Wrath of Man (2021) Sinhala Subtitle

                           ඉතින් හැමෝටම ආයුබෝවන්. මේ පාර අරන් ආවෙ 2021 වර්ෂයේ බොහෝ දෙනෙක් බලාගෙන සිටි සිනමා නිර්මාණයක්. මුලින්ම සමාවෙන්න ඕනෙ පොඩ්ඩක් පරක්කු වුනාට. අන්තර්ජාලයට හොඳ පිටපතක් නිකුත් වූ දිනයේම සබ් එක හදන්න පටන් ගත්තත්, නොසිතූ විදිහට කාර්යබහුල වුනා. ඒත් වැඩේ ඉවර කරන්න ඕනනෙ. ඉතින් මේ තමයි ජනප්‍රිය නලු ජේසන් ස්ටැතම්ගේ නවතම සිනමා පෙරලිය, Wrath of Man. අන්තර්ජාතික වශයෙන් රටවල් කිහිපයක 2021 අප්‍රියෙල් 22 ප්‍රදර්ශනය ආරම්භ කල අතර ඇමරිකාවේ ප්‍රදර්ශනය ආරම්භ කලේ 2021 මැයි 07 දිනයි. Action, Thriller සහ Crime ගණයන්ට අයත්වෙන මෙය එංගලන්ත / ඇමරිකන් නිර්මාණයක්. මේ වනවිට IMDb අගය 7.2/10 ක්ද, Rotten Tomatoes අගය 66% ක්ද, Google පරිශීලකයන්ගේ කැමැත්ත 92% ක්ද ලබාගෙන තියෙනවා. Nicolas Boukhrief විසින් අධ්‍යක්ෂනය කල, ප්‍රංශ නිර්මාණයක් වන Cash Truck [2004] චිත්‍රපටයේ රීමේක් එකක් වන Wrath of Man විනාඩි 119 ක ධාවන කාලයකින් යුක්තයි. මෙහි අධ්‍යක්ෂනය Guy Ritchie ගෙන්. Jason Statham සමඟ Holt McCallany (බුලට්), Josh Hartnett (ඩේව්), Jeffrey Donovan (ජැක්සන්), Scott Eastwood (ජෑන්) සහ Niamh Algar (ඩේනා) රංගන දායකත්වය ලබාදෙනවා.
අති සාර්ථකව ලොව පුරා තිරගත වූ Wrath of Man, 2021 ජුනි 01 දින වනවිට, එක්සත් ජනපදයෙන් සහ කැනඩාවෙන් ඇ.ඩො.මිලියන 23.1 ක්ද, අනෙක් රටවලින් ඇ.ඩො.මිලියන 57.7 ක්ද ලෙස, ඇ.ඩො.මිලියන 80.8 ක සමස්ත ආදායමක් උපයා ගැනීමට සමත්වෙලා තියෙනවා. එක්සත් ජනපදයේදී තිරගත කල මුල්ම දිනයේදිම ඇ.ඩො.මිලියන 3 ක් උපයාගත් අතර, එම සති අන්තය අවසන් කෙලේ ඩො.මිලියන 8.1 එකක් තම ගිණුමට බැර කර ගනිමින්, බොක්ස් ඔෆීස් ලැයිස්තුවේ අංක එක බවට පත්වෙමිනි. චීනයේදීද සාර්ථක වෙමින් ආරම්භක සති අන්තයේදී ඇ.ඩො.මිලියන 18.5 ක් උපයාගැනීමටද සමත් වී ඇත.
චිත්‍රපටයේ කතාව ආරම්භ වෙන්නෙ, ආරක්ෂිතව මුදල් ප්‍රවාහනය කරන, ෆෝටිකෝ නමැති ආරක්ෂක ආයතනයක මුදල් ට්‍රක් එකක් කොල්ල කෑමේ සිද්ධියකින්. එහිදී එහි ආරක්ෂකයින් දෙදෙනා ඝාතනය කෙරෙන අතර තව සිවිල් පුරවැසියෙකුත් ඝාතනයට ලක් වෙනවා. ඉන් මාස දෙකකට පමණ පසු එම ආයතනයට නව රියදුරෙක් එකතු වෙනවා. ඔහු නමින් පැට්‍රික් හිල් ( ස්ටැතම් ). එහිදී ගිනි අවි පුහුණුවක්ද ලබා දෙන අතර ඔහු එයින් සමත්වෙන්නේ අවම ලකුණු අරගෙන, නූලෙන්. පැමිණ ටික දිනකට පසු ඔහුගේ කෑෂ් ට්‍රක් එකද කොල්ල කෑමට කරන උත්සාහයකදී, ඔහු කොල්ලකරුවන් හය දෙනෙක් මරා දමමින්, එය ව්‍යර්ථ කරන්නේ ඔහු තනියම, කිසිම සීරීමක්වත් නැතුව. නමුත් ගැටලුව වන්නේ ඔහුගේ අති දක්ෂ, 100% ක් තරම්ම වූ වෙඩි තැබීමේ හැකියාවයි. ඒ නිසා යම් ආකාරයකට ඔහු කෙරෙහි සැකයකුත් යම් අය අතර ඇතිවෙනව. මාස කීපයකට පසු තවත් එවැනිම කොල්ලයකට ඔවුන් මුහුණ දෙන අතර, කොල්ලකරුවන් 95% ක් පමණ සාර්ථක වී තිබියදී තමයි, ඔවුන් පැට්‍රික් හිල්ගෙ මූණ දකින්නෙ. ඔහුව දැක්ක විතරයි අවතාරයක් දැක්ක වගේ භීතියකට පත්වෙන කොල්ලකරුවන් ආපහු හැරිලා පලා යනවා. මේ සිද්ධිය නිසා, හිල්ගේ, එහෙම නැත්නම් එච්ගේ, සහායකයන් වන බුලට් සහ ඩේව්ට දැනෙන්න ගන්නවා, මොකක් හෝ අමුත්තක් තියෙන බව. ඇත්තටම අඳුරු අවතාරයක් බඳු මේ පැට්‍රික් හිල් කවුද? ඔහු ඇත්තටම ආවෙ රස්සාව වෙනුවෙන්මද? එහෙම නෙමේ නම් ඒ මොකටද? ඔබ ජේසන් ස්ටැතම්ගෙ රසිකයෙක් නම් අනිවාරෙන් බැලිය යුතු ෆිල්ම් එකක්.

ජය වේවා.

QUALITY – 480p – 500 MB
          720p – 756 MB   /   1 GB

SUB FORMAT – SRT & IDX

♣♣  BRRip / WEBRip / 480p /720p   ♣♣