සුබ දවසක් යාළුවෝ හැමෝටම.ඉතිං මේ සැරේ අළුත් වැඩකට අත ගැහුවා.චිත්‍රපට උපසිරැසි කරන අතරතුර TV Series එකක් කරන්න හිතුනා.ගොඩක් අය කැමතියිනේ ඒකට.අළුත්ම එකක් කරන්න කියල හදනකොට මම Subz LK වෙබ් එකේ දැක්කා භාගෙට නතර වෙලා තියෙන TV Series එකක්.Relic Hunter TV Series එක හැමෝම දන්නවානේ.ඉස්සර බොහොම ප්‍රසිද්ධ වුණා මේ කථා මාලාව.හැබැයි මොකක්හරි කාරණයකින් මේ කථා මාලාවේ සිංහල උපසිරැසි ලිවීමේ කාර්යය අතරමග නතරවෙලා.අපරාදේ නේද.ඉතිං මම හිතුවා මේ කථා මාලාව නවත්තපු තැනින් පටන් අරන් දිගටම කරගෙන යන්න.මේක කරන්න මට අවසර දුන්න සමීර සහ කවීෂ යන සොයුරන්ට මම ගොඩක් ස්තූතිවන්ත වෙනවා.රැකියා කටයුතු කරන අතරතුරයි මේ කාර්යය සිද්ධකරන්නේ.ඒ නිසා සතිපතා හෝ මම මේ කථා මාලාවේ කොටස් ඔබ වෙත ගේන්න මම වෙර දරනවා.මේ කථාවේ පළමු කොටස් 2හි උපසිරැසි ලබා දීලා තියෙන නිසා 3වන කොටසේ ඉදලා ඉදිරියට උපසිරැසි ලබා දීම සිදුකරනවා…

තුන්වන කොටසේදී සිඩ්නිව ගුවන් අනතුරකට ලක්වෙනවා.ඒ ඇය රාජකාරියක් ඉවර කරලා ආපහු එන අතරතුරයි.ඇයට සිහි එද්දි ඇය ඉන්නේ කන්‍යාරාමයක. එතනින් තමා සිඩ්නිට මේ අළුත් වැඩේ භාරවෙන්නේ වසර ගණනාවකය කලියෙන් මරාදැමූ කන්‍යාසොයුරියකගේ මෘත දේහය සොයා යන ගමනක් මේක.වෙනදා වගේම නයිජල් මේ වැඩේට උදවු කරනවා.ඉතිං මේ දෙන්නා ඩැඩේ කොහොම කරයිද කියලා ඔයාලම බලන්නකෝ.මම එහෙනම් ගිහින් එන්නම්.ඊළග කොටසින් හමුවෙමු.ඔයාලගේ කමෙන්ට් මම බලාපොරොත්තු වෙනවා.හැමෝටම සුබ දවසක්…

Spoiler Warning : The Sisters of Mercy need Sydney’s help to find the 400-year-old remains of a decapitated nun — along with the treasure she guards…