13 Reasons Why (2017) [S02 : E01] Sinhala Subtitle

ආයුබෝවන් අදත් අපේ Subzlk හිත මිතුරන් හැම දෙනෙක්ටම. ටික දවසකට පස්සෙ
අද මම මේ එන්නෙ අප අඩවිය වෙතින් මින් පෙර උපසිරැසි ලබාදුන්න කතාමාලාවක දෙවන කතා සමයත් එක්කයි. කතාව නමින් 13 Reasons Why. ඉතින් පළමු කතා සමයට කවීෂ සහෝදරයත් මාත් එක්ක එකතු වුනත් මෙවරනම් ඔහුට කතාමාලාවට එක් වෙන්න වෙන්නෙ නෑ කාර්යබහුල තත්වයක් නිසා. ඇත්තටම මමත් මේ කතාමාලාව ගැන දැනගත්තෙ ඔහුගෙන්මයි, ඉතින් ඒකටත් ඒ වගේම දෙවන කතා සමය මට බාරදීම
ගැනත් කවීෂට ස්තූති කරන්න මම මේක අවස්ථාවක් කරගන්නවා. ඊට අමතරව අපේ සෑම් ඇතුළු ගොඩක් අය මාව දැන අඳුනගත්තෙත් මේ කතාමාලාව හරහායි. ඒ හේතු සියල්ලක්ම නිසා මේ කතාමාලාව මට විශේෂ එකක්. ඒ වගේම මේක පළමු කතාසමයෙන්ම ලෝකය පුරාම දැඩි කතාබහට ලක් වුණා, ඒ මෙහි කතා තේමාව නිසා.
ඒ නිසාම මෙවර ඔවුන් කොටස ආරම්භයේදී යම් අනතුරු ඇඟවීමක් කර තිබෙනවා මෙහි සාකච්ජා වෙන ආකාරයේ සිදුවීමකට මුහුණ දුන් අයෙක්නම් මෙය ඔබට නුසුදුසු විය හැකි බව සඳහන් කරමින්.කොහොමවුණත් මේකෙ මුල් කතාසමය අවසානයෙදි මට හිතුණා මේතරම් වටින තේමාවක් නිර්මාණකරුවන් හරියට ප්‍රයෝජනට ගත්තෙ නෑ වගේ කියලත්. ඒවුණාට මෙවරනම් මගෙ ඒ අදහස වරදියි වගේ කියල හිතෙනවා මුල් කොටස බැලුවම. ඒ වගේම අපි හැමෝමත් හිතාගෙන හිටිය දේවල් ගොඩක් වෙනස් වෙලා යන ආකාරයක් තමයි දැනට පේන්න තියෙන්නෙ. මේ කථාව විදේශයක වුණත් මෙහි කතාකෙරෙන දේවල් බොහොමයක් අපේ රටටත් ගැලපෙනවා ඒ වගේම කාලීනයි, මොකද මේ සිදුවීම් බොහොමයක් අපේ පාසල් පද්ධති තුල , විශ්ව විද්‍යාලවල,
සමාජයේ එහෙම නොඅඩුව තියනවා. තම සහෝදර ශිෂ්‍යයෙකුට ශිෂ්‍යාවකට හිංසා පීඩා කිරීමෙන් සතුටු වන ම්ලේච්ජයන් ඕනතරම් ඉන්නවා පාසල් තුල, විශ්ව විද්‍යාල තුල. විටෙක ගුරු විදුහල්පතිවරුන් පවා. ඊට අමතරව තාක්ෂණයේ අසීමිත දියුණුව වඳුරන්ට දැළි පිහි ලැබුනාක් මෙන් අනිවාරතේ ඉවක් බවක් නොමැතිව භාවිතා කරන, තමන්ගෙ අතිශය පෞද්ගලික තොරතුරු, ජා犀利士
යාරූප, වීඩියෝ පට ඇතුළු වෙන ඕනෑම දෙයකදි තමන්ගේ පෙම්වතුන්ව විශ්වාස කරන අහිංසක බොලඳ තරුණියනුත්, එවන් අයගෙන් සහ එවන් දේවලින් උපරිම ප්‍රයෝජන ලබාගන්නා තිරිසන් නරුමයනුත් පිරුණ කාල සමයකයි අපි අද මේ ජීවත්වෙන්නෙ . එහෙම දේවල් අන්තර්ජාලයට මුදාහැරීමෙන් ඉතාම අවාසනාවන්ත තත්වයන්ට පත්වුණ අය අපි පසුගිය කාලය පුරාවට දැක්කා, අදත් දකිනවා හෙටත් එහි වෙනසක් වෙයි කියල හිතන්න අමාරුයි. ඒවාට ගොදුරුවුණ සමහර අය ඒවා දරාගෙන සමාජයේ අපහාස උපහාස දරාගෙන ජීවත්වෙනවා, තවත් සමහර අය ඒ සිදුවීම් නිසාම තම ජීවිතවලට සමු දුන්නා. ඒ අවාසනාවන්ත සිදුවීම්වලට එක මවුස් ක්ලික් එකකින් එක හිනාවකින් එක සරදමකින් හෝ දායක වුණ අය ඉන්නවනම් තමන් නිසා ඒ සිදුවීමට සෘජුව සම්බන්ධ අය කොතරම් සිත් වේදනාවක් විඳිනවද විඳින්න ඇත්ද කියල හොඳින්ම දැකගන්න පුළුවන් මේ කතාමාලාවෙන්. ඒ වගේම එවන් දෙයක් වෙන්නට තියන ඉඩකඩ වලක්වාගන්නත් උදවුවක් වේවි. ඒ නිසා මේ කථාමාලාව තවමත් නරඹපු නැති අය ඉන්නවනම් , විශේෂයෙන්ම ගැහැණු ලමයි, මේක අනිවාර්යයෙන්ම නරඹන්න කියලත් ඉල්ලා සිටිනවා. හරි එහෙනම් අපි යමු දැන් කතාමාලාව පැත්තට..

 

මේ කතාමාලාව නිර්මාණය වෙන්නෙ ජේ ඈෂර් නම් ලේඛකයාගේ අතිශය ජනප්‍රිය නවකථාවක් ඇසුරින්.  මේ නවකථාව රූපවාහිනී තිරයට ගැලපෙන අයුරින් තිර රචනය වෙන්නෙ බ්‍රයන් යෝකිගේ අතිනුයි. මෙවර  මුල් කොටස් හතර අධ්‍යක්ෂණය කරන්නේ ග්‍රෙග් අරාකි විසින්. නළු නිළියන් ගැනනම් විශේෂ හැඳින්වීමක්  අවශ්‍ය නෑ මම හිතන්නෙ. මොකද කීප දෙනෙක් ඇරුණම පලවෙනි කතාමාලාවෙ හිටි අයම තමයි ගොඩක්ම ඉන්නෙ. ඒ නිසා ඒ ගැන සඳහන් කරන්න යන ඉඩ මම පළමු කතා සමය ටිකක් මතක් කරන්න යොදාගන්නම්.

හැනා බේකර් ( Katherine langford) ලිබර්ටි උසස් පාසලේ සිටි සුන්දර ශිෂ්‍යාවක්. ඇය හිටි හැටියේ දිවි නසා ගන්නවා. කතාව ආරම්භ වෙන්නෙ එතනිනුයි, ඒ ඇය තම සිය දිවිනසාගැනීමට හේතුවූ දෑ කැසට් පටවල තම හඩින්ම පටිගත කොට තිබීම, දිවි නසාගැනීමට පෙර ඇය ඒවා පාසලේම සිටින ටෝනි නම් ශිෂ්‍යයෙකුට ලබාදෙනවා ඒවා ඒ ඒ අදාල අයට ලබාදෙන ලෙස ඉල්ලමින්. මේ කැසට් පට ඔස්සේ ඒ හේතු එකින් එක අපි දැක්කා පළමු කතාසමයෙදි, එයින් සමහර හේතු ඇත්තටම අන් අයගේ වැරදි ලෙස අපට පැහැදිළිවම  පෙනුනත්, සමහර ඒවා හරියට බැලුවොත් හැනාගෙත් වැරදි (මේ මගේ මතය විතරයි). කොහොමින්හරි මේ සිදුවීම අවසානයේ සැබෑ වැරදි කරුවන්ට දඬුවම් නොලැබීම අවසන්ව යාමක් තමයි අපි දැක්කෙ පළමු කතා සමයෙන්… මෙවර දෙවන කතාසමය ආරම්භ වන්නේ හැනාගේ මරණයෙන් මාස පහකට පසුව… මෙවර මුල් කොටස නම් වෙන්නේ The First Polaroid (පළමු පෝලරොයිඩ් ජායාරූපය) කියලයි. මේ කොටසට හිමිව ඇති Imdb අගය 7.5ක්. හැනාගේ මරණයෙන් මාස පහකට පසුව හැනාගේ දෙමාපියන් සහ  ලිබර්ටි උසස් පාසල අතර නඩුව විභාග වීම ආරම්භ වෙනවා.. එහි මුලින්ම සාක්ෂි දීමට කැඳවන්නේ ටයිලර්ව..  එහෙනම් මම ඉන් එහා යමක් කියන්නෙ නෑ. ඉතිරිය ඔබට බාරයි..හමුවෙමු මීලඟ කොටසින් අපි.