ආයුබෝවන් සබ්ස් එල් කේ හැමදෙනෙක්ටම. අද මේ අරගෙන එන්නෙ මීට ටික දිනකට පෙර උපසිරැසි ලබාදුන්න The Matrix (1999) චිත්‍රපටයේ දෙවැන්න The Matrix: Reloaded (2003) චිත්‍රපටයේ සිංහල උපසිරැසිය. මෙයත් (එවකට) Wachowski සහෝදරයන්ගේ රචනයෙන් සහ අධ්‍යක්ෂණයෙන් තමයි නිර්මාණය කරල තියෙන්නෙ. මේක තමයි මුල් චිත්‍රපටයේ සැබෑ අර්ථය හා යම් ඇපැහැදිලි තැන් අපිට පැහැදිලි කරල දෙන චිත්‍රපටය. නමුත් දෙකේ කාල සීමා අතර යම් පරතරයක් තිබෙන නිසා මේ චිත්‍රපටයෙ ආරම්භය යම් තරමකින් පැටලිලි සහගත වෙනවා. ඒ නිසා The Matrix (1999) නරඹපු අය මේ චිත්‍රපටය නරඹන්න කලින් මෙම වෙබ්පිටුවේ ඇති ලිපිය කියවා The Animatrix (2003)හි අදාල කොටස් නරඹා ආවොත් වඩාත් හොඳයි. එම ලිපියේ මම සඳහන් කරල තියනව Animatrix (2003) හි කෙටි වීඩියෝ නමය සමගින් Matrix චිත්‍රපට පෙළ නැරඹිය යුතු නිවැරදි අනුපිලිවෙල සහ නැරඹීමේදී වැදගත් විය හැකි යම් කරුණු. හරි එහෙනම් දැන් අපි යමු චිත්‍රපටය පැත්තට.. The Matrix (1999) හා Animatrix (2003) හි අදාල කොටස් නරඹපු නැති අය මෙතනින් එහාට ලිපිය කියවීම රසවින්දනයට බාධාවක් විය හැකියි.

මෙය ලබා ඇති IMDB අගය 7.2ක්, Rotten Tomatoes අගය 73%ක්, මෙටාක්‍රිටික් අගය 62%ක්, ගූගල් පරිශීලක ප්‍රසාදය 88%ක්. ඊට අමතරව සම්මාන 41කට නිර්දේශව එයින් 8ක් දිනාගෙන තිබෙනවා.

ඔබට මතක ඇති මුල් චිත්‍රපටය අවසන් වෙන්නෙ අනාවැකිකාරිය විසින් පැවසූයේයැයි කියන, මෝෆියස් විසින් තම දිවි දෙවැනි කොට විශ්වාස කරන ඉරණම්කරුගේ ( එනම් නියෝගේ) ආගමනය පිලිබඳ අනාවැකිය සත්‍යයක් යැයි අපිට පෙන්නුම් කරමින්. නියෝජිත ස්මිත් ඇතුළු නියෝජිතයන් දෙදෙනාත් නියෝත් අතර අවසන් සටනේදී අපි දකිනවා නියෝ තමන්ගේ වටපිටාව කෝඩින් එකක් විදියට දකින්න පටන්ගන්නවා. අනාවැකිකාරියගේ නිවසේදී කුඩා දරුවා හැන්ද උපමාවට ගෙන ඔහුට පවසන යථාර්ථය හදවතින්ම වටහාගත් සැනින් ඔහු ස්මිත් හා බොහෝ පහසුවෙන් සටන් කර ඔහුව කැබලි කර දමනවා අපිට දකින්නට ලැබුණා.එතනින් එහාට ඔහුගේ ඉදිරි අරමුණ මොකද්ද කියන එක අපිට වැටහෙනවා ඔහු දුරකථනයෙන් කතාකරන අවසන් දර්ශනයේ දෙබස්වලින්….

එයින් මාස හයකට පසුවයි The Matrix:Reloaded චිත්‍රපටයෙ කතාව ආරම්භ වෙන්නෙ. ඔබ The Animatrix(2003)හි Kid’s story කෙටි වීඩියෝව නරඹන්නට ඇති කියල මම හිතනවා. එය මේ චිත්‍රපටයට ඉතාම වැදගත් වෙනවා (නමින් නොකීවත්) එහි එන මයිකල් කාල් පොපර් චරිතය මෙහි අපිට දකින්නට ලැබීම නිසා. ඔහු හා නියෝ කරන කතාබහෙන් ඔබට තේරුම්ගන්නට පුළුවන් වෙයි සම්බන්ධය. ඊලඟට Animatrixහිම එන Final Fight In Osiris කෙටි වීඩියෝව. මෙය අතිශය වැදගත් Matrix :Reloaded වලට නිවැරදිව ප්‍රවේශ වෙන්න. හේතු තිබෙනවා දෙකක්.

එක : The Matrix හා The Matrix: Reloaded අතර ඇති අපි නොදකින මාස හයක කාලය.

දෙක: අපිට Matrix (1999) තුලදී පෘතුවි මධ්‍යයේ තිබෙන සයෝන් නගරය ගැන කිව්වට, අපි දන්න තරමට සයෝන් නගරයේ යානා දෙකයි තියෙන්නෙ මෝෆියස්ගෙ නායකත්වයෙන් යුත් නෙබුකැනසර් ඇතුළුව, නමුත් Final Fight In Osiris කෙටි වීඩියෝව තුල අපිට පෙන්වනවා ඔසයිරිස් නම් සයෝන් නගරයට අයත් තවත් යානයක්. එහි පෙන්වන්නේ එම කාර්ය මණ්ඩලයට මුහුණ දීමට සිදුවෙන සිදුවීම් පෙලක් වන අතර ඔවුන් මෝෆියස්ගේ නෙබුකැනසර් යානයට එවන පණිවිඩයකිනුයි The Matrix :Reloaded ආරම්භ වෙන්නෙ.

කොහොමහරි මුල් චිත්‍රපටයේ නියෝජිත ස්මිත් මෙට්‍රික්සයේ අතීතය ගැන මෝෆිස්ට කියන කතාව ඔබට හොඳින්ම මෙහිදී වටහාගන්න පුළුවන් වගේම Reloded නමට හේතුවත් දැනගන්න පුළුවන් අවසානයේදී. කෙසේවෙතත් මුල් චිත්‍රපටයෙන් පසු අපි සිතාසිටින බොහෝ දේ කණපිට හැරවෙනවා The Matrix: Reloaded චිත්‍රපටය තුලින්. එහෙනම් එතනින් එහාට නරඹන ඔබට බාරයි, ගිහින් එන්නම්. මෙහි අනවශ්‍ය ලෙස ගැඹුරු කල දෙබස් මට හැකි තරමට සරල කරන්න උත්සාහ කලා, සාර්ථක අසාර්ථකත්වය තීරණය කිරීම ඔබ සතුයි. The Matrix : Revolutions (2003) චිත්‍රපටයේ උපසිරැසිත් හැකි ඉක්මනින් ලබා දෙන්නම්.

Information

Year : 2003

Genre : Action, Sci-Fi

Actors : Ray Anthony, Christine Anu, Andy Arness, Alima Ashton-Sheibu

Writer : N/A

Director : Lana Wachowski, Lilly Wachowski

Plot : Neo And His Allies Race Against Time Before The Machines Discover The City Of Zion And Destroy It. While Seeking The Truth About The Matrix, Neo Must Save Trinity From A Dark Fate Within His Dreams.

Youtube Trailer

Play Youtube Trailer