Pacific Rim: Uprising (2018) Sinhala Subtitle

යාළුවෝ හැමෝටම සුබ දවසක් වේවා කියලා ප්‍රාර්ථනා කරනවා. ඔන්න එහෙනම් හොලිවුඩයේ තවත් සුපිරිම චිත්‍රපටයක සිංහල උපසිරැසි සමගින් තමා Subz Lk වෙත ගොඩවදින්නේ. ඊට කලින් ස්තූති කරන්න ඕනේ Fist Of Legend (1994) චිත්‍රපටයට අදහස් දක්වපු සියළු දෙනාටම. එහෙනම් අද ගෙනාව චිත්‍රපටය පැත්තට හැරෙමු.

Pacific Rim Uprising (2018)

පැසිෆික් රිම් පළවෙනි චිත්‍රපටය නොබලපු කෙනෙක් නැතුව ඇති. හැමෝම වගේ හුඟක් ආස කරපු මේ චිත්‍රපටයේ දෙවැන්න තමා මේ විදිහට ඔයාලා හමුවට ගෙන එන්නේ. ඉතින් මුලින්ම සමාව අයදිනවා සිදුවූ ප්‍රමාදයට. කලින් ඔයාලට දුන්න උපසිරැසිය කරලා ඉවර වුණ ගමන්මයි මේ චිත්‍රපටයට උපසිරැසි කරන්න පටන්ගත්තේ. හිතුවට වඩා දවස් කිහිපයක් ගියා. එහෙනම් වැඩි කතා නැතුව චිත්‍රපටය ගැන හඳුන්වන්නම්.  2018 වර්ෂයේ මාර්තු මස නිළ වශයෙන් තිරගත ආරම්භ කරපු මේ චිත්‍රපටය නමින් - Pacific Rim Uprising - Action, Adventure, Sci-Fi කියන ගණයට අයත් වන මේ චිත්‍රපටය IMDb ශ්‍රේණි දර්ශකයේ 5.7ක අගයක් ලබාගන්න සමත් වෙලා තියෙනවා. පැය 1යි මිනි.51ක් පුරා දිව යන මේ චිත්‍රපටය Steven S. Deknight අධ්‍යක්ෂකවරයාගේ නිර්මාණයක්. එමෙන්ම භාෂා ත්‍රිත්වයකටම සකසා ඇති මේ චිත්‍රපටයට රංගනයෙන් දායක වන නළු නිළි කැල මෙසේය. Cast 

• John Boyega as Jake Pentecost.
• Scott Eastwood as Nate Lambert.
• Cailee Spaeny as Amara Namani.
• Burn Gorman as Hermann Gottlieb.
• Charlie Day as Dr. Newton Geiszler.
• Tian Jing as Liwen Shao.
• Jin Zhang as Marshal Quan.
• Adria Arjona as Jules Reyes.
• Rinko Kikuchi as Mako Mori.
• Karan Brar as Cadet Suresh.
• Wesley Wong as Cadet Jinhai.
• Ivanna Sakhno as Cadet Viktoria.
• Mackenyu as Cadet Meilin.
• Shyrley Rodriguez as Cadet Renata.

චිත්‍රපටයේ කතාව ගැන කියනවනම්, ස්ටකර් පෙන්ටකෝස්ට්ගේ පුතා ජේක් පෙන්ටකෝස්ට් තම වැඩිමහල් සොහොයුරිය වන මාකෝ මෝරිගේ අණ පරිදි කයිජුලට එරෙහිව සටන් වදින නව පරම්පරාවේ ශිෂ්‍ය භටයින්ට පුහුණුව ලබාදීම සඳහා නැවත සේවයට වාර්තා කරනවා. ඒ පුහුණුව සඳහා සහභාගි වෙන්න අමාරා නමානිටත් හැකියාව ලැබෙනවා. ඉතින් ෂාඕ ආයතනයේ ලීවේන් ප්‍රමුඛ කණ්ඩායම ෆියුරි තාක්ෂණය කියලා අළුත් තාක්ෂණ ක්‍රමවේදයක් හඳුන්වලා දෙනවා. ඒ තාක්ෂණය යේගර්ලට බෙහෙවින්ම උපකාරි වෙනවා. ඉතින් මේ අතරේ ආචාර්‍ය. නිව්ටන් ගයිස්ලර් ආයේ සැරයක් අමුතුම වැඩකට අර අදිනවා. ඒවගේම ඔහුගේ එම ක්‍රියා කලාපයන් නිසා නැවත වතාවක් ලෝකය අනතුරේ වැටෙනවා. ඉතින් එතනින් එහාට වෙන දේ ගැන මම කියන්න යන්නේ නෑ. ඒක ඔයාලට බාරයි. එහෙනම් දැනට මම සමුගන්නවා. තවත් දවසක මෙවැනි සුපිරිම චිත්‍රපටයක සිංහල උපසිරැසි සමගින් හම්බවෙමු. එතෙක් ඔබ සැමට, බුදු සරණයි!!!

BluRay පිටපත් සඳහා ගැලපේ.