Locked In (2021) Sinhala Subtitle

                    2021 මැයි 07 දින ඇමෙරිකාවේ ප්‍රදර්ශනය ආරම්භ කල නවතම සිනමා නිර්මාණයක් අරගෙනයි මෙවර subz.lk වෙතට ගොඩ වැදුනෙ. ඒ තමයි Locked In. කොරෝනා ව්‍යාප්තිය මධ්‍යයේ සීමිත සිනමා ශාලා ගණනක ප්‍රදර්ශනය ඇරැඹි මෙය Action, Mystery, Crime, Drama, Thriller යන විදිහට වර්ගීකරණය වෙනව. Carlos V. Gutierrez ගේ අධ්‍යක්ෂනයක් වන අතර කතාව ලියා ඇත්තේද ඔහු විසිනි. චිත්‍රපටයේ නිෂ්පාදනයද ඔහු Elias Axume සමග බෙදා හදාගෙන ඇත. Mena Suvari මැගී ලෙසද, Jasper Polish ටැරීන් ලෙසද රංගනයට එක්වී ඇති අතර අනෙක් චරිත සඳහා Jeff Fahey (මෙල්), Costas Mandylor (හැරිස්), Manny Perez (රොස්) සහ Bruno Bichir (ලී) දායක වී ඇත. පරුෂ වචන කීපයක් හැරෙන්නට කිසිඳු අසභ්‍ය දර්ශනයක් නැති බවත් මතක් කරමි. දැනට 4.6/10 ක IMDb අගයක් ලබාගෙන ඇති මෙහි ධාවන කාලය විනාඩි 90 යි. කතාව කෙටියෙන් කියනව නම්, මැගී කියන්නෙ තම 17 හැවිරිදි දියණිය සමග තනියම ජීවත් වෙන කෙනෙක්. ඉන්නෙත් මොටෙල් එකක කුලියට. ආර්ථික ප්‍රශ්න වලින් මිරිකිලා. ඇය වැඩ කරන්නෙ ගබඩා කාමර ( ලොකර් ) පහසුකම් සපයන ආයතනයක. තට්ටු කීපයකින් සමන්විත මේ ගොඩනැගිල්ලෙ ගබඩා කාමර හෙවත් ලොකර් සිය ගණනක් තියෙනව. දිනක් රාත්‍රියේ තම දියණිය වන ටැරීන් සමග යම් වැඩකට තම සේවා ආයතනයට ඇවිත් ඉන්නකොට අමුත්තන් කීප දෙනෙක් ඊට කඩා වදිනවා. මැගීගෙ බොස්වත් ඔවුන් මරා දානවා. ඔවුන් එන්නෙ සොරකම් කල දියමන්ති වගයක් හොයාගෙන. ඒවා මේ ආයතනයේ කොහේ හරි ලොකර් එකක මැගීගෙ බොස් හංගලයි තියෙන්නෙ. මැගී සහ ටැරීන් මේ ආයතනය තුල මිනීමරුවන්ගෙ ග්‍රහණයට අහුවෙනවා. එහි ලොකර් සහ කොරිඩෝර් අතරේ තමාගෙ මෙන්ම තම දියණියගේත් ජීවිත බේරා ගැනීමට නම්, ඒ භයානක මිනීමරුවන්ට වඩා අඩියක් ඉස්සරහින් හිඳීමට, ආයතනය ගැන තමන් සතු දැනුම පාවිච්චි කිරීම මැගීට කල යුතු වෙනවා. ජය වේවා.

QUALITY  - 720p  -  790MB   /    1080p  -  1.6GB

SUB FORMAT  -  SRT  &  IDX

♣♣  WEBRip / 720p / 1080p  ♣♣