ආයුබෝවන් අදත් Subzlk හිතවතුන් හැමදෙනෙක්ටම, ඔන්න අද මේ හදන්නෙ  අපේ Kantha DLA සහෝදරයගෙ ඉල්ලීමක් ඉෂ්ට කරන්නයි. ඉතිං ඔහුට ස්තූති කරල ඉන්නම්  මම මුලින්ම. මේ පසුගිය වසරේ තිරගතවූ බ්‍රිතාන්‍ය චිත්‍රපටයක්, නමින් Beast (2017) . මෙය අයත් වෙන්නෙ සයිකොලොජිකල් ත්‍රිලර් ඝනයටයි. මයිකල් පියර්ස්ගේ රචනයෙන් සහ අධ්‍යක්ෂණයෙන් නිර්මාණය වෙන මෙය මේ වනවිට ලබා ඇති Imdb අගය 7ක්, ඒ වගේම Rotten Tomatos වෙතින් 94%ක අගයකුත් ගූගල් පරිශීලකයන් 72%කගේ ප්‍රසාදයක් ලබා තිබෙනවා. ඊට අමතරව මෙය සම්මාන පහකටද නිර්දේශ වූවක්. රංගනයෙන් දායක වෙන්නෙ ජෙරල්ඩීන් ජේම්ස් ( හිලරි), ජෙසී බක්ලි ( මොල්- මේ නම කටට හුරු නැති නිසා මම මොලී කියන භාවිතා කලා උපසිරැසියෙදි), ජොනී ෆ්ලින් ( පැස්කල් රෙනෝෆ්), හැටී ගොටෝබඩ් (ජේඩ්),ෂැනොන් ටාබෙට් (පොලී), ට්‍රිස්ටන් ග්‍රැවෙල් (ක්ලිෆර්ඩ්) වගේ රංගන ශිල්පි ශිල්පිනියන් පිරිසක්. චිත්‍රපටයෙ කතාව පැත්තට යන්න කලින් මුලින්ම කියන්න ඕනෙ මේ චිත්‍රපටය දිවෙන්නෙ ජර්සි (Jearsy)දූපත තුල. එය බ්‍රිතාන්‍යයට සහ ප්‍රංශයට මැදිව ඇති දිවයිනක්, ඒ නිසාම මෙහි ඒ දෙරටේම සංස්කෘතික ලක්ෂණ තිබෙනවා. ඇත්තටම මෙහි අධ්‍යක්ෂ මයිකල් පියර්සුත් කලක් එහි ජීවත්වූ අයෙක්ලු, ඒ වගේම චිත්‍රපටයේ එන සිදුවීම් පෙළ ගොඩනගල තියෙන්නෙ 1960 සහ 70 දශකයේ එම දූපතේ සිටි සැබෑ චරිතයක් යම් තරමකින් පදනම් කරගෙනයි.ඒ ගැන මම මෙතන නොකියා ඉන්නම් චිත්‍රපටයේ රසවින්දනයට ඒක  බාධාවක් වෙන නිසා. හරි දැන් අපි යමු චිත්‍රපටයේ කතාව පැත්තට....

මොලී හන්ට්ෆර්ඩ් කියන්නෙ ජර්සි දූපතේ වෙසෙන තරුණියක්, තමන්ගෙ අසනීප පියාව බලාකියාගෙන , ගෙදර දොරේ වැඩ කරගෙන මොලී ගත කරන්නෙ ටිකක් පීඩනකාරී වටපිටාවක. ඔය අතරෙ එනවා මොලීගෙ උපන්දිනය, එයට කුඩා සාදයක්ද පැවැත්වෙනවා ඇගේ ගෙදර. කොහොමින්හරි එතනින් ටිකකට මිදිලා සමාජශාලාවක් වෙත යන ඇයට එහි සිදුවන යම් සිදුවීමක් නිසා අහම්බයෙන් මුණගැහෙනව ටිකක් අමුතු විදියෙ තරුණයෙක්ව. මේ කාලයේදීම වගේ දූපතේ ඝාතන කීපයක් සිදුවෙන අතර මේ තරුණයාත් එහි සැකකරුවෙක් බවට පත්වෙනවා.. හරි එහෙනම් මම ඉන් එහාට කියන්න යන්නෙ නෑ, ඉතිරිය නරඹන ඔබට බාර කරමින් මම ගිහින් එන්නම්.