She Was Pretty (2015) [S01 : E07] Sinhala Subtitle

පසුගිය කොටසේ අවසානයේදී සන්ග්-ජූන් සහ හ්යේ-ජින් රාජකාරි ගමනක් පිටත් වුණානේ. මේ කොටස සම්පූර්ණයෙන්ම වගේ ගෙවෙන්නේ ඒ ගමන වටායි.ගමන අතරතුර දෙන්නා කෑම කන්න හෝටලයකට යනවා. කාලා ඉවර වෙලා සල්ලි ගෙවන්න යද්දී තමයි දෙන්නම දන්නේ දෙන්නා ගාවම සල්ලි නැහැ කියලා (සන්ග්-ජූන්ගේ පර්ස් එක අමතක වෙලා, හ්යේ-ජින් පර්ස් එක කාර් එකේ දාලා). අන්තිමට ඒ කෑම වේල වෙනුවෙන් දෙන්නටම සිද්ධ වෙනවා ඒ හෝටලේ ගොවිපළේ වැඩ කරන්න. මේ සිදුවීම හරියට “ගොවිපළේ වැඩ කරන සන්ග්-ජූන්” වගේ හරිම විහිලු සහගත අවස්ථාවක්.ගොවිපළේ වැඩ කරලා මහන්සි වෙලා ඉන්න වෙලාවේ දෙන්නා මුහුදු වෙරළේ ටිකක් වෙලාව ගත කරනවා. එතනදී සන්ග්-ජූන් තමන්ගේ පෞද්ගලික විස්තර සහ තමන්ගේ අම්මා ගැන හ්යේ-ජින් එක්ක කතා කරනවා. ඔහු සාමාන්‍යයෙන් හරිම සැර, නීතිගරුක බොස් කෙනෙක් වුණාට, හ්යේ-ජින් ඉස්සරහා ඔහු ගොඩක් නිදහස් පුද්ගලයෙක් වෙනවා. සන්ග්-ජූන් තේරුම් ගන්නවා තමන්ට මේ කෙල්ල එක්ක ඉන්නකොට දැනෙන සතුට වෙන කාගෙවත් ගාව දැනෙන්නේ නැහැ කියලා.