Grimm [S02 : E08] Sinhala Subtitle

ග්‍රිම් දෙවෙනි කතා මාලාවේ 8වෙනි කොටසේ උපසිරැසිය තමා මේ අරන් ආවේ.හැමෝම ඉල්ලීම් කරලා තිබුනා උපසිරැසිය දෙන්න නවත්තන්න එපා කියලා.කණගාටු වෙනවා හිතුවට වඩා ලොකු නිවාඩුවක් ගන්න සිද්ධ වුන එකට.ඉතින් අද ඉඳලා ඉදිරියේදී දෙවෙනි කතා මාලාවේ උපසිරැසි ඔයාලට අපේ වෙබ් අඩවියෙන් ලබාගන්න හැකියාව තියෙනවා…

අද කොටසේ කතාව පැත්තට හැරුනොත්, උසස් පාසලක දශ ප්‍රයාම තරඟයකට සහභාගී වෙන සිසුන් පිරිසක් වටා තමයි කතාව ඇදෙන්නේ.අභිරහස් විදිහට මේ සිසුන්ගෙන් කිහිප දෙනෙක් ඝාතනය වෙනවා.මේ සිද්ධිය විමර්ශනය කරන්න තමයි නික් සහ ග්‍රිෆින්ට භාර වෙන්නේමේ ප්‍රධාන සිදුවීම අතරතුර තවත් පසුබිම් සිදුවීම් කිහිපයක් වෙනවා.ෂෝන්ගේ (කැප්ටන් රෙනාඩ්) සහෝදරයා සහ ඇඩලින්ඩ් අතරේ හමුවීමක් සිද්ධ වෙනවා.එතැනදී වෙන සාකච්චාවෙන් අපිට ෂෝන් ගැන අපි නොදන්න කරුණු කිහිපයක් දැනගන්න ලැබෙයි.ඒත් ඇඩලින්ඩ්ගේ අරමුණ මොකද්ද කියන එක හරියටම මෙතැනදී පැහැදිලි වෙන්නේ නැහැ.ඉස්සරහට දැනගන්න ලැබෙයි ඒක.මේ අතර කැප්ටන් රෙනාඩ් සහ නික්ගේ බිරිඳ අතර ඇතිවෙලා තියෙන අවුලට විසඳුමක් හොයන්න රෙනාඩ් උත්සහ කරනවා. මතක ඇති මේ අවුල සිද්ධ වෙන්නේ ජුලියට්ගේ සිහි මුර්ජාවෙන් ගලවගන්න කැප්ටන් රෙනාඩ් දෙන හාදුවත් එක්ක.ඒකට උදව් හොයාගෙන මොන්රෝ ලඟට තමයි එන්නේ.ඉතින් මොන්රෝට උදව් කරන්න ලැබෙයිද කියලා අපි ඉස්සරහට දැනගමු…

අපිට මේ කොටසේදී අලුතෙන් හම්බෙන වෙසන් හඳුන්වන්නේ Genio Innocuo – ජෙනියෝ ඉනොකියෝ නමින්.එයාලා අර්ධ ඉබි මිනිස් ජීවින් විශේෂයක්.එයාලගෙන් කිසිම කෙනෙක්ට කරදරයක් නැහැ.එයාලගේ විශේෂත්වය වෙන්නේ අනෙක් අයට සාපේක්ෂව ඉහල බුද්ධි මට්ටමක් පෙන්නුම් කරන එක.ඊට අමතරව ලොවෙන් කියන වෙසන්වරුත් මේ කොටසේදී දැකගන්න ලැබෙයි.එහෙනම් ඊළඟ කොටසින් ආයේ හම්බෙමු හැමෝටම ජය!!!

The Other Side