ස්පෙෂල් ඔප්ස්: ලයන්ස්
පළමු කොටසින් පෙන්වන්නේ ඇමෙරිකානු සී.අයි.ඒ. (CIA) විශේෂ මෙහෙයුම් කණ්ඩායමක නායිකාවක් වන ජෝ, සිරියාවේදී තමන්ගේම ඔත්තුකාරියකගේ ජීවිතය බලිදීමට සිදුවන අමාරු තීරණයකට මුහුණ දෙන හැටියි. ඒ මෙහෙයුම අසාර්ථක වීමෙන් පස්සේ, ජෝට සිද්ධ වෙනවා ත්‍රස්තවාදී නායකයෙකුගේ පවුලට ළඟා වෙන්න පුළුවන් අලුත් ඔත්තුකාරියක් හොයාගන්න.
ඒ වෙනුවෙන් එයා තෝරාගන්නේ අතීතයේදී විවිධ දුක් ගැහැටවලට මුහුණ දීලා, පස්සේ මැරීන් බලකායට එකතු වුණු කෲස් කියන තරුණියවයි. කෲස්ගේ තියුණු හැකියාවන් සහ දරාගැනීමේ ශක්තිය බලලා ජෝ එයාව මේ රහස් මෙහෙයුමට ඇතුළත් කරගන්නවා. කෲස්ට තියෙන්නේ ඉලක්කගත ත්‍රස්ත නායකයාගේ දියණිය සමඟ මිතුරු වෙලා එයාලගේ පවුල ඇතුළට රිංගන්නයි. කතාව අවසන් වෙන්නේ කෲස් කුවේට්වලදී තමන්ගේ පළමු මෙහෙයුම ආරම්භ කරලා, ඉලක්කයට ළඟා වෙන්න පටන් ගැනීමත් එක්කයි.
