Maximum Risk (1996) Sinhala Subtitle

                සුපිරි සටන් නලු Jean-Claude Van Damme ගේ තවත් සුපිරි ෆිලුමක් තමයි Maximum Risk. ඇමරිකන් සිනමා පටයක්. Action, Thriller ගණයට තමයි අයත්වෙන්නෙ. 1996 සැප්තැම්බර් 13 මුලින්ම ප්‍රදර්ශනය ආරම්භ කල මෙම චිත්‍රපටය විනාඩි 100ක ධාවන කාලයකින් යුක්තයි. IMDb අගය 5.5/10 ක් ලබාගෙන තියෙනවා. Van Damme සමඟ රංගනයෙන් දායකවන්නේ, Species (1995) සහ Species (1998) යන ජනප්‍රිය චිත්‍රපට වලින් ඔබ හඳුනාගත් Natasha Henstridge.
ඇලාන් මෝරාව් ( Van Damme ) ප්‍රංශයේ නීස් නගරයේ පොලිස් නිලධාරියෙක්. දිනක් ඔහුගේ පොලිස් සගයා ඇවිත් ඔහුව එක්කන් යනවා අපරාධ ස්ථානයකට. එහි මියගොස් සිටින පුදගලයා ඇලාන් වාගෙමයි. මුලින් ඇලාන්ගෙ යාලුවා හිතන්නෙත් ඒ ඔහු කියලා. මියගිය පුද්ගලයා නැවතිලා හිටිය හෝටලයේ කාමරය පරීක්ෂා කිරීමේදී ඔහුගේ පාස්පෝර්ට් එක හමුවීමෙන් තවත් අභිරහසක් මතුවෙනවා. ඔහු ඇමෙරිකාවේ නිව් යෝර්ක් වල පදිංචිකාරයෙක්. රුසියන් ජාතිකයෙක්. නම මිකායිල් සුවරෝව්. පුදුමය තමයි ඔහුගේ උපන් දිනයත් ඇලාන්ගෙ උපන් දිනයමයි. හෝටලේ මැනේජර් නෝනා කියන විදිහට ඔහු ඇලන් ජීවත්වෙන වීදියට යන පාරත් අහලා තියෙනවා. ඔහු ඇලාන්ව හොයාගෙන යන විට තමයි ඝාතනයට ලක්වී තියෙන්නෙ. මේ විදිහට ඇලාන් මෙතෙක් නොදැන සිටි රහසක් එලිවෙනවා. ඒ ඔහුට නිවුන් සහෝදරයෙක් සිටි බව. කුඩාකාලෙ ඔහුව රුසියානු පවුලක් විසින් දරුකමට හදාගන්න අරන් ගිහිල්ල තියෙනවා. ඇමරිකාවෙ සිටි ඔහු කොහොමද ඇලාන් ගැන දන්නෙ? ඔහු ඇයි ඇලාන් හොයාගෙන ආවෙ? ප්‍රංශයේදී ඔහුව ඝාතනය කලේ කවුද? ඔහු ඇමරිකාවේ මොනවද කලේ? මේ අභිරහස විසඳාගන්න ඇලන් ඇමරිකාවට යනවා. එහිදී ඔහු දැනගන්නවා තමාගෙ සහෝදරයා රුසියන් මාෆියාවේ සාමාජිකයෙක් කියලා. ඇලන්, මිකායිල් ලෙස වරදවා හිතාගන්නා රුසියන් මාෆියාව ඇලන් පස්සෙ පන්නනවා. FBI එකත් පන්නනවා. මෙච්චර මරන්න හදන තරමට මිකායිල් මොකක්ද කලේ? මේ ප්‍රශ්න වලට උත්තර හොයන්න තවත් කෙනෙක් එකතුවෙනවා. මිකායිල්ගෙ පෙම්වතිය සුරූපී ඇලෙක්ස් බාර්ට්ලට් (Natasha Hendtridge). ඉන්පසු ඔවුන්ට එක පිට එක ක්‍රියාදාම රැසකට මුහුණ දෙන්න වෙනවා. මාෆියා කණ්ඩායමට මොනාද ඕනෙ? FBI එකට මොනාද ඕනෙ? තම සහෝදරයා මැරුවේ මෙයාලගෙන් කවුද? එයාලා හොයාගෙන තම සහෝදරයා මැරූ පලිය ගන්න ඇලාන්ට හැකිවේවිද?
එක දැනගන්නනම්, තිරගතකිරීම ඇරැඹි මුල් සතිය තුලදී ඩොලර් 5,612,707 ක ආදායමක් උපයාගෙන බොක්ස් ඔෆීස් ලැයිස්තුවේ අංක 01 ට පත්වී, සමස්ත බොක්ස් ඔෆීස් ආදායම ලෙස ඩොලර් මිලියන 51.7 ක් උපයාගත් Maximum Risk බලන්නම වෙනවා. ඒ වගේම මතක් කරන්නම් පොඩි සීන් ටිකක් නිසා 18+ ගණයට දාන්න වෙනවා. ජය වේවා.

BRRip / 720p / 1080p