ආයුබෝවන් අදත් Subzlk හිතවතුන් හැමදෙනෙක්ටම. වැඩිහිටියන් වගේම පොඩිහිටියනුත් එකසේ කැමතියිනෙ සජීවීකරණ චිත්‍රපටවලට. අද මේ එන්නෙ එවන් නිර්මාණයකට උපසිරැසි අරගෙනයි. අද අපේ රූපවාහිනී නාලිකාවල ' දරුවන් වෙනුවෙන්' යැයි පවසමින් විකාශය වන වැඩිහිටියන්ටවත් නුසුදුසු සමහර බාල කාටුන් දැක්කම මේ නිර්මාණය කොතරම් සුන්දර හාස්‍යජනක එකක්දැයි නරඹන ඔබට සිතට දැනෙනවාට කිසිම සැකයක් නෑ. ඇත්තෙන්ම මෙය ප්‍රංශ බෙල්ජියානු සම නිෂ්පාදනයක් ලෙස එලිදැක්වුණු සජීවීකරණ චිත්‍රපටයක් ( මම මේ උපසිරැසි අරගෙන එන්නෙ මෙහි ඉංග්‍රීසි හඬකැවූ පිටපතට බවත් මතක තබාගන්න) . මෙහි නියම නම Le grand méchant renard et autres contes... (2017) වන අතර ඉංග්‍රීසි නාමය The Big Bad Fox And Other Tales (2017). ජනප්‍රිය ප්‍රංශ කාටූන ශිල්පියෙකුවන බෙන්ජමින් රෙනර්ගේ සිතුවිල්ලක් සහ අධ්‍යක්ෂණයක් තමයි මෙය. Imdb අඩවියෙන් 7.4ක අගයකුත්, Rotten Tomatoes වෙතින් 96%ක විශාල අගයකුත් ලබා ඇති මේ චිත්‍රපටය සම්මාන හයකට නිර්දේශව එයින් 5ක්ම තමන් සන්තක කරගන්නටද සමත්ව ඇති මෙය පැයකුත් මිනිත්තු 22ක ධාවන කාලයකින් යුක්තයි. කතාව පැත්තෙන් ගත්තොත්, හුදෙකලා නිස්කලංක කැලෑබද ගම්මානයක ඇති ගොවිපොළක සිටින සතුන් පිරිසක්, එම යාබද කැලෑවෙ වෙසෙන බයාදු හිවලෙක් සහ නපුරු වෘකයෙක් ඇතුලත් එකිනෙකට වෙනස් කතා ත්‍රිත්වයක් නාට්‍යාකරයෙන් නරඹන්නාට ඉදිරිපත් කිරීමක්. ඊට වඩා විස්තර කියන්න යන්නෙ නෑ මම. කුඩා දරුවන්නම් මෙයට බොහෝ කැමති වෙයි කියල කියන්න පුළුවන් අවසන් වශයෙන්. එහෙනම් මම ගිහින් එන්නම්, හමුවෙමු තවත් උපසිරැසියකින් ලඟදීම.

මෙම උපසිරැසි නිකුත්කර ඇත්තේ WEBrip පිටපත් සඳහාය.