ඇනා පිජන් තමන්ගේ අතීත දුක්බර මතකයන්ගෙන් ඈත් වෙලා, උද්‍යානයක රේන්ජර් කෙනෙක් විදිහට අලුත් ජීවිතයක් පටන් ගන්න එනවා. එයා වැඩ කරන්න පටන් ගන්නේ ලස්සන කඳුකර සහ කැලෑ සහිත ප්‍රදේශයක.
මුල් දවස්වලම එයාගේ සගයෙක් වුණු ෂීලා කියන රේන්ජර්වරියගේ මළ සිරුර කැලෑ පාරක් ළඟින් හමුවෙනවා. හැමෝම කියන්නේ කඳු සිංහයෙක් එහෙමත් නැත්නම් කූගර් කෙනෙක් පහර දීලා එයාව මරලා කියලා. ඒත් ඇනා ඒ කතාව පිළිගන්නේ නැහැ.
ඇනා මළ සිරුර තිබුණු තැනයි අවට පරිසරයයි හොඳින් පරීක්ෂා කරලා බලනවා. එයාට සැකයක් ඇති වෙනවා මේක සතෙක් කළ ප්‍රහාරයක් නෙවෙයි, කවුරුහරි මිනිහෙක් මිනීමැරුමක් කරලා සතෙක් කළා වගේ පෙන්නන්න හදපු වැඩක් කියලා.
ඒත් උද්‍යානයේ ඉන්න අනිත් නිලධාරීන් සහ ඉහළ අය ඇනාගේ මේ සැකය ගණන් ගන්නේ නැහැ. උන් ඒ සතාම හොයාගෙන මරලා දාලා නඩුව වහලා දාන්න උත්සාහ කරනවා. ඇනා තනියම මේ ගැන සොයන්න තීරණයක් ගන්නවා.
කැලේ ඇතුළේ වෙනත් අමුතු සිදුවීම් සහ අනතුරුත් සිද්ධ වෙන්න පටන් ගන්නවා. ඇනා තවත් ගැඹුරට හොයද්දී තේරුම් ගන්නවා මෙතන ලොකු නීති විරෝධී ජාවාරමක් සිද්ධ වෙනවා කියලා.
ධනවත් මිනිස්සුන්ව කැලේට ගෙනැවිත් සත්තු මරන්න ඉඩ දෙන රහසිගත ජාවාරමක් මේක පිටුපස තියෙනවා කියලා එයාට එකතු වෙන හෝඩුවාවන්ගෙන් පැහැදිලි වෙනවා. ෂීලා මේ රහස දැනගත්ත නිසා තමයි එයාව මරලා දාලා තියෙන්නේ.
කතාවේ අග භාගයේදී ඇනා මේ ජාවාරම්කරුවන්ගේ උගුල්වලට අහු වෙනවා. එයාට තනියම මේ භයානක අපරාධකරුවන්ට විරුද්ධව සටන් කරන්න වෙනවා.
අන්තිමට ඇනා එයාගේ බුද්ධියයි ධෛර්යයයි පාවිච්චි කරලා මේ අපරාධය පිටුපස ඉන්න ප්‍රධානියාගේ ඇත්ත මූණ එළියට අරගන්නවා. මුල් කොටස අවසන් වෙන්නේ ඇනා මේ භයානක අභිරහස විසඳලා, තමන්ගේ සගයාට සාධාරණයක් ඉටු කරන්න සමත් වීමෙන්.
