ස්පාඤ්ඤ චිත්‍රපට හොය හොය ඉද්දි ගිය වසරේ නිකුත් වුණ චිත්‍රපටයක් හම්බවුණා.මේකෙ ඔරිජිනල් ටයිටල් එක Secuestro.ඉංග්‍රීසි ටයිටල් එක Boy Missing.ත්‍රිලර් ඝනයට අයිති වෙන මේ චිත්‍රපටයෙ IMDB අගය සටහන් වෙන්නෙ 6.1 විදියට.මේක Orphanage (2007), Julia’s Eyes (2010) (මේකට මම කලින් සබ් දුන්නා) සහ The Body (2012) වැනි සුපිරි ෆිල්ම් හදපු නිෂ්පාදක කණ්ඩායමක වැඩක්.ඒවා තරම්ම නැතත් මේකත් ඉවරවෙනකම්ම කුතුහලයෙන් බලන්න පුළුවන් චිත්‍රපටයක්.මේක අධ්‍යක්ෂණය Mar Targaronaගෙන්.රංගනයෙන් දායක වෙන්නෙ  Blanca Portillo , Antonio Dechent , Vicente Romero  ඇතුළු නළු නිළි කැලක්.දැන් යමු කතාව පැත්තට…

කතාව පටන්ගන්නෙ පාසල් දරුවෙක් තනියම පාළු පාරක් දිගේ ඇවිදයන දර්ශනයකින්.එවෙලෙ වාහනයකින් ගමන්කරමින් සිටි කාරුණික පුද්ගලයෙක් මේ දරුවාව රෝහලකට බාරදෙනවා.මේ දරුවා කාගෙ කවුද කියල නොදන්නා නිසා රෝහලෙන් පොලිසියට දන්වනවා. පොලිසිය මේ දරුවා කාගේ කවුද, කොයි පාසලේද කියල සොයාගන්නවා.දරුවගෙ මව ජනප්‍රිය දක්ෂ නීතීඥවරියක් නඩුවක් බාරගත්තොත් දිනලම තමයි නවතින්නෙ. පොලිසිය දරුවව මවට බාරදුන්නට පාසලේ ඉන්න ඕනෙ දරුවා තනියම පාරක් දිගේ ඇවිදගෙන ගියේ කොහොමද කියන එක මේ දෙගොල්ලටම ප්‍රශ්ණයක් වෙනවා.දරුවගෙන ප්‍රශ්ණ කලාම ඔහු කියන්නෙ තමන් පැහැරගැනීමකට ලක්වුණ බවක්.ඔහු තමන්ව පැහැරගෙන ගිය පුද්ගලයවත්  අඳුනගන්නවා.හැබැයි ප්‍රශ්ණ සේරම පටන්ගන්නෙ එතනින්.දැන් ඔයගොල්ලො හිතයි පැහැරගත්තු පුද්ගලයා තමන්ව අල්ලලදීපු තරහට මේගොල්ලො පස්සෙ එලවනව කියල.නෑ එහෙම නෙමෙයි වෙන්නෙ මේක බොහොම පොඩි හේතුවක් නිසා වෙන දෙයක් වගේම ඒක නිසා ගොඩක් අයගෙ ජීවිත අවධානමෙත් වැටෙනවා.මීට වඩා කියන්න ගියොත් වැඩක් නෑ ඒ හින්ද නරඹලම බලන්න.ස්පාඤ්ඤ චිත්‍රපටවලට කැමති අයට මේක හොඳ සිනමා  අත්දැකීමක් වෙයි කියල මම හිතනවා.චිත්‍රපටය මෙන්න මේ වගේ කෙටි වාක්‍යයකින් හඳුන්වන්න පුළුවන්…

” සත්‍යය දැනගන්නාවිට ඔබ ප්‍රමාද වැඩිවිය හැකි අතර ආපසු හැරීමක්ද නැතිවිය හැක”