The Master (1992) Sinhala Subtitle

                         The Master (1989) Aka Long hang tian xia
සුපිරි සටන් නලු ජෙට් ලි ගේ පට්ට පැරණි ෆිලුමක් අරගෙන තමයි මෙවර subz.lk එකට ගොඩ වැදුනේ. 1992 මැයි 28 හොංකොංහීදී හා හා පුරා තිරගත කල, හොංකොං ඩොලර් මිලියන 8.097 ක බොක්ස් ඔෆීස් ආදායමක් උපයාගැනීමට සමත් වූ චිත්‍රපටයක්. ඒ තමා ” The Master”. මෙම චිත්‍රපටය 1989 වසරේ නිෂ්පාදනය කලත්,  jet li රඟපෑ “Once upon a Time in China” චිත්‍රපටයේ සාර්ථකත්වය හේතුකොටගෙන, එය තිරගත කිරීම 1992 තෙක් කල් දැමූ බවයි වාර්තා වෙන්නෙ. මුල සිටම සාම්ප්‍රදායික චිත්‍රපටවල රඟපෑ ජෙට් ලි, එයින් මිදී මුල්වරට නවීන ලෝකයේ සිනමාවට පා තබන්නෙ මෙම චිත්‍රපටයෙන්. හොලිවුඩ් නිර්මාණයන් වුනු Romeo Must Die (2000) සහ Cradle 2 the Grave (2003) වැනි චිත්‍රපට වලට The Master පූර්ව උදාහරණයක් වූ බවයි විචාරකයින් පවසන්නේ.
Martial Arts, Action, Comedy, Crime ගණ වලට අයිතිවෙනවා. IMDb අගය 5.8/10 අගයක් ද, Google පරිශීලකයන්ගේ කැමැත්ත 87% ලබාගෙන තියෙනවා. ධාවන කාලය විනාඩි 92 යි. Jet Li සමඟ රංගනයෙන් දායක වෙනවා Yuen Wah (ටක්), Jerry Trimble (ජොනී) සහ මෙයි ලෙස Crystal Kwok. කතාව, නිෂ්පාදනය සහ අධ්‍යක්ෂනය Tsui Hark. Golden Harvest සමාගමේ තවත් සිනමා කාර්‍යයක්. චීන සහ ඉංග්‍රීසි භාෂා දෙකෙන්ම තියෙනවා.

            කිට්ගේ (Jet Li) සටන් ගුරුවරයා වන අන්කල් ටක් ඇමෙරිකාවේ ලෝස් ඇන්ජලීස් වල ආයුර්වේද ප්‍රතිකාර මධ්‍යස්ථානයක් පවත්වගෙන යනවා. මුලින් ඔහුගෙන්ම සටන් ඉගෙනගත් ඇමරිකන් ජාතිකයෙක් වන ජොනී චීන සටන් ගුරුවරුන් සමඟ මොකක්දෝ හුටපටයක් තියෙනවා. ඔහු සෑම සටන් ගුරුවරයෙක් සමගම සටන් කර, පහරදී මරා දමනවා. ටක් මාස්ටර් සමගත් ඔහු සටන් කරන්න එනවා. එහිදී මාස්ටර් දරුණු ලෙස තුවාල ලබන අතර ඇනා නමැති තරුණියක් ඔහුව බේරගෙන එතනින් පලායනවා. මේ ගැන මොකුත් නොදන්න කිට් තම ගුරුතුමා හම්බවෙන්න හොංකොං ඉඳලා ඇමරිකාවට එනවා. එතකොට ඔහුගේ මාස්ටර් අතුරුදන්. මාස්ටර්ගෙ සාප්පුව කුඩුවෙලා. පොලීසියෙන් සීල් තියලා. සාප්පුවේ ණය වාරික ගෙවීම අතපසු කිරීම නිසා බැංකුවට අත්පත් කරගැනීමට මෙයි නමැති බැංකු නිලධාරිනියකුත් ඇවිත් ඉන්නවා. කිට් ඇයට පොරොන්දුවෙනවා මාස්ටර්ව හොයා ගන්නම් කියලා. ඒත් කිට් කොතනින් පටන් ගන්නද? ඒ අතර ජොනී සහ ඔහුගේ කල්ලිය තුවාල ලබා පලාගිය මාස්ටර් ටක් ව හැමතැනම හොයනවා. විනෝදය, ත්‍රාසය කැටි කරගත්, ජෙට් ලි ගේ අති දක්ෂ හැකියාවෙන් වර්ණවත් වුනු ක්‍රියාදාම පෙලක් ඊට පස්සෙ ඔයාලට බලාගන්න පුලුවන්.        ජය වේවා.

BRRip /720p / 1080p