Smallfoot (2018) Sinhala Subtitle

සුබ දවසක් වේවා කියලා ප්‍රාර්ථනා කරනවා යාළුවෝ හැමෝටම. ඔන්න එහෙනම් මෙදා පාර අරගෙන ආවේ සජීවීකරණ චිත්‍රපටයක සිංහල උපසිරැසියක්. හැබැයි මේ චිත්‍රපටයේ හොඳ පිටපතක් නිකුත් වුණේ 2018 වර්ෂයේ අවසාන මාස කිහිපයේ. ඉතින් පිටපත නිකුත් වුණ දවස්වලම උපසිරැසි ගන්වන්න වෙන් කරගෙන හිටියත් නොයෙකුත් රාජකාරියන් නිසා කරන්න බැරිවුණා. ඉතින් කොහොමෙන් කොහොම හරි ලයින්ස් 1750කට ආසන්න ප්‍රමාණයකින් යුතු උපසිරැසිය අද ඔයාලා වෙනුවෙන් රැගෙන එන්න පුළුවන් වුණා. හරි එහෙනම්, වැඩි කතා නැතුව චිත්‍රපටය පැත්තට හැරෙමු. 2018 වර්ෂයේ සැප්තැම්බර් මස නිල වශයෙන් තිරගත ආරම්භ කරපු මෙම චිත්‍රපටය නමින් - Small Foot - Animation, Adventure, Comedy කියන ගණයට අයත් වන මෙම චිත්‍රපටය IMDb ශ්‍රේණි දර්ශකයේ 6.7ක අගයක් ලබාගන්න සමත් වෙලා තිබෙනවා. පැය 1යි මිනි.36ක ධාවන කාලයකින් යුතු මෙම චිත්‍රපටයේ අධ්‍යක්ෂවරයා Karey Kirkpatrick. හඬකැවීම් අංශයෙන් දායක වන අය මෙසේය. Cast

1. Channing Tatum as Migo.
2. James Corden as Percy.
3. Zendaya as Meechee.
4. Common as Stone-Keeper.
5. LeBron James as Gwangi.
6. Danny DeVito as Dorgle.
7. Gina Rodriguez as Kolka.
8. Yara Shahidi as Brenda.
9. Ely Henry as Fleem.
10. Justin Roiland as Garry.

කතාව ගැන කිව්වොත්, හිම මනුස්ස කොට්ඨාසයක් ජීවත් වෙනවා වළාකුළු වලට ඉහලින් තියෙන කන්දක. හැබැයි හරියටම බැලුවොත් එයාලා ඉන්නේ සාමාන්‍ය කඳු මුදුනක. මෝඩ මිත්‍යා විශ්වාස නිසා මෙයාලා අන්ධ වෙලා ඉන්නේ. (එහෙම කියන්න හේතුව චිත්‍රපටය බලනකොට තේරුම් යයි) මීගෝ කියන්නේ හිම මනුස්සයන් අතරේ ඉන්න සාමාන්‍ය කෙනෙක්. හැබැයි මීගෝ තමයි මේ කතාවේ ප්‍රධානම චරිතය. මෙයාගේ තාත්තා තමා මුළු ගමම ඇහැරවන්නේ. (ඇහැරවන විදිහ බලන්නකෝ) ඉතින් දවසක් මීගෝටත් අවස්ථාව උදාවෙනවා මුළු ගමම ඇහැරවන්න. හැබැයි ඇහැරවන්න හදන ක්‍රමය පාවිච්චි කරන්න ගිහින් එයාව ගම්මානයෙන් එපිටට විසි වෙනවා. එතකොට එයා දකිනවා අහස් යානාවක් එයා ඉන්න පැත්තට කඩාගෙන වැටෙන්න හදනවා. කොහොම හරි එතනින් බේරෙන මීගෝ අහස් යානාව ඇතුලේ ඉන්න ගුවන් නියමුවාව දකිනවා. (ආ... කියන්න අමතක වුණා. මීගෝ මිනිස්සු කියලා ජාතියක් ඉන්නවා කියලා දැනන් හිටියේ නෑ) ඉතින් එතනදී මීගෝ ගුවන් නියමුවාව දැකලා පුදුමයට පත්වෙනවා. (විශේෂයෙන්ම පාද.) හිම මිනිස්සු සාමාන්‍ය මනුස්සයෙක්ට වඩා සෑහෙන්න ගුණයකින් විශාල නිසා කුඩා මනුස්සයෙක්ව දැක්කම පුදුමයට පත්වෙනවා. ඉතින් මීගෝත් ඒ විදිහටම විශ්මයට පත්වෙනවා. මේ ආරංචිය ගිහින් මුළු ගමේම ඉන්න කට්ටියට කියනවා. එතනදී, ගමේ නායකයා වන ස්ටෝන් කීපර් මීගෝ දැක්ක දේ ප්‍රතිකේෂ්ප කරලා, නොයෙකුත් විදිහේ අදහස් ගමේ අයට තේරුම් කරවලා මීගෝව ගමෙන් පිටුවහල් කරනවා. ඉතින් අසරණ මීගෝ කඳු මිටියාවත මත තනියම ඇවිදගෙන යනවා. එතනින් එහාට වෙන්නේ මොනාද කියලා දැනගන්න නම් කතාව බලන්නම වෙනවා. එහෙනම් දැනට මං නවතිනවා. ආයෙත් දවසක සුපිරිම චිත්‍රපටයක සිංහල උපසිරැසියක් සමගින් හම්බවෙමු. එතෙක් ඔබ සැමට, බුදු සරණයි!!!