ආයුබෝවන් යාලුවනේ!!ඉස්සෙල්ලම කියන්න ඕන මේ මගෙ පලවෙනි උපසිරැසිකරණය. ඒ නිසා වැරැද්දක් තියේ නම් ඔන්න මුලින්ම සමාව ඉල්ලනවා.මගේ මුල්ම උපසිරැසිකරණයෙන් ගෙනාවේ මේ අවුරුද්දේම මාර්තු මාසෙ තිරගත වුණු චිත්‍රපටයක්.

මේ චිත්‍රපටියේ ප්‍රධාන චරිතය නිරූපණය කරන්නෙ චන්යොල්. ඉතින් EXO-L ලා නම් මේ චිත්‍රපටය එනකම්මනෙ මඟ බලන් හිටියේ. මේ චිත්‍රපටියට සිංහල උපසිරැසියක් තිබ්බේ නැති නිසා අපේ ඒ මඟ බලන් හිටපු EXO-L ලා වෙනුවෙනුත් අනිත් අය වෙනුවෙන්නුත් මේ චිත්‍රපටයට උපසිරැසියක් හැදුවා

කතාව පැත්තට ගියොත් ජී හූන් කියන්නෙ සංගීතයට උපන් හැකියාවක් තියන ඒත් මිනිස්සු ඉස්සරහා සිංදු කියන්න බැරි තරුණයෙක්. මින් සූ කියන්නේ ප්‍රසිද්ධ ගායිකාවකගෙ නිෂ්පාදකයෙක් වෙලා ඉඳලා එලවපු කෙනෙක්. මේ මින් සූ අර ගායිකාවට පාඩමක් උගන්වන්න එයාට වැඩිය දක්ෂ කෙනෙක්ව හොයන කොට ජී හූන්ව හම්බවෙනවා. ඒත් ජී හූන්ට මිනිස්සු ඉස්සරහා සිංදු කියන්න බැරි නිසා එයාට පෙට්ටියක් ඇතුළෙ ඉඳන් සිංදු කියන්න කියලා මින්සූ යෝජනා කරනවා. ඉතින් මෙන්න මේ දෙන්නගේ මේ කතාව තමයි මේ චිත්‍රපටිය පුරාම දිග ඇරෙන්නෙ. රොමෑන්ස් මුකුත් නැති වුණාට මේක ලස්සන කතාවක්.

මම මුලින් කිව්වා වගේ මේ චිත්‍රපටියේ ප්‍රධාන චරිතය වන ජී හූන්ගෙ චරිතය  නිරූපණය කරන්නෙ දකුණු කොරියානු ප්‍රධානම බෑන්ඩ් එකක් වෙන EXO හි ප්‍රධාන රැප් ගායක චන්යොල්. . මින් සූගෙ චරිතය නිරූපණය කරන්නෙ දකුණු කොරියානු නළුවෙක් වන ජෝ දල් හ්වානග්. මේ චිත්‍රපටිය අධ්‍යක්ෂණය කරලා තියෙන්නේ Yang Jeong-woong විසින්.

මට මේ උපසිරැසිය කරන්න ඉඩ දුන්නු Subz.lk site එකට මම ගොඩක් ස්තූතිවන්ත වෙනවා. මම වැඩි කතා නැතුව මෙතනින් නවතිනවා. ඔයාලම කතාව බලලා ඉන්නකෝ….ගෙදරට වෙලා පරිස්සමට ඉන්න කියලම මම නවතින්නම්. බුදු සරණයි!!!