සුබ දවසක් වේවා කියලා ප්‍රාර්ථනා කරනවා යාළුවෝ හැමෝටම. ඔන්න එහෙනම් මෙදා පාර ආවේ දමිල චිත්‍රපටයක් අරගෙනයි. මෙතෙක් කල් ඉංග්‍රීසි චිත්‍රපටවලට උපසිරැසිනේ දුන්නේ. වෙනසකටත් එක්ක දමිල චිත්‍රපටයකට උපසිරැසි කරන්න හිතුණා. අපේ සයිට් එකේ දමිල චිත්‍රපටවලට උපසිරැසි කෙරෙන්නෙම නැති තරම්! ඉතින් ලොකු ආසාවක් තිබ්බ නිසා දමිල චිත්‍රපටයකට උපසිරැසි අරගෙන ආවා. පළවෙනි වතාවටනේ දමිල චිත්‍රපටයකට උපසිරැසි කරන්නේ. අඩුපාඩුවක් එහෙම තිබුණොත් සමාවෙන්න. හරි එහෙනම්,

මේ චිත්‍රපටය ගැන මං අමුතුවෙන් කියන්න ඕනේ නෑ. මේ වෙනකොටත් හැමෝම වගේ බලලා ඇති. නොබලපු අය ඉන්නවනම් අරගෙන බලන්න. තලපති විජේ කියන්නේ කවුද කියලා දමිල චිත්‍රපට බලන කෙනෙක් නම් අනිවාර්යෙන්ම දන්නවා. ඉතින් මේ අවුරුද්දේ දීපවාලි උත්සවය යෙදිලා තිබුණ ඔක්තෝබර් මාසේ 25වෙනිදා දමිල සිනමාවට විශේෂ දවසක් වුණා – බිගිල් – චිත්‍රපටය තිරගත වීමත් සමග. විජේගේ Mersal චිත්‍රපටයෙන් පස්සේ Atlee Kumar අධ්‍යක්ෂණයෙන් දායක වුණ චිත්‍රපටය තමයි බිගිල්. Action, Drama, Sport කියන වර්ගීකරණයට අයත් මේ චිත්‍රපටය IMDb ශ්‍රේණි දර්ශකයේ 7.2ක අගයක් ලබාගන්න සමත් වෙලා තිබෙනවා. පැය 2යි මිනි.57ක ධාවන කාලයක් තිබෙන මේ චිත්‍රපටය බොක්ස් ඔෆිස් වාර්තාවන්ට පවා හිමිකම් කියලා තිබෙනවා. චිත්‍රපටයේ නිෂ්පාදනය Kalpathi S. Aghoram, Kalpathi S. Ganesh, Kalpathi S. Suresh යන නිෂ්පාදකවරුන් විසින් සිදුකර තිබෙනවා. ඒවගේම සංගීතයෙන් චිත්‍රපටය හැඩ කරන්නේ ඉන්දියාවේ ප්‍රසිද්ධ සංගීත අධ්‍යක්ෂවරයෙක් වන A. R. Rahman. රංගනය පැත්තෙනුත් විශාල නළු නිළි පිරිසක් දායක වෙනවා.

ඉතින් චිත්‍රපටයේ කතාව ගැන කෙටියෙන්ම කියනවනම්, පාපන්දු ක්‍රීඩාව පාදක කරගෙන නිර්මාණය කරලා තියෙන මේ චිත්‍රපටය, කාන්තාවන් පිළිබඳව ලොකු පණිවිඩයක් සමාජයට දෙන්න උත්සාහ කරලා තියෙනවා. එහෙනම් ඉතින් නොබලපු අය ඉන්නවනම් චිත්‍රපටය නරඹන්න කියන ගමන් දැනට මං සමුගන්නවා.

ඔබ සැමට බුදු සරණයි!

ලබා දී ඇති උපසිරැසි Proper HDRip පිටපත් සඳහා පමණක් ගැලපේ.

පුර්ව ප්‍රචාරක වීඩියෝව නැරබීමට මෙය click කරන්න

ආදාල වීඩියෝ පිටපත Download කරගන්න 3178 Views

සිංහල උපසිරැස Download කරගන්න 17965 times