Una noche (2012) Sinhala Subtitle

ආයුබෝවන් අදත් සබ්ස්එල්කේ හිතවතුන් හැමදෙනෙක්ටම. අද මේ එන්නෙ රසික ඉල්ලීමක් අනුව කල උපසිරැසියක් අරගෙනයි. කේ. සුදස්සන හිමියන් කමෙන්ටුවක් මගින් කල ඉල්ලීමක් අනුවයි මේ උපසිරැසිය ඔබවෙතට අරගෙන එන්නෙ, හේතුවක් නොදන්නා නමුත් ඉල්ලීමකටත් වඩා අභියෝගයක් විදියට තමයි උන්වහන්සේ මට මේක බාරදෙන්නෙ. චිත්‍රපටය තමයි කියුබානු චිත්‍රපටයක් වන Una Noche (2012) . යම් තැනකදී මේ චිත්‍රපටය ගැන අසා තිබුණත් , මම මෙය නරඹල තිබුණෙ නෑ වගේම මෙය මේතරම් අපූරු නිර්මාණයක් කියලත් මම දැනගෙන හිටියෙ නෑ. ඒ නිසා සුදස්සන හිමියන්ට විශේෂ ස්තූතියක් පළකල යුතුමයි මේ නිර්මාණය ගැන මට දැන්වූවාට, ඒ වගේම හොලිවුඩයෙන් සහ බොලිවුඩයෙන් බැහැර නිර්මාණ සඳහා උන්වහන්සේගෙ තිබෙන උනන්දුවත් අගය කල යුතුයි. මගේ අත්දැකීම් අනුව එහෙම රසිකයන් ඉතාම අඩුයි අපේ රටේ. හරි දැන් අපි යමු චිත්‍රපටය පැත්තට…

කියුබාව…මේ නම ඇහුණ ගමන් අපිට මතක් වෙන්නෙ අතිශය සුන්දර වටපිටාවක්. තව චේ ගුවේරා, ෆිදෙල් කැස්ත්‍රෝ වගේ විප්ලවවාදීන්ව. කියුබාව කොමියුනිස්ට් රාජ්‍ය ක්‍රමයක් පවතින, නිදහස් සෞඛ්‍ය සේවයක් ඇති, සංචාරක කර්මාන්තය ප්‍රධාන ආදායම් මාර්ගයක් වුණ රටක්. ඒත් කොමියුනිස්ට්වාදය නම් සර්ව-අසාර්ථක පාලන ක්‍රමය එක්ක, මොන දේ තිබුණත් පලක් නැති බවත්, එවන් රටක් සුන්දරවන්නේ සංචාරකයන්ගේ දෑසට පමණක් බවත් මොනවට ඔප්පු කරන නිර්මාණයක් තමයි මේ Una Noche චිත්‍රපටය. එවන්වූ රටකින් අනවසරයෙන් නික්මී, ඇමරිකානු සිහිනය හඹායෑමට සිහින දකින නව යෞවනයන් තිදෙනෙකුගේ සුන්දර ශෝකාන්තයක් නරඹන්නාට පෙන්වාසිටින මේ සිනමා නිර්මාණය එලිදකින්නෙ ඇමරිකාවේ උපන් බ්‍රිතාන්‍ය-චෙකොස්ලෝවැකියා සම්භවයක් ඇති ලූසි මලෝයි අතින්. ඇය සිනමාවට යම් ආකාරයකින් සම්බන්ධ පවුල් පසුබිමක් සහිත තැනැත්තියක්. ඇයම පවසා ඇති ආකාරයට ඇයට මේ සිනමා නිර්මාණය ගැන අදහස පහලවී ඇත්තේ විශ්ව විද්‍යාල අධ්‍යාපනය ලබන සමයේ ඇය කියුබාවට ගිය ගමනකදී. ඇගේ අදහස වන්නෙ සුන්දරත්වයත්, ප්‍රේමණීයබවත්, කෲරත්වයත්, ශෝකයත්, සතුටත් මේතරමට එක්තැන් කරගත් තවත් තැනක් ලොව නැති බවයි. නැරඹූ බොහෝ දෙනාගේ අදහස ඇය කියුබානු ජන ජීවිතය නිවැරදිවම කැමරාවට ග්‍රහණය කරගෙන ඇති බවයි. තවත් අයගේ අදහස මෙය කියුබානු කොමියුනිස්ට් රෙජීමයේ දරදඬු පාලනය නියමාකාරයෙන් ප්‍රේක්ෂකයාට දැනවීමටනම් අපොහොසත් බවයි. කෙසේහෝ සම්මාන 30කට නිර්දේශව එයින් 12ක් තමන් සතුකරගත් මෙම නිර්මාණය ලබා ඇති IMDB අගය 6.8ක්, එසේම Rotten Tomatoes වෙතින් 82%ක් සහ Metacritic වෙතින් 68%ක වශයෙන් ඉහල අගයන් ලබා ඇති මේ නිර්මාණයට ස්පාඤ්ඤ සහ ඉංග්‍රීසි යන භාෂා ද්විත්වයෙන්ම සමන්විතයි. රංගනය පැත්තෙන් ගත්තම ආධුනිකයන් රැසකගේ එකතුවක්, හැබැයි රංගනයෙන්නම් කිසිම ආධුනික බවක් දකින්නට නෑ. Dariel Arrechaga ( රාවුල් ), Anailín de la Rúa de la Torre (ලීලා), Javier Núñez Florián ( ඒලියෝ) තමයි ප්‍රධාන චරිත ත්‍රිත්වයට පණ පොවන්නේ. එහෙනම් මම කතාව ගැන පැහැදිලිකිරීමක් කරන්න යන්නෙ නෑ , කතාවෙ පසුබිම ඉහලින් විස්තර කල නිසා. මෙය වැඩිහිටියන්ට සුදුසු චිත්‍රපටයක් බවත් මතක් කරන්නටම ඕනෙ. එහෙනම් මම ගිහින් එන්නම්, හමුවෙමු තවත් උපසිරැසියකින් ලඟදීම.

මෙම චිත්‍රපටයේ නිකුත්ව ඇත්තේ DVD පට පමණකි. එබැවින් සොයාගතහැකිවූවේ DVDRip පිටපත් වන අතර එයිනුත් අන්තර්ජාලයේ ඇති කිසිදු ටොරන්ට් පිටපතකට සීඩ් නොමැති නිසා, ලබාදී ඇති ඩිරෙක්ට් ලින්ක් එකෙන් පිටපත ලබාගන්න. චිත්‍රපටය ඔන්ලයින් නැරඹීමට ලබාදී ඇති ලින්ක් එකෙන් නැරඹීම මගින් පිටපත ගැන අදහසක් ලබාගත හැක.