ආයුබෝවන් අදත් Subzlk හිතමිතුරන් හැම දෙනෙක්ටම. අද තවත් අපූරු චිත්‍රපටයක් ඔබ හමුවට අරගෙනයි මේ එන්නෙ. අනුවේදනීය නමුත් සිත ඇත්නම් පත කුඩාද යන කියමන සැබෑවක් කල දරුවකුගේ සත්‍ය කතාවක් පදනම් කරගෙන සැකසුනු The Boy Who Harnessed the Wind (2019) චිත්‍රපටයේ උපසිරැසියයි මේ. චිත්‍රපටය පැත්තට යන්න කලින් අපිට අඳුගන්න වෙනව අන්න ඒ කිව්ව දරුවාව , ඔහු මේ විස්කම කරන්නේ කුඩා කාලයේදි වුණත් අද ඔහු වයස අවුරුදු 31ක තරුණයෙක්. කවුද මේ? ඔහු තමයි විලියම් කම්ක්වම්බා..

විලියම් කම්ක්වම්බා 2005 වසරේ TED සමුළුව අමතමින්

අප්‍රිකානු කලාපයේ දිළිඳු රටක් වන මලාවි රාජ්‍යයේදී උපන් විලියම් කම්ක්වම්බාගේ දෙමාපියන් හේන් ගොවිතැනින් ජීවත්වන අය. ඔහුට තව වැඩිමල් සහෝදරියකුත් සිටිනවා. කෙතරම් දරිද්‍රතාවයෙන් පෙළුනත් විලියම්ගේ පියා ට්‍රයිවෙල් කම්ක්වම්බාගේත් මව ඇග්නස් කම්ක්වම්බාගේත් එකම අධිෂ්ඨානය තම දරුවන්ට පාසල් අධ්‍යාපනය ලබා දීම. නමුත් බොහෝ අප්‍රිකානු රටවල් සේම කුරිරු කාලගුණයෙන්ද දූෂිත දේශපාලුවන්ගෙන්ද දැඩිලෙස බැටකන රටක උපන් ඔවුන්ට මේ දේවල් කරගෙන යාම ඒතරම් පහසු වෙන්නෙ නෑ. හේන් ගොවිතැන ප්‍රධාන ආදායම වෙන රටක පසත් දුම්කොළ වගාවෙන්ද, වන විනාශයෙන්ද නිසරුවී ගිය ගල් බොරළු ගොඩක් වීමද නිසි කලට වැස්ස නොලැබීමද එකතුවෙලා මේ කම්ක්වම්බා පවුලේත් ජීවිත දැඩි අසීරු අඩියකට ඇද දමනවා..ඒත් දැඩි අධිෂ්ටානශීලී දරුවෙකු වෙන විලියම් මේ දුක් ගැහැට ඇතුලෙන් සොයනවා වසර පුරා වගා කල හැකි ක්‍රමයක් , ඒ වගේම ඔහු එය සාර්ථකත් කරගන්නවා අවසානයේදී, ඒ මුළු ගමකටම සෙත සලසමින්. ඔබට ඒ කතාව චිත්‍රපටය තුලින් නැරඹිය හැකි නිසා මම මීට වඩා ඒ සම්බන්ධව කියන්නෙ නෑ. කෙසේ හෝ අවසානයේ ඔහු ලේඛක බ්‍රයන් මීලර් හා එක්ව තම ජයග්‍රහණය කෘතියකට පෙරලනවා The Boy Who Harnessed the Wind නමින්, ඒ 2009 වසරේදී. එය තමයි මේ NETFLIX වෙතින් සිනමාපටයක්ව ඔබ වෙතට එන්නේ

මේ චිත්‍රපටය අධ්‍යක්ෂණය කරන්නේ නයිජීරියානු-බ්‍රිතාන්‍ය ජාතික ප්‍රවීණ නළු Chiwetel Ejiofor විසින්. පෙරකී පොත ඇසුරින් තිරරචනයත් ඔහුගේමයි. මේ වනවිට Imdb වෙතින් 7.6 ක අගයකුත්, Rotten Tomatoes වෙතින් 86% වශයෙනුත් දැවැන්ත අගයන් දිනා ඇති මේ චිත්‍රපටයට රංගනයෙන් දායක වෙන්නෙ : Chiwetel Ejiofor (ට්‍රයිවෙල් කම්ක්වම්බා) , Maxwell Simba ( විලියම් කම්ක්වම්බා), Lily Banda (ඇනී කම්ක්වම්බා), Aïssa Maïga ( ඇග්නස් කම්ක්වම්බා), Raymond Ofula ( විදුහල්පති ඔෆෙසි), Philbert Falakeza (ගිල්බට් විම්බේ), Lemogang Tsipa ( මයික් කිචිගුන්ඩා) ඇතුළු පිරිසක්. එහෙනම් අනිවාර්යයෙන්ම නරඹන්න මේ චිත්‍රපටය. මම ගිහින් එන්නම් හමුවෙමු ලඟදීම තවත් උපසිරැසියකින්.

කැමති අය ගොඩවැදිලා බලන්න මේ විලියම් කම්ක්වම්බාගේ නිල වෙබ් අඩවිය

මේ ඔහු 2007 වසරේ TED ග්ලෝබල් සමුළුවේ කල කතාව

“Where the world sees trash, Africa recycles. Where the world see junk, Africa sees rebirth.” - William Kamkwamba-

අන්තර්ජාලයේ ඇති WEB-RIP පිටපත් සඳහාද උපසිරැසිය ගැලපේ