Ferrer සහ Kristine DeBell රූපගත කිරීම් අතරතුර 

ජෙරී ඇමරිකාවේ චිකාගෝ වල සාමාන්‍ය ජීවිතයක් ගෙන යන තරුණයෙක්. ඔහුගෙ පෙම්වතිය තමයි නැන්සි. ජෙරී මාෂල් ආර්ට් සටන්වල දක්ෂයෙක්. ඔහුගේ තාත්තට ආපන ශාලාවක් තියෙනවා. ඔහුගේ තාත්තට ඩොමිනීසි කියලා ධනවත් දාමරිකයෙකුගෙන් කරදර හිරිහැර වෙනවා. ඒ කප්පම් මුදල් ගෙවීමට ජෙරීගෙ තාත්තා අකමැති වීම නිසා. ඒවට ජෙරී මැදිහත් වීම නිසා ඩොමිනීසිට ජෙරී හිසරදයක් වෙනවා. නමුත් පසුව ජෙරීගෙ සටන් හැකියාව තේරුම් ගන්නා ඩොමිනීසි, ටෙක්සාස් වල පැවැත්වෙන දැවැන්ත වීදි සටන් තරගාවලියක් වන “බැට්ල් ක්‍රීක් බ්‍රෝල්” එකට තමාගෙ පාර්ශ්වයෙන් ඔහුව ඉදිරිපත් කිරීමට තෝරගන්නවා. මොකද ඔහුගේ තරගකරුවා ඒ වනවිටත්, අපරාජිත ශූරයා වන යෝධ බිලී කිස් සමග මෑතකදී කල සටනකින් අම්බානට කාලා අසාධ්‍ය තත්ත්වයේ ඉන්න නිසා. මේ බිලී කිස්ව තමයි ඩොමිනීසිගෙ ව්‍යාපාරික විරුද්ධ කාරයා වන මෝර්ගන් ඉදිරිපත් කරන්නෙ. නමුත් මේකට ජෙරීව කැමති කරගන්න ඩොමිනීසි ජෙරීගෙ සහෝදරයගෙ පෙම්වතිය පැහැරගන්නවා. ජෙරීට සිද්ධවෙනව ඇය වෙනුවෙන් තරගයට ඉදිරිපත් වෙන්න. නමුත් ඔහුගේ ජයග්‍රහණය වලක්වන්නත් මෝගන් ගොඩක් යටිකූට්ටු වැඩ සැලසුම් කරනවා, ඩොමිනීසිගෙම බෑණා වන ලෙගෙටි සමග එකතුවෙලා. ඉතින් සියවසේ දැවැන්තම ගැටුම, බැට්ල් ක්‍රීක් ටෙක්සාස් එකේදී හමුවෙමු. ජය වේවා.

♣♣ BRRip / 480p / 720p / 1080p ♣♣

ඔබටත් ඉඩක්…
ඔබත් උපසිරැසිකරණයේ යෙදීමට කැමතිනම් අප හා එකතුවන්න. විස්තර මෙතනින් බලාගන්න. එසේ නම් ඔබ Subz.lk වෙබ් අඩවියම තෝරාගත යුත්තේ ඇයි? මෙතනින් බලන්න. ලින්ක් වැඩ නොකරන්නේ නම් කමෙන්ට් කරන්න. වහාම යථාවත් කිරීමට අප සූදානම්.