පැරණි චිත්‍රපට බලාපොරොත්තුවෙන් Subz.lk සමඟ රැඳී සිටින හිතවතුන් වෙනුවෙන් මෙවර අරගෙන ආවෙ සුපිරි සටන් නලු ජෙට් ලිගේ Hitman නොහොත් Contract killer ( ඇමරිකන් ඉංග්‍රීසි පිටපත ) චිත්‍රපටයයි. ඔබ වෙත ලබා දී ඇත්තේ ඔරිජිනල් චීන පිටපතයි. මුලින්ම තිරගත වූයේ 1998 අප්‍රියෙල් 03 දින හොංකොංවලදියි. හොංකොං ඩොලර් 10,296,852 ක බොක්ස් ඔෆීස් ආදායමක් උපයාගෙනත් තියෙනවා. ධාවන කාලය විනාඩි 104 ක් වන අතර Action, Comedy, Crime, Thriller යන ශානරයන්ට අයිතියි. IMDb අගය 6.2/10 ක්ද, Rotten Tomatoes අගය 80% ක්ද, Google පරිශීලකයන්ගේ කැමැත්ත 84% ක්ද ලබාගෙන තියෙනවා. කොමඩිත් සමග සුපුරුදු ජෙට් ලිගෙ හැකියාවන් සපිරි ෆිලුමක්. ජෙට් ලි ගැන ආයෙ කියන්න ඕන නෑනෙ. Jet Li ( ෆූ ) සමඟ රංගනයෙන් එකතු වෙනවා Eric Tsang (නෝර් ), Simon Yam (චෑන් ක්වාන්) සහ Gigi Leung ( කිකී). හොංකොං හී ධනවත් ජාවාරම්කාර ව්‍යාපාරිකයෙක් වන ජපන් ජාතිකයෙක්ව, ඝාතකයින්ගේ රජු ලෙස හැඳින්වෙන "killing Angel" නමැති ඝාතකයෙක් විසින් මරාදමනු ලබනවා. මේ ජපන් ජාතිකයා තමන්ව ඝාතනය කලොත්, එයට පලිගැනීම සඳහා ඇමරිකන් ඩොලර් මිලියන 100 ක අරමුදලක් පිහිටුවල තියෙනවා. ඝාතකයා සහ ඒ ඝාතකයා කුලියට ගත් කෙනා හොයාගෙන මරල දාන කෙනාට ඒ සල්ලි ලැබෙනවා. ඉතින් ජපන් ජාතිකයාගෙ මරණයත් එක්ක අරමුදල ක්‍රියාත්මක වෙන්න පටන් ගන්නවා. ලොව පුරා සිටින අංක එකේ ඝාතකයන් රැසක් මේ තරගෙට අවතීර්ණ වෙනවා. ඉන් එක්කෙනෙක් තමයි ෆූ. චීන වැසියෙක්. හිටපු ගෝල්ඩන් ට්‍රෑන්ගල් හමුදා සෙබලෙක්. මෙයා මිනී මරුවෙක් නම් නෙමේ. දුප්පත්කම නිසා කීයක් හරි හොයාගන්න හොංකොං ආපු කෙනෙක්. තමාගේ සියලුම ආර්ථික අහේනිකම් වල කෙලවරක් දකින්න ෆූත් මේකට සම්බන්ධ වෙනවා. ඔහුට අනුග්‍රහය දක්වන්නෙ ඝාතකයන්ගේ ඒජන්ට් කෙනෙක් කියාගන්නා මිස්ට නෝර්. අංක එකේ තක්කඩියෙක්. ජපන් ජාතිකයාගෙ මුනුබුරා වන ඊජීත් තමාගෙ ගැන්සිය සමඟ මේ ගේමට බැහැල තියෙන්නෙ. මේ පාතාල ක්‍රිකාරකම් වලට ඇහැ ගහගෙන ඉන්න දක්ෂ අවංක පොලිස් නිළධාරියෙක් තමයි චෑන් ක්වාන්. ඉතින් මේ සියල්ලන්ගේම ගැටුම කොහොමට තියේවිද? මේ "killing Angel" කවුද? මුල සිට අවසානය දක්වා කුතුහලය රඳවා තබාගනිමින් සටන් දර්ශනයන්ගෙන් පිරුණු 'හිට්මෑන්' ඒ සියල්ලටම පිළිතුරු ලබා දේවි.

ජය වේවා.

QUALITY - 720p 957 MB / 1080p 1.9 GB

SUB FORMAT - SRT & IDX

♣♣ BRRip / 720p / 1080p ♣♣