ආයුබෝවන් Subzlk හිතවතුන් හැමදෙනෙක්ටම. මගේ 400වන උපසිරැසිය විදියට මේ අරගෙන එන්නෙ පසුගිය දිනවල බොහෝදෙනෙක්ගෙන් ලැබුණ ඉල්ලීමක් වුණ The Virtuoso(2021) චිත්‍රපටයේ සිංහල උපසිරැසිය. චිත්‍රපටය දෙසට යන්නට පෙර අඩවියට ගොඩවදින, අපිට මෙතෙක් කලක් ධෛර්යයක් ශක්තියක් වූ සියලු දෙනාටමත්, අඩවියේ බරින් වැඩි ප්‍රමාණයක් තම උර මත තබාගෙන යන දමිත් ප්‍රියංකර සහෝදරයාවත්, අඩවියේ උපසිරැසි එකතුවට දායකත්වය දක්වන අපගේ උපසිරැසිකරුවන්, කාරිණියන් සියලුම දෙනාටත් හදපිරි ස්තූතිය පල කර සිටින්න කැමතියි මම.

ඔබට ස්තූතියි නැවතත්. දැන් අපි යමු උපසිරැසිය දෙසට…

_________________________________________________

මුලින්ම කියන්න ඕනෙ මේ චිත්‍රපටය යම් විදියක ප්‍රේක්ෂක විචාරක විවේචනවලට බඳුන්වූ එකක් යම් ආකාරයක අසාර්ථක, B ශ්‍රේණියේ චිත්‍රපටයක් ලෙසට. නමුත් මෙය නැරඹූ පසු මා දුටු දෙයක් තමයි මෙහි ඇති මන්දගාමී ස්වභාවය හා යම් ගුප්ත භාෂා විලාශය නිසාදෝ බොහෝ අය මෙය නිවැරදිව රස විඳ නැති බව. මගේ පෞද්ගලික මතයනම් මෙය ලැබී ඇතිවාට වඩා අගයක් ලැබිය යුතු චිත්‍රපටයක්. එසේම බොහොම නිදහස් මනසකින් නැරඹිය යුතු චිත්‍රපටයක්. නරඹන අය බලන්න මම කියන දේ හරිද කියල.

ජේම්ස් වුල්ෆ්ගේ හා නික් ස්ටැග්ලියානෝගේ රචනයෙන් නික් ස්ටැග්ලියානෝගේම අධ්‍යක්ෂණයෙන් නිර්මාණය වන මෙම චිත්‍රපටය මේ වනවිට IMDb වෙතින් 4.9ක අගයකුත්, Rotten Tomatoes වෙතින් 18%ක අගයකුත්, මෙටාක්‍රිටික් වෙතින් 24%ක අගයකුත් ලබා තිබෙනවා. රංගනයෙන් දායක වන්නේ ඇන්සන් මවුන්ට් ( වෘතියේ නිපුණයා),ඇබී කෝනිෂ් (වේටර්වරිය), ඇන්තනි හොප්කින්ස් (උපදේශක), ඩේවිඩ් මෝස් ( ෂෙරිෆ් නිලධාරී), එඩී මාසන් ( තනි මිනිසා), රිචඩ් බ්‍රේක් ( කඩවසම් ජොනී) ඇතුළු පිරිසක්.

ඒතරම් ජන ගැවසීමක් නොමැති, නිදිගත් නගරයකට අනතුර, රැවටීම හා මිනීමැරුම් රැසක් ඇදහැලෙනවා තම අද්භූත හාම්පුතාගෙන් තමන්ට ලැබෙන නව කොන්ත්‍රාත්තුවකට අනුව මේ නගරයට එන වෘතීයමය ඝාතකයෙක් නිසා. එහෙත් වැඩිවේලාවක් යන්නට මත්තෙන් ඔහු තේරුම් ගන්නවා මෙවර ලැබෙන කොන්ත්‍රාත්තුව තමන් සිතූ තරම් පහසු එකක් නොවෙන බව.. එයින් එහාට නරඹන ඔබට බාරයි. හමුවෙමු තවත් උපසිරැසියකින්.

ලබාදී ඇති උපසිරැසිය Blu-ray පිටපත් සඳහා වේ.