Medici (2016) [S01 : E05] Sinhala Subtitle

කලින් එපියේ අපි දැක්කා මෙඩිචිලා වැනීසියට පිටුවහල් වෙච්ච හැටි. මෙඩිචිලා ධන කුවේරයෝ නිසා වැනීසියේ සැප සම්පත් ෆ්ලෝරන්ස්වල වගේම ලැබෙනවා. ඒත් ගෙදර වගේ වෙන තැනක් කොහෙවත් නෑ කියලා කතාවක් තියෙනවා නේ. ඒ නිසා මෙඩිචිලා උපරිම උත්සාහය ගන්නවා ෆ්ලෝරන්ස්වලට ආයේ යන්න.

ඒත් වැනීසියේ මිනිස්සු කැමති නෑ මෙඩිචිලාව යවන්න. මොකද එයාලා කැමති මෙඩිචිලා වැනීසියේ ජීවත් වෙනවා දකින්න. වැනීසියේ ලොකු ලොකු ගොඩනැගිලිවලට මෙඩිචිලා වියදම් කරනවා දකින්න. මේ නිසා වැනීසියානුවන් මෙඩිචිලාට ආයේ යන්න උදව් කරනවා වගේ රඟපානවා. මෙඩිචිලත් ඒක නොදන්නවා නෙමෙයි.

මේ අතර මෙඩිචිගේ ඥාති සහෝදරයා වෙන මාරියෝ ඩි මෙඩිචි හරහා මිලාන්වල විස්කොන්ටි කුමාරයා යෝජනාවක් කරනවා. ඒ ෆ්ලෝරන්ස් ආක්‍රමණය කරලා මෙඩිචිලා ඒකේ පාලකයෝ කරන්න. ඒත් කොසිමෝ මේකට එච්චර කැමැත්තක් දක්වන්නෑ. ඒත් ලොරෙන්සෝ ඒකට කැමතියි. ඒත් ප්‍රශ්නය වෙන්නේ, මිලාන් සහ වැනීසිය කියන්නේ හතුරෝ. ඉතින් වැනීසියට හොරෙන් මිලාන් එක්ක පණිවිඩ හුවමාරු කරනවා කියන්නේ බෙල්ල ගහලා යන වැඩක්.

මේ අතර කොසිමෝ අලුත් ආදරයක් හොයාගන්නවා වගේම කොන්ටසීනාත් තමන්ගේ පරණ ආදරය ලං කරගන්නවා. ඉතින් මේ ආදර පලහිලව්ව මෙඩිචිලාට ෆ්ලෝරන්ස්වලට ආයේ එන්න පොටක් පාදනවා.

ඉතින් මේ එපියේ මොනවද වෙන්නේ කියලා බලමු.